Suriya : సూర్య ‘కరుప్పు’ రిలీజ్ డేట్ ఫిక్స్?

కోలీవుడ్ స్టార్ హీరో సూర్య ప్రస్తుతం తన కెరీర్‌లో అత్యంత కీలకమైన దశలో ఉన్నారు. వరుసగా చేసిన ప్రయోగాలు ఆశించిన ఫలితాన్ని ఇవ్వకపోవడంతో, ఇప్పుడు దర్శకుడు ఆర్ జే బాలాజీ దర్శకత్వంలో చేస్తున్న పక్కా మాస్ యాక్షన్ డ్రామా ‘కరుప్పు’ (Karuppu) పైనే సూర్య ఫ్యాన్స్ ఆశలన్నీ పెట్టుకున్నారు. ఈ సినిమా రిలీజ్ డేట్‌కు సంబంధించి తాజాగా ఒక క్రేజీ అప్‌డేట్ ఫిలిం నగర్ వర్గాల్లో చక్కర్లు కొడుతోంది.

Also Read : Emraan Hashmi: ‘నో కిస్’ పాలసీకి బ్రేక్..దిశా పటానీతో ఇమ్రాన్ హష్మీ ఇంటిమేట్ సీన్స్

ముందుగా ‘కరుప్పు’ చిత్రాన్ని ఏప్రిల్ 10న విడుదల చేయాలని మేకర్స్ భావించినట్లు సమాచారం. అయితే, తాజా పరిణామాల ప్రకారం యష్ నటిస్తున్న ‘టాక్సిక్’ సినిమా వాయిదా పడనుందనే వార్తలు వస్తుండటంతో, సూర్య సినిమాను మార్చి 19 లేదా 20 తేదీల్లోనే థియేటర్లలోకి తీసుకురావాలని నిర్మాతలు ఆలోచిస్తున్నట్లు తెలుస్తోంది. పాన్ ఇండియా లెవల్‌లో భారీ క్రేజ్ ఉన్న సూర్యకు ఈ సమ్మర్ సీజన్ ‘టాక్సిక్’ వదిలిన ఖాళీ విండో బాగా కలిసి వచ్చే అవకాశం ఉంది. తమిళంతో పాటు తెలుగులో కూడా ఒకేసారి ఈ మాస్ బొమ్మను విడుదల చేసేందుకు ఏర్పాట్లు జరుగుతున్నాయి. ఆర్ జే బాలాజీ తన స్టైల్ కామెడీని పక్కన పెట్టి, సూర్యను ఒక పవర్‌ఫుల్ రోల్‌లో చూపిస్తున్న ఈ సినిమాపై కోలీవుడ్‌లో భారీ అంచనాలు ఉన్నాయి. ప్రస్తుతం షూటింగ్ చివరి దశలో ఉన్న ఈ చిత్రం రిలీజ్ డేట్‌పై త్వరలోనే అధికారిక ప్రకటన వచ్చే అవకాశం ఉంది.