Royal Enfield EV: రాయల్ ఎన్‌ఫీల్డ్ నుంచి ఎలక్ట్రిక్ వెహికిల్..లాంచ్ ఎప్పుడంటే!

ఎలక్ట్రిక్ వాహనాలపై మనసు పారేసుకుంటున్నారు కస్టమర్లు. భారత్‌లో వీటి సేల్స్ భారీగా పెరగడమే దీనికి సాక్ష్యం. దీంతో ప్రముఖ ఆటోమొబైల్ కంపెనీలన్నీ ఎలక్ట్రిక్ వెహికిల్స్‌పై దృష్టిసారించాయి. అటు 4 వీలర్స్​, ఇటు 2 వీలర్స్​.. ఆటో సంస్థలు అన్నింటికీ ఈవీ టచ్​ ఇస్తున్నాయి. కొత్త కొత్త మోడల్స్​ను లాంచ్​ చేస్తున్నాయి. ఇక యూత్‌లో క్రేజ్‌ పరంగా నెంబర్‌వన్‌గా ఉన్న రాయల్​ ఎన్​ఫీల్డ్​ కూడా ఇప్పుడు ఈవీవైపు అడుగులు వేస్తోంది. ఈవీ సెగ్మెంట్​లోకి మరో 18- 24 నెలల్లో ఈ సంస్థ ఎంట్రీ ఇచ్చే అవకాశం ఉన్నట్టు తెలుస్తోంది. అన్ని అనుకున్నట్టు జరిగితే.. 2024 చివరి నాటికి ఇండియా రోడ్ల మీద రాయల్​ ఎన్​ఫీల్డ్​ తొలి ఈవీ మోడల్​ తిరిగే అవకాశం ఉంది.

Also Read: INDvsAUS Test: స్పిన్ పిచ్‌లతో భారత్‌కూ సమస్యే..గణాంకాలు ఏం చెబుతున్నాయంటే!

ఈవీ మార్కెట్​లోకి ఎంట్రీ ఇచ్చేందుకు ప్రణాళికలు రచిస్తోన్న రాయల్​ ఎన్​ఫీల్డ్​.. ప్రముఖ ఈవీ తయారీ సంస్థ ఓలా ఎలక్ట్రిక్​ మాజీ సీటీఓ ఉమేశ్​ కృష్ణప్పను తమ బోర్డులో చేర్చుకుంది. ఎలక్ట్రిక్​ వెహికిల్​ బిజినెస్​ డెవలప్‌మెంట్‌ కోసం ఇండియా, యూకేలో ఇప్పటికే ప్రత్యేక బృందాలను ఏర్పాటు చేసినట్టు సమాచారం. ఈ బృందాలు.. సంస్థ నుంచి వస్తున్న తొలి ఈవీపై కసరత్తులు చేస్తున్నట్టు సంబంధిత వర్గాలు తెలిపాయి. ఈ క్రమంలోనే ఈవీ సెగ్మెంట్​పై అదనంగా 150మిలియన్​ డాలర్లు పెట్టుబడి పెట్టేందుకు రాయల్​ ఎన్​ఫీల్డ్​ ఏర్పాట్లు చేసుకుంటోంది. ఏడాదికి 1.2లక్షలు- 1.8లక్షల మధ్యలో ప్రొడక్షన్​ చేయగలిగే సామర్థ్యాన్ని సాధించేందుకు చూస్తోంది. ఇందుకు సంబంధించిన ప్రోటో టైప్​.. మరో 12 నెలల్లో పూర్తవుతుందని, ఆ తర్వాత ప్రొడక్షన్​ స్టార్ట్​ అవుతుందని సమాచారం. 2024లో సంస్థ నుంచి తొలి ఈవీని లాంచ్​ చేయాలన్న పట్టుదలతో రాయల్​ ఎన్​ఫీల్డ్​ ఉన్నట్టు తెలుస్తోంది.

Also Read: Dell Layoffs: లే ఆఫ్‌ బాటపట్టిన డెల్‌..6,650 ఉద్యోగులకు గుడ్‌బై