Tecno Pop 6 Pro: ప్రముఖ స్మార్ట్ ఫోన్ బ్రాండ్ టెక్నో.. తన కొత్త ఫోన్ టెక్నో పాప్ 6ప్రోను ను భారత్ లో లాంచ్ చేసింది. ఇందులో 6.6 అంగుళాల హెచ్డీ+ డిస్ప్లే అందించారు. వాటర్ డ్రాప్ తరహా నాచ్ ఉంది. ఆండ్రాయిడ్ 12 గో ఎడిషన్, మీడియాటెక్ హీలియో ఏ22 ప్రాసెసర్లపై ఈ ఫోన్ పని చేయనుంది. ఫోన్ వెనకవైపు రెండు కెమెరాల సెటప్ అందుబాటులో ఉంది. దీని బ్యాటరీ సామర్థ్యం 5000 ఎంఏహెచ్ కాగా, ఒక్కసారి చార్జ్ పెడితే 42 రోజుల స్టాండ్బై టైంను ఇది అందించనుందని కంపెనీ తెలిపింది. ఈ ఫోన్ ఎక్స్క్లూజివ్గా అమెజాన్లో అందుబాటులో ఉంది. దీని ధరను రూ.7,999గా నిర్ణయించారు. ప్రస్తుతం అమెజాన్లో రూ.6,099కే ఈ ఫోన్ కొనుగోలు చేయవచ్చు. పీస్ఫుల్ బ్లూ, పవర్ బ్లాక్ రంగుల్లో ఈ ఫోన్ లాంచ్ అయింది.
టెక్నో పాప్ 6 ప్రో ఫోన్లో 6.6 అంగుళాల హెచ్డీ+ డిస్ప్లే అందుబాటులో ఉంది. ఆక్టాకోర్ మీడియాటెక్ హీలియో ఏ22 ప్రాసెసర్పై ఈ ఫోన్ పనిచేయనుంది. 2 జీబీ ఎల్పీడీడీఆర్4ఎక్స్ ర్యామ్, 32 జీబీ ఈఎంఎంసీ 5.1 స్టోరేజ్ ఇందులో ఉన్నాయి. ఆండ్రాయిడ్ 12 గో ఎడిషన్ ఆధారిత హైఓఎస్ 8.6 ఆపరేటింగ్ సిస్టంను ఈ ఫోన్లో అందించారు. 120 హెర్ట్జ్ టచ్ శాంప్లింగ్ రేట్ ఫీచర్ కూడా ఉంది. ఇక కెమెరాల విషయానికి వస్తే… ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 8 మెగాపిక్సెల్ కాగా, దీంతోపాటు ఏఐ లెన్స్ కూడా అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా ఉంది.
Read Also: Kejriwal : ‘నా భార్య కూడా నన్నింతలా తిట్టలేదు’ – సీఎం
దీని బ్యాటరీ సామర్థ్యం 5000 ఎంఏహెచ్గా ఉంది. ఒక్కసారి చార్జింగ్ పెడితే 42 గంటల స్టాండ్ బైని ఈ ఫోన్ అందించనుంది. ఫేస్ అన్లాక్, బ్లూటూత్, జీపీఎస్, యూఎస్బీ ఓటీజీ వంటి కనెక్టివిటీ ఫీచర్లు కూడా ఇందులో ఉన్నాయి. దీని మందం 0.87 సెంటీమీటర్లుగా ఉంది.
