Russia Support Iran: ‘ఇరాన్‌కు సంపూర్ణ మద్దతు ఇస్తాం’.. రష్యా అధ్యక్షుడు పుతిన్‌ సంచలన వ్యాఖ్యలు..

పశ్చిమ ఆసియా దేశాల్లో ముదురుతున్న ఉద్రిక్తతల వేళ.. రష్యా-ఇరాన్ సంబంధాలు వ్యూహాత్మక దశ నుంచి పూర్తిస్థాయి మిత్రపక్ష హోదాకు చేరుకున్నాయి. ఫిబ్రవరి 2026 చివరలో అమెరికా-ఇజ్రాయెల్ దాడుల ఫలితంగా ఇరాన్ సుప్రీం లీడర్ అలీ ఖమేనీ మరణించడంతో.. ఆ దేశం తీవ్ర సంక్షోభంలో పడింది. ఈ కీలక సమయంలో ఆయన కుమారుడు ముజ్తబా ఖమేనీ నూతన సుప్రీం లీడర్‌గా బాధ్యతలు చేపట్టడం అంతర్జాతీయంగా పెను మార్పులకు సంకేతంగా నిలుస్తోంది.

Also Read:Branded Shoes: ఆ షాపులో కేవలం రూ.1 కే బ్రాండెడ్ షూ.. ఎగబడ్డ జనం..

అయితే రష్యా అధ్యక్షుడు పుతిన్ సంచలన వ్యాఖ్యలు చేశారు. ఇరాన్‌కు రష్యా మద్దతు పూర్తిగా ఉంటుందని ప్రకటించారు. అమెరికా యుద్ధనౌకలు, విమానాల కదలికలకు సంబంధించిన అత్యంత కీలకమైన ‘టార్గెటింగ్ ఇన్ఫర్మేషన్’ను రష్యా ఇరాన్‌కు అందిస్తున్నట్లు నివేదికలు స్పష్టం చేస్తున్నాయి. ‘గెరాన్-2’ వంటి డ్రోన్ల తయారీలో ఇరాన్ సహకారం తీసుకున్న రష్యా.. ఇప్పుడు తిరిగి టెహ్రాన్‌కు అత్యాధునిక రక్షణ వ్యవస్థలను సరఫరా చేస్తోంది.

Also Read:Andhra Pradesh Farmers: ఏపీ రైతులకు శుభవార్త.. వారికి కొత్త పట్టాదారు పాస్ పుస్తకాలు..

1979 విప్లవం తర్వాత ఇరాన్‌లో అధికారం తండ్రి నుంచి కుమారుడికి బదిలీ అవ్వడం ఇదే మొదటిసారి. ముజ్తబా ఖమేనీకి ఇరాన్ రివల్యూషనరీ గార్డ్స్ (IRGC) నుంచి బలమైన మద్దతు ఉంది. పుతిన్ తన సందేశంలో ముజ్తబాను ‘ధైర్యవంతుడైన నాయకుడు’గా అభివర్ణించారు. రష్యాకు ఈ యుద్ధం వల్ల కొన్ని పరోక్ష లాభాలు కూడా ఉన్నాయి.

Also Read:Compensation: వడదెబ్బ మృతులకు రూ.4 లక్షల పరిహారం.. ఎలా పొందాలంటే..

ప్రపంచ దృష్టి ఉక్రెయిన్ నుంచి పశ్చిమాసియా వైపు మళ్లడం వల్ల మాస్కోపై పాశ్చాత్య దేశాల ఒత్తిడి తగ్గుతోంది. అలాగే.. యుద్ధ భయంతో పెరుగుతున్న అంతర్జాతీయ చమురు ధరలు రష్యా ఆర్థిక వ్యవస్థకు అండగా నిలుస్తున్నాయి. రష్యా-ఇరాన్ మధ్య కుదిరిన ‘సమగ్ర వ్యూహాత్మక భాగస్వామ్య ఒప్పందం’ ఇప్పుడు రక్షణ కవచంలా పనిచేస్తోంది. ఇరాన్ అంతర్గత రాజకీయాల్లో వస్తున్న ఈ మార్పులు.. రష్యా అందిస్తున్న యుద్ధ సహాయం పశ్చిమాసియా సమీకరణాలను పూర్తిగా మార్చివేస్తున్నాయి.