Jowar Khichdi Recipe: మధుమేహం, అధిక బరువుకు చెక్.. జొన్న కిచిడీతో ఆరోగ్యానికి కొత్త దారి!

Jowar Khichdi Recipe: ప్రస్తుత కాలంలో చాలామంది మధుమేహం (Diabetes), అధిక బరువు, జీర్ణ సమస్యలతో బాధపడుతున్న సంగతి తెలిసిందే. మరి ఇలాంటి వారికి చిరుధాన్యాలు (Millets) ఒక అద్భుతమైన వరంగా పరిష్కారంగా ఉన్నాయి. ఇందులో ముఖ్యంగా జొన్నలు (Jowar) శరీరానికి చలవ చేయడమే కాకుండా.. కావలసినంత శక్తిని అందిస్తాయి. మరి ఇప్పుడు జొన్నలతో ‘జొన్న కిచిడీ’ని ఎలా తయారు చేయాలో చూద్దాం..

Virosh : అభిమానులతో కలిసి భోజనం చేసిన ‘విరోష్’.. విజయ్-రష్మికల సింప్లిసిటీకి నెటిజన్లు ఫిదా!

కావలసిన పదార్థాలు:
*జొన్నలు: 1 కప్పు (కనీసం 6-8 గంటలు నానబెట్టినవి)
* పెసరపప్పు: ½ కప్పు
* కూరగాయలు: క్యారెట్, బీన్స్, బఠానీలు, ఆలుగడ్డ (మీకు నచ్చినవి)
* తాలింపు కోసం: నెయ్యి లేదా నూనె, జీలకర్ర, ఆవాలు, ఇంగువ.
* మసాలా దినుసులు: పచ్చిమిర్చి, అల్లం వెల్లుల్లి పేస్ట్, పసుపు, ఉప్పు.
* రుచి కోసం: నిమ్మరసం, కొత్తిమీర.

తయారీ విధానం:
నిజానికి జొన్నలు త్వరగా ఉడకవు. కాబట్టి వాటిని రాత్రంతా లేదా కనీసం 8 గంటల పాటు నానబెట్టుకోవడం చాలా ముఖ్యం. అలాగే పచ్చ పెసలను కూడా అరగంట ముందు నానబెట్టుకోవాలి. ఇక కిచిడి ప్రారంభంలో ఓ ప్రెజర్ కుక్కర్‌లో కొద్దిగా నెయ్యి వేసి.. అది వేడి అయ్యాక ఆవాలు, జీలకర్ర, ఇంగువ మరియు పచ్చిమిర్చి వేసి వేయించాలి. ఇప్పుడు తరిగిన ఉల్లిపాయలు, అల్లం వెల్లుల్లి పేస్ట్ వేసి పచ్చి వాసన పోయే వరకు వేయించాలి. ఆ తర్వాత కూరగాయల ముక్కలు (క్యారెట్, బీన్స్ మొదలైనవి) వేసి 2 నిమిషాలు మగ్గనివ్వాలి.

ఎలుకలను చంపకుండానే తరిమికొట్టే Secret Trick.! పక్కాగా పనిచేసే వంటింటి చిట్కాలు.!

ఇప్పుడు నానబెట్టిన జొన్నలు, పెసరపప్పును కుక్కర్‌లో వేసి తగినంత ఉప్పు, పసుపు కలపాలి. 1 కప్పు జొన్నలకు సుమారు 4 లేదా 5 కప్పుల నీళ్లు పోసి, 5 నుండి 6 విజిల్స్ వచ్చే వరకు ఉడికించాలి. ప్రెజర్ తగ్గాక మూత తీసి, కిచిడీని ఒకసారి కలిపి పైన కొత్తిమీర, కొద్దిగా నిమ్మరసం చల్లుకుంటే వేడివేడి జొన్న కిచిడీ సిద్ధం. ఈ కిచిడి ఫైబర్ (పీచు పదార్థం) ఎక్కువగా ఉండటం వల్ల ఆకలి త్వరగా వేయదు, తద్వారా బరువు తగ్గడానికి సహాయపడుతుంది. దీని గ్లైసెమిక్ ఇండెక్స్ తక్కువగా ఉండటం వల్ల రక్తంలో చక్కెర స్థాయిలు అదుపులో ఉంటాయి.