Hyderabad: లిబర్టీ చౌరస్తాలో పాము కలకలం.. భారీగా ట్రాఫిక్ జామ్..

హైదరాబాద్ లోని హిమాయత్ నగర్ లిబర్టీ చౌరస్తాలో ఓ త్రాచు పాము కలకలం సృష్టించింది. మొదటగా లిబర్టీ చౌరస్తా సిగ్నల్ వద్ద ఉన్న వేప చెట్టుపై పాము కనిపించింది. ఇక చెట్టు నుండి కేబుల్ వైర్ల సహాయంతో సిగ్నేల్ పౌల్ వద్దకు పాము చేరుకుంది. సాయంత్రం సమయంలో పాము ప్రత్యేక్షం కావడంతో వాహనదారులు ఎక్కడికక్కడ వాహనాలు నిలిపేసి, తమ ఫోన్ లలో పాము వీడియోను తీసుకున్నారు. దీనితో లిబర్టీ చౌరస్తా లో భారీగా ట్రాఫిక్ జామ్ ఏర్పడింది.

PM Modi: మంత్రి పదవులని మభ్యపెడతారు, చూసుకోండి.. ఎంపీలకు మోడీ సందేశం..

కార్యాలయాల నుంచి ఇంటికి వెళ్లే సమయం అవడంతో అలువైపు వెళ్లేవారు తీవ్ర ఇబ్బందులు ఎదుర్కొన్నారు. దారిన వెళ్లే పాదచారులు కూడా వారి ఫోన్‌ లలో పాము వీడియోను తీసుకున్నారు. ఇక విషయం తెలుసుకున్న పోలీసులు వెంటనే చర్యలు తీసుకున్నారు. వాహనాలు అక్కడ నిలవకుండా వెంటవెంటనే ముందుకు పంపించారు. వాహనదారులు నిలబడకుండా చర్యలు తీసుకోవడంతో కొన్ని నిమిషాల తర్వాత ట్రాఫిక్‌ పునరుద్ధరణ జరిగింది. అయితే సిగ్నల్‌ లో పాము ప్రత్యక్షమైన స్థానికంగా చర్చనీయాంశంగా మారుతోంది. సుమారు గంట పాటు ట్రాఫిక్ , లా అండ్ ఆర్డర్ పోలీసులను తిప్పలు పెట్టిన పాము చివరకు సిగ్నల్ పౌల్ సహాయంతో కిందకు దిగి, పక్కనే ఖాళీగా ఉన్న బిల్డింగ్ సెల్లర్ లోకి పాము వెళ్ళింది. ఇక ఇందుకు సంబంధించిన ఫోటోలు, వీడియోలు సోషల్ మీడియాలో చక్కర్లు కొడుతున్నాయి.

PM Modi: ప్రధాని మోడీకి తైవాన్ అభినందనలు.. ఉడికిపోతున్న చైనా..