Sai Dharam Tej: మామ భోళా శంకర్.. అల్లుడు గంజా శంకర్.. బావుందయ్యా

Sai Dharam Tej: విరూపాక్ష సినిమాతో భారీ హిట్ ను సొంతం చేసుకున్నాడు మెగా మేనల్లుడు సాయి ధరమ్ తేజ్. ఈ చిత్రం హిట్ తో మంచి జోష్ పెంచిన తేజ్.. ప్రస్తుతం వరుస సినిమాలను లైన్లో పెడుతున్నాడు. ఇప్పటికే తేజ్.. పవన్ కళ్యాణ్ తో పాటు బ్రో సినిమాలో నటిస్తున్నాడు. ఈ సినిమా షూటింగ్ పూర్తి చేసుకుంటుంది. ఇక ఈ సినిమా కాకుండా కొత్త దర్శకుడు జయంత్ తో ఒక సినిమ చేస్తుండగా.. మాస్ డైరెక్టర్ గా పేరు తెచ్చుకున్న సంపత్ నందితో ఒక సినిమా చేయబోతున్నాడు. సంపత్ నంది తో కలిసి చేస్తున్న సినిమా ఈ ఏడాది పట్టాలెక్కనునున్నదని తెలుస్తోంది. ఇక విరూపాక్షలో చాలా క్లాస్ గా కనిపించిన తేజ్.. ఈ చిత్రంలో మరోసారి మాస్ హీరోగా కనిపించనున్నాడట. ఇక అందుతున్న సమాచారం ప్రకారం ఈ సినిమాకు ‘గంజా శంకర్’ అనే టైటిల్ ను పరిశీలిస్తున్నట్లు తెలుస్తోంది. ఇప్పటికే దీన్ని ఫిలిం చాంబర్ లో సైతం నిర్మాతలు రిజిస్టర్ చేయించినట్లు టాక్ వినిపిస్తోంది.

Aadhipurush : ఆదిపురుష్ సినిమా ను త్రీడి లోనే చూడాలా..?

ఇక ఈ సినిమాను సితారా ఎంటర్టైన్మెంట్స్ బ్యానర్ పై సూర్య దేవర నాగవంశీ నిర్మించబోతున్నారు. సంపత్ నంది.. రెండేళ్ల క్రితం గోపీచంద్ తో కలిసి సీటిమార్ సినిమా తీసాడు. ఈ సినిమా ఆశించిన ఫలితాన్ని అందించలేకపోయింది. ఇక దీంతో ఎలాగైనా ఒక హిట్ అందుకోవాలని ఆయన కసిమీద ఉన్నాడు. ఒక పవర్ ఫుల్ కథతో తేజ్ దగ్గరకు వెళ్లగా.. తేజ్ వెంటనే ఒప్పుకున్నట్లు తెలుస్తోంది. ఇందుకు సంబంధించిన క్యాస్టింగ్ ప్రస్తుతం జరుగుతుందట. అంతేకాకుండా ఇంకోపక్క ప్రీ ప్రొడక్షన్ పనులను కూడా జరుపుకుంటున్నారని టాక్. ఇక ఈ టైటిల్ విన్నవెంటనే అభిమానులు..మామ భోళా శంకర్.. అల్లుడు గంజా శంకర్.. బావుందయ్యా అంటూ కామెంట్స్ పెడుతున్నారు. మరి ఈ సినిమాతో సంపత్ హిట్ అందుకొని తేజ్ కు మరో హిట్ ను ఇస్తాడా..? లేదా..? అనేది తెలియాలి.