OTR: జనసేనకు కేటాయించిన సీటులో టీడీపీ అభ్యర్థి.. చీపురుపల్లిలో ఏం జరుగుతోంది..?
- టీడీపీకి తలనొప్పిగా లాస్ట్ మినిట్ నిర్ణయాలు..
- గుర్ల జడ్పీటీసీ ముందు జనసేనకు, ఫైనల్గా టీడీపీకి..
- నేరుగా తలపడుతున్న జనసేన, టీడీపీ అభ్యర్థులు
- Follow Us :
-
-
Add as a preferred
source on google
చీపురుపల్లిలో టీడీపీకి చెమటలు పడుతున్నాయా? సీట్ల సర్దుబాటు, టిక్కెట్ల కేటాయింపు విషయంలో తీసుకున్న లాస్ట్ మినిట్ నిర్ణయాలు తేడా కొట్టే ప్రమాదం ఉందా? చివరి నిమిషంలో మారిన అభ్యర్థులు, సీట్లు కూటమి మిత్రపక్షాల మధ్య అసంతృప్తికి కారణం అవుతున్నాయా? ఎక్కడెక్కడ ఓట్ ట్రాన్స్ఫర్ విషయంలో సందేహాలు పెరుగుతున్నాయి? లెట్స్ వాచ్.
విజయనగం జిల్లా చీపురుపల్లి నియోజకవర్గంలో కూటమి రాజకీయాలు కొత్త మలుపు తిరుగుతున్నాయి. ఎన్నికల్లో కలిసి పోటీ చేయాల్సిన మిత్రపక్షాలే ఇప్పుడు ఢీ అంటే ఢీ అనే పరిస్థితి వచ్చింది. సీట్ల సర్దుబాటులో పొత్తు ధర్మం పాటిస్తామని చెప్పిన కూటమి నాయకత్వం.. ఆచరణలో మాత్రం అందుకు భిన్నంగా వ్యవహరించిందన్న విమర్శలు వినిపిస్తున్నాయి. చివరి నిమిషంలో తీసుకున్న నిర్ణయాలు ఇప్పుడు టీడీపీకి తలనొప్పిగా మారాయని అంటున్నారు. గుర్ల జెడ్పీటీసీ సీటును తొలుత జనసేనకు కేటాయించారు. ఆ పార్టీ తరపున కంది దీపిక నామినేషన్ వేశారు.
Also Read
- OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
- OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
- OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
- OTR: తన బయోపిక్ పక్కన పెట్టి సోనియా గాంధీపై సినిమా? జగ్గారెడ్డి ప్లాన్ ఏంటి?
ఉపసంహరణ గడువుకు గంట ముందు వరకు ఆమే కూటమి అభ్యర్థిగా ఉన్నారు. కానీ… అనూహ్యంగా చివరి నిమిషంలో టీడీపీ అభ్యర్థి చనమల్ల రాధను బరిలోకి దించారు. దీంతో జనసేన, టీడీపీ అభ్యర్థులు నేరుగా తలపడే పరిస్థితి వచ్చింది. అటు చీపురుపల్లి జెడ్పీటీసీ స్థానంలోనూ ఇదే తరహా పరిణామం జరిగింది. మాజీ ఎంపీపీ రౌతు కామునాయుడు కుమారుడికి టికెట్ వస్తుందన్న ఆశతో దుబాయ్ నుంచి వచ్చి నామినేషన్ దాఖలు చేశారు. కానీ… చివరి నిమిషంలో చిన్నశ్రీను వర్గానికి చెందిన వలిరెడ్డి శ్రీను భార్యకి టికెట్ ఖాయం చేయడంతో కామునాయుడు వర్గం అసంతృప్తిగా ఉంది.
ఎమ్మెల్యే తీరుపై ఆగ్రహం వ్యక్తం చేస్తూ తమకు అన్యాయం చేశారంటూ మండిపడుతోంది ఆ గ్రూప్. ఇక బీజేపీ జిల్లా అధ్యక్షుడి వ్యవహారం కూడా కూటమి సమన్వయంపై ప్రశ్నలు లేవనెత్తుతోంది. తొలుత ఎంపీటీసీ అభ్యర్థిగా నామినేషన్ వేసిన ఆయనతో చివరకు విత్డ్రా చేయించారు. ఇలా ఒకవైపు జనసేనకు కేటాయించిన స్థానంలో టీడీపీ అభ్యర్థిని నిలబెట్టడం.. మరోవైపు బీజేపీ నాయకుడి నామినేషన్ ఉపసంహరణ.. ఇంకోవైపు సొంత పార్టీలోనే టికెట్ ఆశించి భంగపడిన నాయకుల అసంతృప్తి.. ఇవన్నీ కూటమి ఐక్యతను ప్రశ్నార్ధకం చేస్తున్నాయి. ఇక్కడే టీడీపీకి అసలు చిక్కు ఎదురవుతోందంటున్నారు.
పొత్తులో భాగంగా జనసేన, బీజేపీకి చెందిన ఓట్లు తమ అభ్యర్థులకు బదిలీ అవుతాయని టీడీపీ ఆశిస్తే.. క్షేత్రస్థాయిలో మాత్రం పరిస్థితి భిన్నంగా ఉందన్న మాటలు వినిపిస్తున్నాయి. టికెట్ కేటాయింపుల్లో తమకు ప్రాధాన్యం ఇవ్వలేదన్న అసంతృప్తితో మిత్రపక్షాల నాయకులు, కార్యకర్తలు మౌనంగా ఉంటే.. ఆ ఓట్లు ఎవరికి వెళ్తాయి, తమకు ఎలా బదిలీ అవుతాయన్న ప్రశ్నలు టీడీపీ వాళ్ళను వేధిస్తున్నాయట. ఎన్నికల సమయంలో నాయకుల మధ్య కుదిరే ఒప్పందాల కంటే కేడర్ మధ్య ఉండే సమన్వయమే కీలకం.
కానీ చీపురుపల్లి నియోజవర్గంలో టికెట్ల కేటాయింపుతో ఏర్పడిన విభేదాలు ఆ సమన్వయానికి సవాలుగా మారాయన్న చర్చ నడుస్తోంది. కలిసుంటేనే కూటమిగానీ.. విడివిడిగా పోటీ చేస్తే తేడా కొడుతుందన్న భయాలు కేడర్ని వెంటాడుతున్నాయట. పొత్తు ధర్మాన్ని పక్కనపెట్టి తీసుకున్న నిర్ణయాలు ఇప్పుడు ఎన్నికల వేళ టీడీపీకి గుబులు పుట్టిస్తున్నాయన్నది చీపురుపల్లి టాక్.
తాజావార్తలు
-
Donald Trump: ట్రంప్కు కోర్టులో మరో షాక్.. వైట్హౌస్ సమీపంలోని గోల్ఫ్ కోర్స్ ప్రాజెక్టుపై బ్రేక్!
-
AP Cyclone Alert: బంగాళాఖాతంలో వాయుగుండం.. ఏపీకి మరో తుఫాన్ ముప్పు!
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
-
Artist Srinivasan Dies: శ్రీవేంకటేశ్వర స్వామి చిత్రాన్ని గీసిన తొలి చిత్రకారుడు మృతి!
-
Shubhanshu Shukla: 2040 నాటికి చంద్రుడిపై భారత జెండా.. ఇదే నా అసలైన లక్ష్యం: వ్యోమగామి శుభాంశు శుక్లా
ట్రెండింగ్
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!