Ravichandran Ashwin Retirement: భారత క్రికెట్ దిగ్గజం, ప్రపంచ స్థాయి టాప్ స్పిన్నర్స్ లో ఒకరైన రవిచంద్రన్ అశ్విన్ అంతర్జాతీయ క్రికెట్‌కు వీడ్కోలు పలికాడు. 2011లో తన టెస్టు క్రికెట్ ప్రవేశంతో మొదలు అశ్విన్ భారత్ కు అనేక విజయాలు సాధించి, ప్రపంచ వ్యాప్తంగా క్రికెట్ అభిమానులను తన ఆటతో ఆకట్టుకున్నాడు. ఆటగాడిగా రవిచంద్రన్ అశ్విన్ చేసిన ప్రయాణం ఎన్నో గొప్ప విజయాలతో నిండింది. టెస్టులలో అతను భారత్ తరఫున అద్భుతమైన ప్రదర్శనలు ఇవ్వడమే కాక.. వన్డే, టీ20ల్లోనూ తన సత్తా చాటాడు. అశ్విన్ తన కెరీర్‌లో 700+ వికెట్లను తీసుకున్న స్పిన్నర్‌గా గుర్తింపు పొందాడు. అతని స్పిన్నింగ్ ప్రతిభ, సరైన సమయాల్లో దాడి చేయగల సామర్థ్యం అతనిని అత్యంత ఆదరణ పొందిన క్రికెటర్‌గా నిలిపింది.
𝙏𝙝𝙖𝙣𝙠 𝙔𝙤𝙪 𝘼𝙨𝙝𝙬𝙞𝙣 🫡
A name synonymous with mastery, wizardry, brilliance, and innovation 👏👏
The ace spinner and #TeamIndia's invaluable all-rounder announces his retirement from international cricket.
Congratulations on a legendary career, @ashwinravi99 ❤️ pic.twitter.com/swSwcP3QXA
— BCCI (@BCCI) December 18, 2024
అశ్విన్ 2011లో ఇంటర్నేషనల్ క్రికెట్‌ను ప్రారంభించగా, తన కెరీర్‌లో అనేక చరిత్రాత్మక ప్రదర్శనలను అందించాడు. 2016లో ప్రపంచ టెస్టు ర్యాంకింగ్‌లో టాప్ స్పిన్నర్‌గా నిలిచిన అశ్విన్, భారత జట్టు విజయాలలో కీలక పాత్ర పోషించాడు. అయితే, తన క్రికెట్ కెరీర్‌కి వీడ్కోలు పలికే నిర్ణయాన్ని తీసుకున్న అశ్విన్, తన నిర్ణయాన్ని తాజాగా ప్రకటించారు. ఈ ప్రయాణం నా జీవితంలో ఒక ప్రత్యేకమైన భాగం. దేశం కోసం ఆడిన అనుభవం మర్చిపోలేనిది. ఈ నిర్ణయంతో నా మనసుకు శాంతి దొరికిందని అశ్విన్ పేర్కొన్నారు. టీమిండియా తరఫున రవిచంద్రన్ అశ్విన్ 106 టెస్టులు, 116 వన్డేలు, 65 టీ20లు ఆడాడు. ఇందులో మొత్తంగా 4,400 పరుగులు చేయగా, 765 వికెట్లు పడగొట్టాడు.