How to Remove Holi Colors: హోలీ పండుగ అంటే రంగుల సందడి.. కానీ, ఆనందంతో ఆడిన రంగులు మీ ఖరీదైన దుస్తులపై మొండి మరకలుగా మారితే మాత్రం ఇబ్బందే. ముఖ్యంగా రసాయన రంగులు ఫాబ్రిక్కు హాని కలిగించే అవకాశం ఉంటుంది. అయితే కొన్ని సులభమైన ఇంటి చిట్కాలతో ఈ మరకలను సులభంగా తొలగించవచ్చు. ఇంటి దగ్గరే సులభమైన చిట్కాలతో మీ ఖరీదైన బట్టలను తిరిగి కొత్తగా మెరిసిపోయేలా చేసుకోవచ్చు..
1. వెంటనే చల్లటి నీటితో కడగండి: బట్టలపై రంగు పడిన వెంటనే చల్లటి నీటితో వెంటనే కడగాలి. వేడి నీరు వాడకండి.. దుస్తులను లోపలి భాగం బయటకు తిప్పి నీటి ప్రవాహం కింద ఉతకడం వల్ల ఎక్కువ భాగం రంగు వెంటనే తొలగిపోతుంది.
2. వెనిగర్ + డిటర్జెంట్ ద్రావణం: ఒక బకెట్ చల్లటి నీటిలో ఒక కప్పు తెల్ల వెనిగర్, కొద్దిగా లిక్విడ్ డిటర్జెంట్ కలపండి. దుస్తులను 30 నిమిషాలు నానబెట్టి, తరువాత మామూలుగా ఉతకండి. ఇది రంగు మరకను విచ్ఛిన్నం చేసి తేలికపరుస్తుంది.
3. బేకింగ్ సోడా మరియు నిమ్మరసం: మొండి మరకలపై బేకింగ్ సోడా చల్లి, కొద్దిగా నిమ్మరసం వేసి సున్నితంగా రుద్దండి. 15–20 నిమిషాలు అలాగే ఉంచి చల్లటి నీటితో కడగండి. ఇది ముఖ్యంగా తెలుపు లేదా లేత రంగు కాటన్ దుస్తులకు బాగా పనిచేస్తుంది.
4. టూత్పేస్ట్ ఉపాయం: తెల్లటి (నాన్-జెల్) టూత్ పేస్ట్ను మరకపై అప్లై చేసి, బ్రష్తో మెల్లగా రుద్దండి. కొద్దిసేపటి తర్వాత కడిగితే చిన్న మరియు తేలికపాటి మరకలు పోతాయి.
5. ఎండలో ఆరబెట్టే ముందు జాగ్రత్త: మరక పూర్తిగా తొలగిందో లేదో చూసుకోండి.. మరక ఉండగానే ఎండలో ఆరబెడితే అది గట్టిపడే ప్రమాదం కూడా ఉంది..
అంటే.. హోలీ సమయంలో ఇది తరచుగా జరుగుతుంది , ప్రజలు తమకు ఇష్టమైన దుస్తులను పారవేయాల్సి వస్తుంది. కానీ ఇప్పుడు మీరు అలా చేయనవసరం లేదు, ఎందుకంటే మీరు ఇంట్లో కొన్ని సాధారణ పద్ధతులను ఉపయోగించి మీ బట్టల నుండి రంగును తొలగించవచ్చు. ఈ సులభమైన చిట్కాలతో మీ ఖరీదైన బట్టలను హోలీ తర్వాత కూడా కొత్తలా మెరిపించవచ్చు.
