SSMB Update : మహేష్-రాజమౌళిల షూటింగ్ అప్ డేట్స్!

రాజమౌళి, మహేశ్‌బాబు కలయికలో సినిమా చేయబోతున్నారు అని న్యూస్ వచిన్నప్పటి నుండి అటు ఫాన్స్ ఇటు సినీ వర్గాలలో ఆసక్తి రేపింది. ఎప్పుడెప్పడు షూటింగ్ చేస్తారా, అసలు కథ ఏ నేపథ్యంలో ఉండబోతోంది, ఎటువంటి జానర్ లో చేయబోతున్నారా అన్నటువంటి అంచనాలతో షూటింగ్ స్టార్ట్ చేయక మునుపే అదిరిపోయే క్రేజ్ ను సంపాదించింది. ఆ సస్పెన్స్ కు మరికొద్దిరోజుల్లో తేరపడనున్నట్టు వినిపిస్తోంది.

ఈ చిత్రానికి సంబంధించిన వివరాలను మహేశ్ పుట్టిన రోజు సందర్బంగా ఆగస్టు9న మీడియా సమావేశం నిర్వహించి వెల్లడించనున్నారు. గతంలో రాజమౌళి ఏ విధంగా తన నూతన చిత్రాల వివరాలను తెలిపేవారో ఈ చిత్రానికి అదే సెంటిమెంట్ ఫాలో అవ్వనున్నారు దర్శకధీరుడు. ఈ ప్రెస్ మీట్ లో రాజమౌళితో పాటు మహేశ్ కూడా పాల్గొంటారు. ఈ చిత్ర నేపథ్యం, ముఖ్య పాత్రల్లో నటించే నటీనటుల వివరాలు ప్రెస్ మీట్ లో తెలియజేయనున్నారు.

ఆగస్టులో పూజ కార్యక్రమాలు నిర్వహించి, సెప్టెంబరులో వర్క్ షాప్ స్టార్ట్ చేయనున్నారు, రాజమౌళి నిర్వహించబోయే ఈ వర్క్ షాప్ కు హీరో హీరోయిన్లతో పాటు చిత్రంలో నటించబోయే ప్రతీ ఒక్కరూ తప్పని సరిగా హాజరుకావాలని అందుకు అనుగుణంగా మిగిలిన సినిమాల డేట్స్ అడ్జెస్ట్ చేసుకోవాలమని సూచించారని సమాచారం అందుతోంది. యూనిట్ మొత్తం పాల్గొనే ఈ వర్క్ షాప్ నెలరోజుల పాటు సాగనుంది. అది ముగిసాక డిసెంబరు నుండి ఈ మోస్ట్ ప్రెస్టీజియస్ చిత్ర రెగ్యూలర్ షూటింగ్ ప్రారంభించనున్నారు.

ఇప్పటికే ఈ చిత్రం హాలీవుడ్ స్థాయిలో ఉండనుందని, మహేశ్ ఈ చిత్రంలో జేమ్స్ బాండ్ తరహాలో కనిపించబోతున్నాడని రకరకాల ఊహాగానాలు ప్రచారంలో ఉన్నాయి. ఏదిఏమైనా, ఏ జానర్ లో వచ్చినా, గతచిత్రాల రికార్డులను రాజమౌళి – మహేశ్ ల చిత్రం తిరగరాస్తుందని ఫ్యాన్స్ నొక్కి వక్కాణిస్తున్నారు.