Selfie Tragedy: రేపే పెళ్లి.. సెల్ఫీ కోసం వెళ్లి లోయలో పడ్డారు

Selfie Tragedy: ఓ జంటకు ఇటీవలే పెళ్లి కుదిరింది. ఏర్పాట్లన్నీ పూర్తయ్యాయి. పెళ్లి వేడుకల్లో భాగంగా ఇరుకుటుంబాల వారు కలిసి ఆలయ దర్శనానికి వెళ్లారు. ఆ సమీపంలోని క్వారీని చూసేందుకు వెళ్లి సెల్ఫీ కోసం ఫోజిచ్చారు. ఇంకేముంది వధువు కాలుజారీ లోయలో పడిపోయింది. ఇంతలో వరుడు ఆమెను కాపాడేందుకు దూకేశాడు. కేరళలోని కొల్లాం జిల్లాలో జరిగింది ఈ ఘటన. వివరాల్లోకి వెళితే.. పరవూరుకు చెందిన విను కృష్ణన్​కు.. కల్లవుతుక్కల్​గ్రామానికి చెందిన శాండ్రా కుమార్​కు ఇటీవలే పెళ్లి నిశ్చయమైంది. డిసెంబర్​ 9న ఘనంగా పెళ్లి చేయాలని ఏర్పాట్లు పూర్తి చేశారు పెద్దలు. పెళ్లి వేడుకలో భాగంగా వధూవరులు తమ కుటుంబసభ్యులతో గురువారం ఉదయం స్థానికంగా ఉన్న ఓ ఆలయానికి వెళ్లారు. పూజలు చేసి దైవ దర్శనం చేసుకున్నారు.

Read Also: Viral News : పాపం.. ప్రేమగా చూసుకున్న కుక్క కోసం కష్టపడినా ఫలితం దక్కలేదు

ఆ తర్వాత అక్కడ దగ్గర్లో ఉన్న క్వారీని చూడడానికి అందరూ వెళ్లారు. అదే సమయంలో విని కృష్ణన్, శాండ్ర క్వారీ అంచుకు వెళ్లి సెల్ఫీ తీసుకుందామనుకున్నారు. ఇద్దరూ సెల్ఫీ స్టిల్​ ఇచ్చేందుకు రెడీ అయ్యారు. ఇంతలోనే కాలుజారి ఒక్కసారిగా 120 అడుగుల లోతు ఉన్న ఆ లోయలో పడిపోయింది శాండ్ర. వెంటనే వరుడు కూడా ఆమె కాపాడడానికి దూకేశాడు. స్థానికులు, అగ్నిమాపక దళం, పోలీసులు సంయుక్తంగా ఇద్దరినీ రక్షించారు. ఈ ఘటన కల్లువతుక్కల్‌లోని కట్టుపురం అయిరవిల్లి క్వారీ చెరువు వద్ద గురువారం చోటుచేసుకుంది. అనంతరం ఇద్దరినీ పారిపల్లి మెడికల్‌ కాలేజీ ఆస్పత్రిలో చేర్పించారు. వెన్నెముక, కాళ్లకు గాయాలైన సాండ్రాకు మూడు నెలల పూర్తి విశ్రాంతిని ఆస్పత్రి అధికారులు సూచించారు. ఆ తర్వాత పెళ్లి జరిపించాలని నిర్ణయం తీసుకున్నారు.