Malware Alert : ఆండ్రాయిడ్ యూజర్లకు కేంద్రం వార్నింగ్.. కొత్త మాల్‌వేర్ వచ్చేసింది.. జాగ్రత్త..!

Malware Alert : ప్రస్తుత డిజిటల్ యుగంలో స్మార్ట్‌ఫోన్ లేనిదే ముద్ద దిగదు. కానీ, అదే స్మార్ట్‌ఫోన్ ఇప్పుడు మీ పాలిట శాపంగా మారే ప్రమాదం ఉంది. దేశంలోని ఆండ్రాయిడ్ యూజర్లను లక్ష్యంగా చేసుకుని ఒక అత్యంత ప్రమాదకరమైన వైరస్ (Malware) విరుచుకుపడుతోందని కేంద్ర ప్రభుత్వం తాజాగా హెచ్చరించింది. హోమ్ వ్యవహారాల మంత్రిత్వ శాఖకు చెందిన సైబర్ సెక్యూరిటీ వింగ్ (I4C – Cyber Dost) దీనిపై ప్రజలను అప్రమత్తం చేస్తూ కీలక సూచనలు చేసింది. ఈ వైరస్ మీ ప్రమేయం లేకుండానే మీ బ్యాంక్ ఖాతాలను ఖాళీ చేసే సామర్థ్యం కలిగి ఉండటం ఇప్పుడు కలకలం రేపుతోంది.

Vadiyalu Recipe : ఎండతో పనేలేదు.. ఒక్కరోజులో ఫ్యాన్ కింద ఆరిపోయే ‘మ్యాజిక్’ వడియాలు.!

ఏమిటీ వైరస్? ఇది మీ ఫోన్‌లోకి ఎలా వస్తుంది?
ఈ కొత్త రకం వైరస్ చాలా మాయావి. ఇది నేరుగా తన రూపాన్ని చూపించదు. మనం నిత్యం వాడే బ్యాంకింగ్ యాప్స్, కస్టమర్ కేర్ సపోర్ట్ టూల్స్ లేదా ఏదైనా ఆకర్షణీయమైన ఉచిత ఆఫర్ల యాప్స్ రూపంలో ఇది మీ ఫోన్‌లోకి ప్రవేశిస్తుంది. సాధారణంగా వాట్సాప్ మెసేజ్‌లు లేదా ఎస్ఎంఎస్ ద్వారా వచ్చే అనుమానాస్పద లింకుల ద్వారా ఈ వైరస్ వ్యాపిస్తోంది. మీరు పొరపాటున ఆ లింక్ క్లిక్ చేసి, సదరు యాప్‌ను ఇన్‌స్టాల్ చేస్తే మీ ఫోన్ కంట్రోల్ మొత్తం సైబర్ నేరగాళ్ల చేతుల్లోకి వెళ్లిపోతుంది.

Raghav Chadha: ఆప్‌కు రాఘవ్ చద్దా భారీ షాక్.. ఏకంగా ఏడుగురు ఎంపీలు బీజేపీలోకి..

మీ ఫోన్లో జరిగే దారుణాలు ఇవే..

OTPల దొంగతనం: మీరు బ్యాంక్ లాగిన్ అయినప్పుడు వచ్చే సీక్రెట్ ఓటీపీలను (OTPs) మీకు తెలియకుండానే హ్యాకర్లకు పంపిస్తుంది.

స్క్రీన్ రీడింగ్: మీరు టైప్ చేసే పాస్‌వర్డ్‌లు, పిన్ నంబర్లు , యూజర్ ఐడీలను ఇది రికార్డ్ చేస్తుంది.

వ్యక్తిగత సమాచారం: మీ మెసేజ్‌లు, కాల్ లాగ్స్ , గ్యాలరీలోని ఫోటోలను కూడా హ్యాకర్లు యాక్సెస్ చేయగలరు.

అకౌంట్ ఖాళీ: మీ ఫోన్ మీ దగ్గరే ఉన్నా, హ్యాకర్లు రిమోట్ ద్వారా మీ బ్యాంక్ అకౌంట్ నుండి డబ్బును మళ్లించగలరు.

ప్రభుత్వం సూచిస్తున్న జాగ్రత్తలు ఇవే (Stay Safe):

అపరిచిత లింకులు క్లిక్ చేయకండి: ‘మీ బ్యాంక్ అకౌంట్ బ్లాక్ అయింది’, ‘మీకు భారీ లాటరీ తగిలింది’ వంటి మెసేజ్‌లతో వచ్చే లింకులను అస్సలు నమ్మకండి.

ప్లే స్టోర్ మాత్రమే వాడండి: ఏ రకమైన యాప్‌లనైనా అధికారిక గూగుల్ ప్లే స్టోర్ (Google Play Store) నుండి మాత్రమే డౌన్‌లోడ్ చేసుకోండి. థర్డ్ పార్టీ వెబ్‌సైట్ల నుండి ఏపీకే (APK) ఫైల్స్‌ను ఇన్‌స్టాల్ చేయవద్దు.

పర్మిషన్ల విషయంలో నిఘా: ఏదైనా యాప్ ఇన్‌స్టాల్ చేసినప్పుడు అది అడిగే పర్మిషన్లు గమనించండి. ఉదాహరణకు, ఒక కాలిక్యులేటర్ యాప్‌కు మీ కాంటాక్ట్స్ లేదా మెసేజ్ యాక్సెస్ అవసరం లేదు. అలాంటివి అడిగితే వెంటనే ఆ యాప్‌ను డిలీట్ చేయండి.

సాఫ్ట్‌వేర్ అప్‌డేట్: మీ ఫోన్ సెక్యూరిటీ ప్యాచెస్‌ను , ఆండ్రాయిడ్ వెర్షన్‌ను ఎప్పటికప్పుడు అప్‌డేట్ చేస్తూ ఉండండి.

టు-ఫ్యాక్టర్ అథెంటికేషన్: వీలైనంత వరకు మీ అన్ని బ్యాంకింగ్ , సోషల్ మీడియా ఖాతాలకు టూ-స్టెప్ వెరిఫికేషన్ ఎనేబుల్ చేసుకోండి.

సైబర్ నేరగాళ్లు టెక్నాలజీని వాడుకుని మనల్ని బురిడీ కొట్టించాలని చూస్తున్నారు. కొంచెం అప్రమత్తత, అవగాహన ఉంటేనే మన కష్టార్జితాన్ని, వ్యక్తిగత గోప్యతను కాపాడుకోగలం. ఒకవేళ మీరు సైబర్ మోసానికి గురైతే వెంటనే 1930 నంబర్‌కు కాల్ చేయండి లేదా www.cybercrime.gov.in లో ఫిర్యాదు చేయండి.