Panakam Recipe in telugu: తెలుగు వారి పండుగల్లో శ్రీరామ నవమికి ఒక ప్రత్యేకత ఉంది. ఎండలు ముదురుతున్న సమయంలో వచ్చే ఈ పండుగ నాడు రాముడికి నైవేద్యంగా పానకాన్ని సమర్పిస్తారు. మన పూర్వీకులు పండుగ ప్రసాదంగా పానకాన్ని ఎంచుకోవడం వెనుక గొప్ప శాస్త్రీయ కారణం ఉంది. బెల్లం, మిరియాలు, ఇలాచీలతో తయారయ్యే ఈ పానకం వేసవిలో వచ్చే అలసటను దూరం చేసి, తక్షణ శక్తిని అందిస్తుంది. మార్కెట్లో దొరికే కూల్ డ్రింక్స్ కంటే ఎంతో మేలైన ఈ పానకాన్ని అసలైన పద్ధతిలో ఎలా చేసుకోవాలో ఇప్పుడు చూద్దాం.
Emraan Hashmi: ‘నో కిస్’ పాలసీకి బ్రేక్..దిశా పటానీతో ఇమ్రాన్ హష్మీ ఇంటిమేట్ సీన్స్
కావలసిన పదార్థాలు
పానకం తయారీకి మన వంటింట్లో ఉండే సామాగ్రి సరిపోతుంది. అర లీటరు నీరు, అర కప్పు తురిమిన బెల్లం, ఒక టీస్పూన్ మిరియాల పొడి, అర టీస్పూన్ ఇలాచీ (యాలకుల) పొడి, చిటికెడు పచ్చకర్పూరం (ఆప్షనల్), , కొన్ని తులసి ఆకులు సిద్ధం చేసుకోవాలి.
తయారీ విధానం
ముందుగా ఒక పాత్రలో నీటిని తీసుకుని అందులో తురిమిన బెల్లాన్ని వేసి బాగా కలపాలి. బెల్లం పూర్తిగా కరిగిన తర్వాత, ఆ నీటిని వేరొక పాత్రలోకి వడకట్టుకోవాలి (దీనివల్ల బెల్లంలోని నలకలు తొలగిపోతాయి). ఇప్పుడు ఆ బెల్లం నీటిలో మిరియాల పొడి, యాలకుల పొడి వేసి బాగా కలపాలి. పానకానికి మంచి సువాసన రావాలంటే కొద్దిగా పచ్చకర్పూరం , తులసి ఆకులను వేయాలి. కావాలనుకుంటే ఇందులో కొద్దిగా సొంఠి పొడిని కూడా చేర్చుకోవచ్చు. అంతే, ఎంతో రుచికరమైన, ఆరోగ్యకరమైన పానకం సిద్ధం!
ఆరోగ్య ప్రయోజనాలు
పానకంలో వాడే ప్రతి వస్తువులోనూ ఔషధ గుణాలు ఉన్నాయి. బెల్లం శరీరానికి ఐరన్ , తక్షణ శక్తిని ఇస్తుంది. మిరియాలు , సొంఠి పొడి వేసవిలో వచ్చే గొంతు సమస్యలను, జలుబును నివారిస్తాయి. యాలకులు జీర్ణక్రియను మెరుగుపరుస్తాయి. ముఖ్యంగా ఎండ తీవ్రత వల్ల కలిగే వడదెబ్బ నుంచి పానకం రక్షణ కల్పిస్తుంది. ఈ పానకాన్ని మట్టి పాత్రలో ఉంచి సేవిస్తే మరింత చలవ చేస్తుంది.
Suriya : సూర్య ‘కరుప్పు’ రిలీజ్ డేట్ ఫిక్స్?
