Tollywood News: టాలీవుడ్‌లో సమ్మె సైరన్‌.. షూటింగ్స్‌కి అంతరాయం!

Telugu Cinema and TV Vehicles Owners Association called for a Bandh: టాలీవుడ్‌లో సమ్మె సైరన్‌ మరోసారి మోగింది. తమ వేతనాలు, వెహికల్ రెంట్‌లు పెంచాలని డిమాండ్‌ చేస్తూ.. తెలుగు సినిమా అండ్ టీవీ వెహికల్ ఓనర్స్ అసోసియేషన్ బంద్‌కి పిలుపునిచ్చాయి. తమ వేతనాలు, వెహికల్ రెంట్‌లు పెంచేంత వరకు బంద్ కొససాగిస్తాం అని హెచ్చరించాయి. తమ సమస్యలను వెంటనే పరిష్కరించాలని వెహికల్ ఓనర్స్ అసోసియేషన్ చైర్మన్ విజయ్ కుమార్, ప్రెసిడెంట్ హనీఫ్ కోరారు. సమ్మె కారణంగా పలు సినిమా షూటింగ్స్‌కి అంతరాయం ఏర్పడింది.

Also Read: Samantha Ruth Prabhu: ఇకపై మరింత ఎక్కువగా కష్టపడుతా!

’16 సంవత్సరాల నుంచి సినీ పరిశ్రమలో ఉన్నాం. దాదాపు 900 వెహికల్స్‌ మా అసోసియేషన్‌లో ఉన్నాయి. అసోసియేషన్‌లో 1200 మంది ఓనర్లు సభ్యులుగా ఉన్నారు. గతంలో నిర్మాతల మండలికి మా సమస్యలను చెప్పినా పట్టించుకోలేదు. ఈ రోజు లేదా రేపు మరోసారి చర్చలు జరుపుతాం. మా వేతనాలు, వెహికల్ రెంట్‌లు పెంచేంత వరకు ఈ బంద్‌ కొనసాగిస్తాం’ అని ప్రెసిడెంట్ హనీఫ్‌ తెలిపారు. వెంటనే తమ సమస్యలు పరిష్కరించాలని చైర్మన్ విజయ్ కుమార్ కోరారు.