Earthquake: టర్కీలో బలమైన భూకంపం.. రిక్టర్ స్కేలుపై తీవ్రత 5.6గా నమోదు

Earthquake: మిడిల్ ఈస్ట్ దేశం టర్కియేలో బలమైన భూకంపం సంభవించింది. సెంట్రల్ టర్కియేలో గురువారం ఒక మోస్తరు తీవ్రతతో భూకంపం సంభవించిందని ఆ దేశ విపత్తు నిర్వహణ సంస్థ తెలిపింది. భూకంప తీవ్రత 5.6గా నమోదైంది. స్థానిక మీడియా నివేదికల ప్రకారం.. ఇప్పటివరకు ఎటువంటి ప్రాణ, ఆస్తి నష్టం జరిగినట్లు వార్తలు రాలేదు. డిజాస్టర్ అండ్ ఎమర్జెన్సీ మేనేజ్‌మెంట్ ప్రెసిడెన్సీ ప్రకారం.. రాజధాని అంకారాకు తూర్పున 450 కిలోమీటర్లు (280 మైళ్ళు) దూరంలో ఉన్న టోకట్ ప్రావిన్స్‌లోని సులుసరాయ్ నగరంలో భూకంపం సంభవించింది.

భూకంపం రావడంతో ప్రజల్లో భయాందోళన నెలకొంది. ప్రజలు ఇళ్ల నుంచి బయటకు వచ్చారు. అయితే, అంతకుముందు టర్కీలో సంభవించిన భూకంపాలలో, మరణించిన వారి సంఖ్య వెయ్యికి పైగా చేరుకుంది. అంతకుముందు కూడా ఫిబ్రవరి 2023లో టర్కీలో సంభవించిన భూకంపం కారణంగా అనేక వేల మంది చనిపోయారు.

Read Also:Lok Sabha Electioms 2024: నేడే తొలి విడత పోలింగ్.. 102 ఎంపీ స్థానాలకు ఎన్నికలు.. బరిలో ఉన్న కీలక వ్యక్తులు వీరే..

గత ఏడాది 20 ఏళ్లలో టర్కీని తాకిన అత్యంత విధ్వంసకర భూకంపంగా గత ఏడాది సంభవించిన భూకంపం నిరూపించబడింది. ఫిబ్రవరి 6న సిరియాతో ఉత్తర సరిహద్దు సమీపంలోని దక్షిణ టర్కీలో 7.8 తీవ్రతతో భూకంపం సంభవించింది. ఈ భూకంపం సంభవించిన తొమ్మిది గంటల తర్వాత, నైరుతి దిశలో 95 కిలోమీటర్ల దూరంలో 7.7 తీవ్రతతో మరో భూకంపం సంభవించింది.

ఈ రెండో షాక్‌లో వందలాది భవనాలు పేకముక్కల్లా చెల్లాచెదురుగా పడ్డాయి. ఇలాంటి భూకంప ప్రకంపనలు మొదటిసారిగా 1939లో సంభవించాయి. ఈ షాక్‌లో దాదాపు 33 వేల మంది చనిపోయారు. భూకంపం బలమైన ప్రకంపనలను అనుభవించిన తరువాత ప్రజలు తమ ఇళ్ల నుండి బయటకు రావడం ప్రారంభించారని టర్కీ స్థానిక ప్రజలు తెలిపారు. గందరగోళ వాతావరణం ఏర్పడింది. ప్రకంపనలు వచ్చిన తర్వాత ఏదైనా భవనం కూలిపోతుందేమోనని భయపడ్డామని ప్రజలు చెబుతున్నారు.

Read Also:Story Board: తొలి విడత పోలింగ్‌కు సర్వం సిద్ధం.. బరిలో కీలక నేతలు