Kajal Aggarwal: యాప్ డౌన్‌లోడ్ చేసుకోండి.. కాజల్ అగర్వాల్‌తో ఛాన్స్ కొట్టేయండి!

Free Movie Tickets for Kajal Aggarwal’s Satyabhama: కాజల్ అగర్వాల్ లీడ్ రోల్‌లో నటిస్తున్న సినిమా ‘సత్యభామ’. ఈ చిత్రాన్ని అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. సుమన్‌ చిక్కాల దర్శకత్వం వహించిన ఈ సినిమా జూన్ 7న ప్రేక్షకుల ముందుకు రానుంది. ఈ థ్రిల్లర్‌లో కాజల్ పోలీస్ ఆఫీసర్ పాత్రలో నటిస్తున్నారు. సినిమా విడుదలకు సమయం దగ్గరపడుతుండడంతో చిత్ర యూనిట్ వరుసగా ప్రమోషన్స్ చేస్తోంది. ఈ క్రమంలో మేకర్స్ ఓ నిర్ణయం తీసుకున్నారు. స్పెషల్ ప్రీమియర్‌ను వేస్తున్నట్లు ప్రకటించారు.

జూన్ 5 సాయంత్రం 6 గంటలకు హైదరాబాద్‌లోని ప్రసాద్స్ మల్టీప్లెక్స్‌లో సత్యభామ సినిమా స్పెషల్ ప్రీమియర్ ప్రదర్శించనున్నట్లు మేకర్స్ తెలిపారు. అయితే ఈ ప్రీమియర్‌ను ఫ్రీగా చూడడమే కాకూండా.. కాజల్ అగర్వాల్‌తో కలిసి చూసే ఛాన్స్ మీముందుంది. ఇందుకోసం మీరు ప్లే స్టోర్ నుంచి ‘షీ సేఫ్’ యాప్‌ని డౌన్‌లోడ్ చేసుకోవాలి. ఈ యాప్‌ను టిక్కెట్ కౌంటర్‌లో చూపిస్తే.. ఫ్రీగా టికెట్స్ ఇస్తారు. అప్పుడు సత్యభామ ప్రీమియర్‌ను కాజల్‌తో కలిసి చూడొచ్చు.

Also Read: Kalki 2898 AD Trailer: ప్రభాస్‌ అభిమానులకు గుడ్‌న్యూస్.. ‘కల్కి 2898 ఏడీ’ ట్రైలర్ ఎప్పుడంటే?

ఇటీవల రిలీజైన సత్యభామ ట్రైలర్‌కి మంచి రెస్పాన్స్ వచ్చింది. ప్రీ రిలీజ్ ఈవెంట్ కూడా బాగా సక్సెస్ అయింది. శ్రీచరణ్ పాకాల స్వరాలు కూడా బాగున్నాయి. ఈ చిత్రంపై కాజల్ అగర్వాల్ చాలా ఆశలు పెట్టుకున్నారు. ఇందులో నవీన్ చంద్ర, ప్రకాష్ రాజ్, నాగినీడు, హర్షవర్ధన్, రవివర్మ, అంకిత్ కొయ్య సహా పలువురు కీలక పాత్రల్లో నటించారు.