Home Top Story Surat Girl Harassment Protests Altan Police Station Gujarat

Gujarat: సూరత్‌లో బాలికపై లైంగిక వేధింపులు.. నిందితుడిని శిక్షించాలంటూ భారీ ఆందోళన

By Suresh Maddala
  • సూరత్‌లో బాలికపై లైంగిక వేధింపులు
  • నిందితుడిని శిక్షించాలంటూ భారీ ఆందోళన
  • పెద్ద ఎత్తున పోలీసులు మోహరింపు
Gujarat: సూరత్‌లో బాలికపై లైంగిక వేధింపులు.. నిందితుడిని శిక్షించాలంటూ భారీ ఆందోళన

గుజరాత్‌లోని సూరత్‌లో దారుణం జరిగింది. ట్యూషన్ నుంచి ఇంటికి వస్తున్న హిందూ బాలికపై ఓ యువకుడు లైంగిక వేధింపులకు దిగాడు. ఈ ఘటన తీవ్ర ఆగ్రహావేషాలకు గురి చేసింది. నిందితుడ్ని కఠినంగా శిక్షించాలంటూ అల్తాన్ పోలీస్ స్టేషన్ ఎదుట పెద్ద ఎత్తున ప్రజలు ఆందోళన చేపట్టారు. రాత్రంతా తీవ్ర భయాందోళనలు నెలకొన్నాయి. ఇందుకు సంబంధించిన వీడియోలు వైరల్ అవుతున్నాయి.

శుక్రవారం రాత్రి బాలిక ట్యూషన్ నుంచి ఇంటికి వస్తోంది. దారిలో మరో మతానికి చెందిన యువకుడు స్కూటీపై వచ్చి లైంగికంగా వేధించాడు. దీంతో బాలిక తీవ్ర భయాందోళనకు గురైంది. దీంతో బాధిత కుటుంబం పోలీసులకు ఫిర్యాదు చేసింది. అయితే హిందూ సంస్థలకు చెందిన ప్రజలు పెద్ద సంఖ్యలో అల్తాన్ పోలీస్ స్టేషన్‌కు చేరుకుని నిందితుడిని తమకు అప్పగించాలని డిమాండ్ చేశారు. స్టేషన్ లోపలికి వెళ్లేందుకు ప్రయత్నించగా హిందూ సంస్థలకు పోలీసుల మధ్య తీవ్ర ఘర్షణలు చోటుచేసుకున్నాయి.

Also Read

పరిస్థితులు చేదాటిపోవడంతో నాలుగు పోలీస్ స్టేషన్లకు చెందిన పోలీసులు మోహరించారు. డీసీపీ, ఏసీపీ, నాలుగు నుంచి ఐదు పోలీస్ స్టేషన్ల పోలీసు సిబ్బందితో పాటు క్రైమ్ బ్రాంచ్ రంగంలోకి దిగింది. పరిస్థితులను చక్కదిద్దారు.

డీసీపీ నిధి ఠాకూర్..
సూరత్ డీసీపీ నిధి ఠాకూర్ మాట్లాడుతూ.. ‘‘శుక్రవారం రాత్రి 8 గంటల ప్రాంతంలో అల్తాన్ పోలీస్ స్టేషన్ సమీపంలో 15 నుంచి 16 ఏళ్ల వయసున్న ఒక బాలిక తన కోచింగ్ క్లాస్ నుంచి ఇంటికి తిరిగి వస్తుండగా యాక్టివాపై వస్తున్న యువకుడు ఆమెపై లైంగిక దాడి చేయడానికి ప్రయత్నించాడు. ఫిర్యాదు అందగానే నిందితుడిని వెంటనే పోలీస్ స్టేషన్‌కు తీసుకువచ్చాం. నిందితుడు మా అదుపులో ఉన్నాడు. కేసు నమోదు చేశాం. అతను వేరే మతానికి చెందినవాడై ఉండే అవకాశం ఉంది. ఎలాంటి లాఠీచార్జి జరగలేదు.’’ అని తెలిపారు.

NTV తెలుగు  వాట్సాప్ ఛానల్ ని ఫాలో అవ్వండి

తాజావార్తలు

ట్రెండింగ్‌