Delhi to Kashmir Vande Bharat: దశాబ్దాల నిరీక్షణకు తెర.. కాశ్మీర్ కు వందే భారత్ రైలు ట్రయల్ రన్ సక్సెస్..

జమ్మూ కాశ్మీర్ లోని కాట్రా-సంగల్దాన్ సెక్షన్ లో ప్రత్యేక వందే భారత్ ట్రయల్ రన్ నిర్వహించారు. ఏప్రిల్ 19న ప్రధానమంత్రి నరేంద్ర మోడీ ప్రారంభించనున్న ఈ రైలుకు మంగళవారం 272 కిలోమీటర్ల పొడవైన ఉధంపూర్-శ్రీనగర్-బారాముల్లా రైలు మార్గం (USBRL)లోని కాట్రా-సంగల్దాన్ సెక్షన్ లో వందే భారత్ ప్రత్యేక రైలును విజయవంతంగా పరీక్షించారు. ఈ రైల్వే లైన్ కాశ్మీర్‌ను దేశంలోని మిగిలిన ప్రాంతాలతో కలుపుతుంది.

Also Read:AP Police: డిప్యూటీ సీఎం పవన్‌, భార్య, కుమారుడిపై అనుచిత పోస్ట్‌.. ముగ్గురి అరెస్ట్‌..!

ప్రతిష్టాత్మక రైల్వే ప్రాజెక్ట్‌లోని కాట్రా-సంగల్దాన్ విభాగంలోకి వచ్చే చీనాబ్ నదిపై ప్రపంచంలోనే ఎత్తైన రైల్వే వంతెన ప్రారంభోత్సవానికి తుది సన్నాహాల్లో భాగంగా ఈ ట్రయల్ రన్ నిర్వహిస్తున్నట్లు అధికారులు తెలిపారు. మంగళవారం కాట్రా-సంగల్దాన్ విభాగంలో వందే భారత్ ప్రత్యేక రైలు ట్రయల్ రన్ జరిగిందని అధికారులు తెలిపారు. తరువాత కాత్రా నుంచి కాశ్మీర్‌కు మొదటి రైలును జెండా ఊపి ప్రారంభిస్తామని తెలిపారు.

Also Read:Pawan Kalyan : పవన్ కల్యాణ్‌ తో గోపీచంద్ మలినేని సినిమా..?

ఇది కాత్రా, బారాముల్లా మధ్య రైలు సర్వీసుల ప్రారంభానికి గుర్తుగా, కాశ్మీర్‌ను దేశంలోని మిగిలిన ప్రాంతాలతో అనుసంధానిస్తుందని ఆయన చెప్పారు. కాట్రా-సంగల్దాన్ సెక్షన్‌లోని ట్రాక్ వెంబడి ముఖ్యమైన ప్రదేశాలతో పాటు కాశ్మీర్ వరకు మొత్తం ట్రాక్ వెంబడి బహుళ అంచెల భద్రతా ఏర్పాట్లు చేసినట్లు ఆయన తెలిపారు. ప్రారంభోత్సవ రోజున రెండు వందే భారత్ ఎక్స్‌ప్రెస్ రైళ్లు నడుస్తాయని అధికారి తెలిపారు – ఒకటి శ్రీనగర్ నుంచి కాట్రాకు, మరొకటి కాట్రా నుంచి శ్రీనగర్‌కు పరుగులు తీయనున్నట్లు తెలిపారు.