Cannes 2024: కేన్స్‌లో అదరగొట్టిన ఇండియన్‌ షార్ట్‌ ఫిల్మ్.. మొదటి బహుమతి సొంతం..
- Follow Us :
-
-
Add as a preferred
source on google
ప్రస్తుతం ఫ్రాన్స్‌లో 76వ కేన్స్‌ ఫిల్మ్ ఫెస్టివల్‌ జరుగుతున్న సంగతి తెలిసిందే. ప్రపంచ సినీ పరిశ్రమ అత్యంత ప్రతిష్ఠాత్మకంగా చూసే కేన్స్‌ ఫిల్మ్ ఫెస్టివల్‌ చిత్రోత్సవాలు మే 25 న ముగియనున్నాయి. ఇంతటి ప్రతిష్ఠాత్మక కేన్స్‌ చిత్రోత్సవాల్లో భారత్‌ కు చెందిన ‘సన్‌ఫ్లవర్స్‌ వర్‌ ద ఫస్ట్ వన్‌ టు నో’ షార్ట్‌ ఫిలిం సత్తా చాటుకుంది. ఈ షార్ట్‌ ఫిలింకు ఏకంగా ‘2024 ఉత్తమ షార్ట్‌ ఫిలిం’ బహుమతిని సొంతం చేసుకుంది. ఎస్ చిదానంద నాయక్ తెరకెక్కించిన ఈ ‘సన్‌ఫ్లవర్స్‌ వర్‌ ద ఫస్ట్ వన్‌ టు నో’ అనే లఘు చిత్రం వివిధ భాషలకు చెందిన 17 చిత్రాలతో పోటీ పడి విజేతగా నిలిచింది. ఈ పోటీలకు ప్రపంచవ్యాప్తంగా 555 ఫిల్మ్ స్కూల్స్ నుండి 2,263 మంది దరఖాస్తుదారులు వచ్చాయి. ఈ షార్ట్‌ ఫిలింను 16 నిమిషాల పాటు నిడివితో కన్నడ జానపద కథ ఆధారంగా తెరకెక్కించారు.
Virat Kohli Restaurant: గుడ్‌న్యూస్‌.. హైదరాబాద్ లో కోహ్లి అడ్డా రెడీ..
ఇప్పుడు ఈ షార్ట్‌ ఫిల్మ్ హాలీవుడ్‌ తో ఫిలిమ్స్ తో పోటీ పడి మొదటి బహుమతి గెలుచుకోవడం పై చిత్ర బృందం హర్షం వ్యక్తం చేసారు. ఇక ఇదే క్యాటగిరిలో మీరట్‌లో జన్మించిన భారతీయ చిత్రనిర్మాత మహేశ్వరి రూపొందించిన ఓ యానిమేటెడ్‌ చిత్రం ‘బన్నీ హుడ్‌’. ఇది కూడా ఈ పోటీలో తృతీయ బహుమతి గెలుచుకోవడం విశేషం. మే 23న బునుయెల్‌ థియేటర్‌ లో జరిగిన అవార్డుల ప్రదానోత్సవ కార్యక్రమం జరగగా.. అక్కడ ఉత్తమ లఘు చిత్రానికి గాను 15,000 యూరోలు బహుమతిని అందించారు.