రెండేళ్లుగా అత్యాచారం.. బిడ్డను చంపేస్తేనే పెళ్లి చేసుకుంటానన్న నీచుడు
ఉత్తరప్రదేశ్లోని బరేలీ జిల్లాలో ఓ యువకుడు పెళ్లి సాకుతో యువతిపై రెండేళ్లుగా అత్యాచారానికి పాల్పడ్డాడు. ఈ సమయంలో ఆమె గర్భం దాల్చి బిడ్డకు జన్మనిచ్చింది. పెళ్లి చేసుకోమని యువతి యువకుడిని బలవంతం చేయగా.. ఈ చిన్నారిని చంపేస్తే చేసుకుంటా.. ఇలా చేయకుంటే నేను పెళ్లి చేసుకోను. దీంతో పాటు నీ అశ్లీల వీడియోలు, ఫొటోలను సోషల్ మీడియాలో వైరల్ చేస్తానని బెదిరింపులకు దిగాడు.
యువకుడి బెదిరింపుపై భయపడిన యువతి పోలీస్ స్టేషన్ ను ఆశ్రయించింది. కాని పోలీసులు ఎటువంటి చర్యలు తీసుకోలేదు. ఆ యువకుడు తనను చంపేస్తానని పదే పదే బెదిరిస్తున్నాడని యువతి ఆరోపించింది. దీంతో ఆందోళనకు గురైన ఆమె ఎస్ఎస్పీ కార్యాలయానికి చేరుకుని యువకుడిపై చర్యలు తీసుకోవాలని కోరింది. ఈ మొత్తం వ్యవహారంపై విచారణ జరిపి చర్యలు తీసుకోవాలని ఎస్ఎస్పీ ఆదేశించారు.
మూడు రోజులుగా వర్షాలు.. పోటెత్తిన గోదావరికి వరద
గత రెండు మూడు రోజులుగా రాష్ట్రంలో విస్తారంగా వర్షాలు కురుస్తున్నాయి. దీంతో తెలంగాణలోని ప్రాజెక్టులన్నీ అస్తవ్యస్తంగా మారాయి. కాళేశ్వరం సమీపంలో గోదావరి, ప్రాణహిత నదులు ప్రవహిస్తున్నాయి. ఈ రెండు నదులు పుష్కరఘాట్ వద్ద 9.770 మీటర్ల ఎత్తులో ప్రవహిస్తున్నాయి. రాష్ట్రంతోపాటు ఎగువన కురుస్తున్న భారీ వర్షాల కారణంగా గోదావరికి వరద పోటెత్తింది. ఎగువ నుంచి వస్తున్న వరద కారణంగా భద్రాచలం వద్దకు గోదావరి నుంచి 8 లక్షల క్యూసెక్కుల నీరు వచ్చి చేరింది. వర్షానికి తోడు గోదావరి వరద ఎగపోటు కారణంగా వెంకటాపురం మండలంలోని బల్లకట్టు, కంకలవాగు, జిన్నెలవాగు, పూసువాగు, పెంకవాగులు ప్రమాదకరంగా మారాయి. పలు గ్రామాలకు ప్రవాహాలు అడ్డుగా ఉన్నాయి. ఛత్తీస్గఢ్ సరిహద్దులో వరద నీటిలో రాకపోకలు బంద్ అయ్యాయి. గోదావరి వరదపోటుతో రహదారులపై వరదనీరు చేరింది. పేరూరు-చండ్రుపట్ల గ్రామాల మధ్యనున్న రహదారిని మరిమాగువాగు ముంచెత్తింది. వంతెనపై వరదనీరు చేరడంతో టేకులగూడెం, పెదగంగారం, చండ్రుపట్ల, కృష్ణాపురం గ్రామాలకు పేరూరుతో సంబంధాలు తెగిపోయాయి. ఏడ్జర్లపల్లి-బొమ్మనపల్లి గ్రామాల మధ్య ఒర్రెలో వరదనీరు చేరడంతో వాహనాల రాకపోకలకు అంతరాయం ఏర్పడింది.
బాస్మతీయేతర బియ్యం ఎగుమతిని నిషేధించిన కేంద్రం… ఈ దేశాలు ఇక పస్తులే
బాస్మతీయేతర బియ్యం ఎగుమతిపై కేంద్ర ప్రభుత్వం నిషేధం విధించింది. కేంద్ర ప్రభుత్వం తీసుకున్న ఈ నిర్ణయం వల్ల చాలా దేశాల్లో బియ్యం సంక్షోభం ఏర్పడనుంది. భారతదేశం ప్రపంచంలోనే అతిపెద్ద బియ్యం ఎగుమతి చేసే దేశం. ఇక్కడ నుండి బియ్యం యూరోప్, అమెరికా, ఆఫ్రికాతో పాటు ఆసియా ఖండంతో సహా అనేక దేశాలకు ఎగుమతి చేయబడుతుంది. దేశంలో పెరుగుతున్న ఆహార పదార్థాల ధరలను అరికట్టేందుకు కేంద్ర ప్రభుత్వం బాస్మతీయేతర బియ్యం ఎగుమతిపై నిషేధం విధించిందని నిపుణులు చెబుతున్నారు. ఎందుకంటే దేశంలో చాలా మందికి ఆహారం అన్నం మాత్రమే. విశేషమేమిటంటే భారతీయులు బాస్మతీయేతర బియ్యాన్ని ఎక్కువగా తీసుకుంటారు. బాస్మతీయేతర బియ్యం ఎగుమతి కొనసాగి ఉంటే వాటి ధరలు పెరిగేవి. ఇలాంటి పరిస్థితుల్లో సాధారణ ప్రజలకు ఆహారం అందించడం కష్టంగా మారింది. ఈ కారణంగానే బాస్మతీయేతర బియ్యాన్ని కొద్దిరోజుల పాటు నిషేధించాలని కేంద్ర ప్రభుత్వం నిర్ణయించింది.
40 ఏళ్లుగా ఒక్కరే ప్రధానమంత్రి..
ప్రస్తుత రాజకీయ పరిస్థితుల్లో ప్రధాన మంత్రిగా.. ముఖ్యమంత్రిగా 10 ఏళ్లు కంటిన్యూగా ఒక్కరే కొనసాగడం కష్టం. కానీ ఆ దేశానికి అతను ఏకంగా 40 ఏళ్లుగా ప్రధానమంత్రిగా కొనసాగుతున్నారు. మరో విశేషం ఏమిటంటే ఈ ఏడాది జరగబోయే ఎన్నికల్లో కూడా ఆయనే తిరిగి ప్రధానిగా ఎన్నికయ్యే అవకాశాలే ఎక్కువగా ఉన్నాయని సర్వేలు, మీడియా వర్గాలు చెబుతున్నాయి. ఇంతకీ ఎవరా వ్యక్తి? ఏ దేశంలో అని ఆలోచిస్తున్నారా? ఇదిగో వివరాలు.. చదవండి..
గత 40 ఏళ్లుగా కంబోడియా దేశానికి ప్రధానమంత్రిగా హున్ సెన్ బాధ్యతలు నిర్వహిస్తున్నారు. ఇపడు మరోసారి ఎన్నికలకు సిద్ధమయ్యారు. సరైన ప్రతిపక్షమే లేని దేశంలో కంబోడియన్ పీపుల్స్ పార్టీ అధినేత హున్ సెన్ మరోసారి అధికారంలోకి రావడం ఖాయమంటున్నాయి అక్కడి మీడియా వర్గాలు. ఈ ఆదివారం జులై 23న కంబోడియాలో మరోసారి సార్వత్రిక ఎన్నికలు జరగనున్నాయి. నామమాత్రంగా జరిగే ఈ ఎన్నికల్లో ఆ దేశ ప్రధాని హున్ సెన్ మళ్ళీ ప్రధాని పీఠాన్ని అధిష్టించి అత్యధిక కాలంపాటు ఆ పదవిలో కొనసాగిన ప్రధానిగా రికార్డు సొంతం చేసుకోవాలనే పట్టుదలతో ఉన్నారు. ఆయన పట్టుదల సంగతి అటుంచితే .. అక్కడ సరైన ప్రతిపక్షమే లేదు. ఒక్క మాటలో చెప్పాలంటే అక్కడ నియంత పాలన కొనసాగుతుందని స్థానికులు గుసగులాడుకుంటున్నారు.
మణిపూర్ మహిళలతో అసభ్య ప్రవర్తన.. నిందితుడి ఇంటికి నిప్పు
మణిపూర్లో జరిగిన దారుణానికి దేశం మొత్తం ఉలిక్కిపడింది. ఇద్దరు మహిళలతో బహిరంగంగా అసభ్యంగా ప్రవర్తించిన ప్రధాన నిందితుడి ఇంటికి అతని స్వంత గ్రామస్తులు నిప్పు పెట్టారు. మణిపూర్ వీడియో వైరల్ అయిన తర్వాత, దేశవ్యాప్తంగా ఈ సంఘటనపై ఆగ్రహం వ్యక్తమైంది, అయితే ఇప్పుడు నిందితుడి స్వంత వర్గానికి చెందిన ప్రజలు కూడా నిందితులను బహిరంగంగా వ్యతిరేకిస్తున్నారు. మహిళపై దారుణానికి ఒడిగట్టిన వ్యక్తులు మైతేయి వర్గానికి చెందిన వారు. నిందితుడి ఇంటికి నిప్పుపెట్టిన వ్యక్తులు కూడా అదే వర్గానికి చెందిన వారే కావడం గమనార్హం.
వైరల్ వీడియోలో, ఇద్దరు మహిళలను వివస్త్రను చేసి బహిరంగంగా క్రూరంగా ప్రవర్తించిన వారిలో నలుగురిని పోలీసులు అరెస్టు చేశారు. వీరిలో ప్రధాన నిందితుడు హురేమ్ హెరోదాస్ కూడా పోలీసులకు పట్టుబడ్డాడు. హేరోదు ఇంటి పరిసరాల్లో నివసించే ప్రజలు ఈ విషయం తెలుసుకున్నప్పుడు, వారు అతని ఇంటిని తగలబెట్టడానికి చేరుకున్నారు. నిందితుడి ఇల్లు నాంగ్పోక్ సెక్మై పోలీస్ స్టేషన్ పరిధిలో ఉంది. గురువారం సాయంత్రం అతని పొరుగువారి గుంపు గుమిగూడి అతని ఇంటికి నిప్పు పెట్టారు.
నేటి నుంచి విశాఖలో నెలరోజులపాటు ఇంటింటి ఓటర్ సర్వే
ఓటర్ల జాబితా ప్రత్యేక సమ్మరీ రివిజన్ కోసం ఇంటింటికి వెళ్లి ఓటరు సర్వే శుక్రవారం విశాఖ, కృష్ణా, ఎన్టీఆర్ జిల్లాల్లో ప్రారంభం కానుంది. రాజకీయ పార్టీలు బూత్ లెవల్ ఏజెంట్లను నియమించి అధికారులకు సహకరించాలని, ప్రస్తుత ఓటర్లను సరిచూసేందుకు, చనిపోయిన ఓటర్లను, 100 ఏళ్లు పైబడిన ఓటర్లను, ఎన్టీఐ ఓటర్లను, ఇతరులను గుర్తించేందుకు చేపట్టే సర్వేలో పాల్గొనాలని కోరారు. జూలై 21 నుంచి ఆగస్ట్ 21 వరకు నెల రోజుల పాటు కేంద్ర ఎన్నికల సంఘం ఆదేశాల మేరకు రాష్ట్ర , జిల్లా స్థాయి అధికారులు సమగ్ర ఓటర్ సర్వే ను చేపడతారు. సెప్టెంబరు 30లోగా సర్వే ముగించి, అక్టోబర్ 17న ముసాయిదా ఓటర్ల జాబితాను ప్రచురించనున్నారు. ఓటర్ల జాబితాపై అభ్యంతరాలను నవంబర్ 30 వరకు స్వీకరిస్తారు.
ఆ దేశమే చంద్రుడికి దగ్గర.. ఎవరెస్టు కాదు
ఆకాశంలో చందమామను అందుకోవాలన్న ఆరాటం ప్రతి మనిషిలో ఉంటుంది. అలా అందుకోవాలంటే అందరి వల్ల కాదు. అందుకే అంతరిక్ష ప్రయోగాలు, స్పేస్ షిప్పులతో ప్రయాణాలు. అలాగాకుండా భూమ్మీద నుంచే చూస్తే.. చందమామ ఎవరికి దగ్గరో తెలుసా? ఏయే దేశాల వారికి దగ్గరగా ఉంటాడో తెలుసా? అసలు అంతరిక్షానికి భూమ్మీద దగ్గరి ప్రాంతమేంటో ఐడియా ఉందా? చందమామపైకి ఇస్రో తాజా ప్రయోగం నేపథ్యంలో వాటి గురించి.. తెలుసుకుందా. భూమ్మీద ఏ ప్రాంతం చంద్రుడికి దగ్గరగా ఉంటుందనే ప్రశ్నకు.. ఎవరెస్ట్ శిఖరమే అయి ఉంటుందని చాలా మంది అంచనా వేస్తుంటారు. ఎందుకంటే భూమిపై ఎత్తయిన ప్రాంతం అదేకదా అంటారు. కానీ అది కొంత వరకే నిజం.. హిమాలయ పర్వతాలు, ఎవరెస్ట్ శిఖరం భూమి ఉపరితలంపైన మాత్రమే ఎత్తయినవి. భూమి మధ్యభాగం నుంచి చూస్తే.. ఎవరెస్ట్ కన్నా ఎత్తయిన ప్రాంతాలూ ఉన్నాయి మరి. అవే చందమామకు, స్పేస్కు దగ్గరగా ఉంటాయి.
స్పేస్(చంద్రుడి)కి దగ్గరగా ఉన్న ప్రాంతం ఏదన్న దానిపై అమెరికాకు చెందిన జోసెఫ్ సెన్నె అనే ఇంజనీర్, న్యూయార్క్లోని హెడెన్ ప్లానెటోరియం డైరెక్టర్ నీల్ డెగ్రాస్ టైసన్ కలసి అధ్యయనం చేశారు. వారు పరిశీలన చేసిన తర్వాత ఆండీస్ పర్వత శ్రేణుల్లో ఈక్వెడార్ దేశం పరిధిలోకి వచ్చే ‘మౌంట్ చింబోరాజో’ శిఖరం చంద్రుడికి దగ్గరగా ఉంటుందని పరిశీలనలో వెల్లడయింది. దక్షిణ అమెరికా ఖండంలో సుమారు ఏడు దేశాల్లో ఆండీస్ పర్వతాలు విస్తరించి ఉన్నాయి. అందులో భూమధ్యరేఖకు కాస్త దిగువన ఉన్న ఈక్వెడార్ పరిధిలో ‘మౌంట్ చింబోరాజో’శిఖరం ఉంది. ఎవరెస్ట్ ఎత్తు సముద్ర మట్టం నుంచి 8,848 మీటర్లు, అదే చింబోరాజో శిఖరం ఎత్తు 6,268 మీటర్లు మాత్రమే. కానీ ఎవరెస్ట్తో పోలిస్తే.. చింబోరాజో చంద్రుడికి 2.4 కిలోమీటర్లు సమీపంలో ఉన్నట్టేనని నిపుణులు చెబుతున్నారు.
దేశంలో పెరిగిన ముస్లింల జనాభా.. లోక్ సభలో గణాంకాల వెల్లడి
భారతదేశంలో జనాభా వేగంగా పెరుగుతోంది. జనాభాలో చైనాను వెనక్కి నెట్టి అత్యధిక జనాభా కలిగిన దేశంగా అవతరించింది. కేవలం ముస్లిం జనాభాకు సంబంధించి భారత ప్రభుత్వం కూడా గణాంకాలను సమర్పించింది. వర్షాకాల సమావేశాల సందర్భంగా లోక్సభలో తృణమూల్ కాంగ్రెస్కు చెందిన మాలా రాయ్ ప్రశ్నలకు సమాధానమిస్తూ, మైనారిటీ వ్యవహారాల శాఖ మంత్రి స్మృతి ఇరానీ 2011 (సెన్సస్ 2011)లో 17.2 కోట్ల మంది ఉన్న ముస్లింల జనాభా 2023 నాటికి 19.7 కోట్లకు పెరుగుతుందని అంచనా వేశారు. 2011 జనాభా లెక్కల ప్రకారం మొత్తం ముస్లింల జనాభా 14.2శాతం కాగా, 2023లో జనాభాలో వారి వాటా అదే నిష్పత్తిలో ఉంటుందని స్మృతి ఇరానీ పార్లమెంటులో చెప్పారు. అయితే 2023లో ముస్లింల జనాభా 197 మిలియన్లుగా ఉంటుందని ప్రభుత్వం గురువారం పార్లమెంటుకు తెలిపింది.
తెలంగాణలో 10 జిల్లాలకు రెడ్ అలర్ట్.. వరద ప్రాంతాల్లో ప్రత్యేక బృందాలు..
తెలంగాణలో గత మూడు రోజులుగా భారీ వర్షాలు కురుస్తున్నాయి. అన్ని జిల్లాలతో పాటు హైదరాబాద్లోనూ ఎడతెరిపి లేకుండా వర్షాలు కురుస్తున్నాయి. మూడు రోజులుగా వర్షం కురుస్తుండటంతో లోతట్టు ప్రాంతాలు పూర్తిగా జలమయమయ్యాయి. వర్షపు నీరు రోడ్లపైకి చేరడంతో వాహనదారులు తీవ్ర ఇబ్బందులు పడుతున్నారు. అలాగే పలు చోట్ల విద్యుత్ సరఫరాకు అంతరాయం ఏర్పడుతోంది. వర్షాలకు విద్యుత్ స్తంభాలు, చెట్లు కూలిపోతున్నాయి. అయితే రానున్న ఐదు రోజుల పాటు రాష్ట్రంలో కూడా భారీ వర్షాలు కురుస్తాయని హైదరాబాద్ వాతావరణ కేంద్రం అంచనా వేసింది. ఈ మేరకు గురువారం రాత్రి వాతావరణ బులెటిన్ విడుదల చేసి హెచ్చరికలు జారీ చేసింది. నేడు కొమరం భీం ఆసిఫాబాద్, మంచిర్యాల, జయశంకర్ భూపాలపల్లి, మహబూబ్ నగర్ జిల్లాల్లో భారీ నుంచి అతిభారీ వర్షాలు కురిసే అవకాశం ఉందని రెడ్ అలర్ట్ ప్రకటించారు. అలాగే వరంగల్, హనుమకొండ, జనగాం, సిద్దిపేట, యాదాద్రి భువనగిరి, నారాయణపేట, మెదక్, సంగారెడ్డి, వికారాబాద్, రంగారెడ్డి జిల్లాల్లో ఈరోజు ఆరెంజ్ అలర్ట్ ప్రకటించగా, భారీ నుంచి అతి భారీ వర్షాలు కురిసే అవకాశం ఉంది. భారీ వర్షాల కారణంగా కరీంనగర్, ఆదిలాబాద్, పెద్దపల్లి, ములుగు, భద్రాద్రి కొత్తగూడెం జిల్లాల్లో ఎల్లో అలర్ట్ ప్రకటించారు.
అమానుషం.. మూడు గ్రాముల బంగారం కోసం కోడలినే కాల్చి చంపారు
పెళ్లి సమయంలో కూతురికి నగదు కాకుండా 6 గ్రాముల బంగారం ఇస్తామని ఓ తండ్రి హామీ ఇచ్చాడు. అన్నట్లుగానే నగదు, మూడు గ్రాముల బంగారం ముట్టజెప్పాడు. మిగతా మూడు గ్రాముల బంగారం ఆర్థిక సమస్యల కారణంగా ఇవ్వలేకపోయాడు. అందుకే తన కూతురిని ఆమె అత్తమామలు కాల్చి చంపారని తండ్రి ఫిర్యాదు చేశాడు. ఈ సంచలన సంఘటన బీర్భూమ్లోని బోల్పూర్ మున్సిపాలిటీలోని కచారిపట్టి ప్రాంతంలో చోటుచేసుకుంది. గురువారం ఉదయం తనుశ్రీ ఘోష్ అనే యువతిని దారుణంగా దహనం చేసిందని ఆరోపించారు.
యువతి కుటుంబ సభ్యులు ఆమె అత్తమామలపై ఆరోపణలు చేశారు. బోల్పూర్ పోలీస్ స్టేషన్ పోలీసులు అసహజ మరణం కేసు నమోదు చేశారు. ఈ కేసులో మృతురాలి భర్త బాపన్ ఘోష్ను బోల్పూర్ పోలీస్ స్టేషన్ పోలీసులు అరెస్టు చేశారు. తనుశ్రీ దేవి తండ్రి ఇల్లు బీర్భూమ్లోని సైథియా పోలీస్ స్టేషన్లోని రుద్రనగర్లో ఉంది. ఏడేళ్ల క్రితం బోల్పూర్లోని కచారిపట్టి నివాసి అజిత్ ఘోష్ కుమారుడు బాపన్ ఘోష్తో వివాహం జరిగింది. పెళ్లి తర్వాత అమ్మాయిని డబ్బులు తీసుకురావాలని డిమాండ్ చేశారని తనుశ్రీ కుటుంబ సభ్యులు ఫిర్యాదు చేశారు. చంపేస్తామని బెదిరింపులు కూడా ఇచ్చారని ఆరోపించారు. నిద్రాహారాలు మాని తరచూ యువతిని బెదిరించేవారని తెలిపారు. చిత్రహింసలకు గురిచేస్తూ బాలికను చంపి రైల్వే లైన్పై పడేస్తానని బెదిరించినట్లు ఆవేదన వ్యక్తం చేశాడు.
బీసీలంటే బ్యాక్వర్డ్ క్లాసులు కాదు.. బ్యాక్బోన్ క్లాసులు అని ఆనాడే చెప్పా
ఏపీలో చేనేత నేస్తం పథకం లబ్దిదారుల ఖాతాల్లో సీఎం జగన్ డబ్బులు జమ చేశారు. అనంతరం ఏర్పాటు చేసిన బహిరంగ సభలో సీఎం జగన్ పాల్గొని ప్రసంగించారు. ఈ సందర్భంగా ఆయన మాట్లాడుతూ.. బీసీలంటే బ్యాక్వర్డ్ క్లాసులు కాదు.. బ్యాక్బోన్ క్లాసులు అని ఆనాడే చెప్పానని, రూ.194.కోట్లను ఐదో విడత అందిస్తున్నామని, గతంలో నేతన్నలు చాలా ఇబ్బంది పడ్డారని, ఆత్మహత్యలు చేసుకున్నా కనీస సహాయం చేయలేదన్నారు. ఆ 70 కుటుంబాలను ఆర్థికంగా మేము అడ్డుకున్నామన్నారు. చేనేతలు ఇబ్బంది పడకుండా నవరత్నాలలో నేతన్న నేస్తం తీసుకు వచ్చామని, 2014 లో 650 హామీలను చంద్రబాబు ఇచ్చారని ఆయన మండిపడ్డారు.
మేనిఫెస్టో ఎక్కడ చూస్తారో నని..దానిని కనపడకుండా చేసాడని, నేతన్నలకు ఇచ్చిన హామీలు గాలికి వదిలేశారని ఆయన మండిపడ్డారు. అంతేకాకుండా.. ‘ఏడాదికి వేయి కోట్లు ఖర్చు పెడతామని చెప్పి చేనేతలను మోసం చేశారు. మేము అధికారంలోకి వచ్చిన తర్వాత చేనేతల కోసం ఎస్సీ, ఎస్టీ, బీసీ, మైనారిటీ. ..మహిళలతో పాటు ఇతరులకు 2 లక్షల 25 వేల కోట్లు ఆర్థిక సాయం చేశాం.
ప్రారంభమైన యాదాద్రి ఎంఎంటీఎస్ పనులు.. గుట్ట వద్ద ప్రత్యేక ట్రాక్
హైదరాబాద్కే పరిమితమైన ఎంఎంటీఎస్ సేవలను దక్షిణ మధ్య రైల్వే విస్తరిస్తోంది. ఎంఎంటీఎస్ను ఇప్పటికే హైదరాబాద్ శివారు ప్రాంతాలకు విస్తరించారు. కాగా.. తెలంగాణలోని ప్రముఖ పుణ్యక్షేత్రమైన యాదాద్రికి ఎంఎంటీఎస్ను విస్తరించేందుకు ప్రయత్నాలు జరుగుతుండగా.. ఇప్పుడు పనులు ప్రారంభమయ్యాయి. ఎంఎంటీఎస్ సర్వీసులను యాదాద్రి వరకు పొడిగించే ప్రాజెక్టుకు అయ్యే మొత్తం ఖర్చును రైల్వే శాఖ భరిస్తుంది. రైల్ వికాస్ నిగమ్ లిమిటెడ్ ఆధ్వర్యంలో ఈ పనులు జరగనున్నాయి. దక్షిణ మధ్య రైల్వే జనరల్ మేనేజర్ అరుణ్ కుమార్ జైన్ సికింద్రాబాద్ డీఆర్ఎం ఏకే గుప్తాతో కలిసి ఇటీవల యాదాద్రి రైల్వేస్టేషన్ను పరిశీలించారు. ఎంఎంటీఎస్ రైళ్లకు ప్రత్యేక రైల్వే ట్రాక్ నిర్మిస్తారు. అలాగే ప్రస్తుతం ఉన్న యాదాద్రి రైల్వే స్టేషన్కు ఎదురుగా కొండ వైపు మరో రైల్వే స్టేషన్ను నిర్మించనున్నారు. ఘటనా స్థలాన్ని అధికారులు పరిశీలించారు.
కామారెడ్డిలో భారీ వర్షాలు..బయటకు రావొద్దంటు దండోరా..
తెలంగాణలో భారీ వర్షాలు కురుస్తున్నాయి.. గత కొన్ని రోజులుగా భారీ వర్షాలు కురుస్తున్న సంగతి తెలిసిందే.. భారీగా కురుస్తున్న వర్షాలకు జనాలను ఇళ్ల నుంచి బయటకు రావొద్దని అధికారులు హెచ్చరిస్తున్నారు.. కామారెడ్డిలో పరిస్థితి దారుణంగా ఉంది.. గత 4 రోజుల నుంచి ఎడతెరిపి లేకుండా వర్షాలు కురుస్తుండటంతో లోతట్టు ప్రాంతాలు జలమయమయ్యాయి. వాగులు, వంకలు పొంగిపొర్లుతున్నాయి.. భారీ వర్షాల కారణంగా భీమేశ్వర వాగు, పాల్వంచ వాగు, నల్లమడుగు మత్తడి వాగు ఉదృతంగా ప్రవహిస్తోంది. వర్షం ధాటికి జిల్లా కేంద్రంలోని శ్రీరాంమ్ నగర్ కాలనీ, రుక్మిణికుంట, పంచాముఖి హనుమాన్ కాలనీ, అయ్యప్ప నగర్ కాలనీ పూర్తిగా జలమయం అయ్యాయి.
రోడ్లపైకి వచ్చి చేరిన వరద నీటితో వాహనదారులు ఇబ్బంది పడుతున్న పరిస్థితి. పలు గ్రామాలలో దండోరా వేయించి ఇళ్లలోంచి బయటకు రావద్దని గ్రామపంచాయతీ ప్రజా ప్రతినిధులు, అధికారులు హెచ్చరిస్తున్నారు.. కొన్ని ప్రాంతాల్లో ఇళ్ల లోకి నీరు వచ్చి చేరడంతో ప్రజలు అనేక ఇబ్బందులను ఎదుర్కొంటున్నారు.. మరికొన్ని ప్రాంతాల్లో ఇళ్లల్లో వస్తున్న నీటితో పాటు సర్పాలు కూడా వస్తున్నాయని ప్రజలు చెప్పుకోస్తున్నారు.. చీకట్లోనే జనాలు బిక్కు బిక్కుమంటున్నారు..
మధురానగర్ లో దారుణం.. లిఫ్ట్ ఇచ్చి కారులో మహిళపై అత్యాచారం
హైదరాబాద్ మధురానగర్ పరిధిలో దారుణం చోటుచేసుకుంది. వర్షంలో నడుచుకుంటూ వెళ్తున్న మహళకు ఓ కారు డ్రైవర్ లిఫ్ట్ ఇస్తానని ఆపాడు. దానికి ఆమె వద్దుంటూ ముందుకు నడుచుకుంటూ వెళుతున్న కారు డ్రైవర్ వర్షం ఎక్కువగా వస్తుంది. నేను లిప్ట్ ఇస్తాను భయపడకండీ ఎక్కువగా నానిపోతారు అంటూ నమ్మబలికాడు. దీంతో కారు డ్రైవర్ ను నమ్మిన ఆ మహాళ కారులో వెనుక సీట్ లో ఎక్కేందుకు వెళ్లింది. వెనుక వద్దూ ముందుకు వచ్చి కూర్చోవాలని కోరాడు. దీంతో ఆ మహిళ కారులో ముందుకు వచ్చి కూర్చొంది. ఒకచోట పని ఉందని చెప్పి నిర్జీవ ప్రదేశానికి తీసుకువెళ్లాడు. ఎక్కడకు తీసుకుని వెళుతున్నావ్ అని ప్రశ్నించిన ఆమెకు సమాధానం ఇవ్వలేదు కారు డ్రైవర్. దీంతో ఆ మహిళ అరవడంతో చంపేస్తానంటూ బెదిరించాడు. ఆపై ఆమెపై లైంగిక దాడికి పాల్పడ్డాడు. ఈవిషయం ఎవరికి చెప్పకూడదని బెదిరించి ఆమెను కారులోనుంచి బయటకు తోసేశాడు. దయనీయ స్థితిలో వున్న మహిళను చూసిన స్థానికులు పోలీసులకు సమాచారం అందించారు. హుటా హుటిన ఘటనా స్థలికి చేరుకున్న పోలీసులు ఆమెను ఆసుపత్రికి తరలించారు. కేసు నమోదు చేసుకుని సీసీ ఫుటేజ్ ను పరిశీలిస్తున్నారు. కారు డ్రైవర్ ను త్వరలో పట్టుకుని కఠినింగా శిక్షిస్తామని తెలిపారు.
