LPG Cylinder Prices: యుద్ధం వేళ.. పెరిగిన గ్యాస్ ధరలు.. ఎంతంటే?

ప్రతి నెల 1వ తేదీన చమురు కంపెనీలు చమురు ధరలను సమీక్షిస్తుంటాయి. ఇవాళ మార్చి 1న ఇండియన్ ఆయిల్ మార్కెటింగ్ కంపెనీలు గ్యా్స్ ధరలను ప్రకటించాయి. మార్చి 1 నుండి వాణిజ్య LPG సిలిండర్లు ఖరీదైనవిగా మారాయి. 19 కిలోల కమర్షియల్ సిలిండర్‌పై రూ.28 నుంచి రూ.31 వరకు పెరిగింది. దేశీయ 14 కిలోల LPG సిలిండర్ ధర స్థిరంగా ఉంది. విమాన ఇంధనం (ATF) ధరలు కూడా పెరిగాయి.

Also Read: Burj Khalifa: బుర్జ్ ఖలీఫా బీమా ఎంత? దుబాయ్ ఐకాన్ ఇన్సూరెన్స్ పాలసీ పూర్తి సమాచారం

గృహ అవసరాల కోసం వినియోగించే డొమెస్టిక్ గ్యాస్ సిలిండర్ ధరల్లో ఎలాంటి మార్పు జరగలేదు. ప్రస్తుతం హైదరాబాద్‌లో 14.2 కిలోల డొమెస్టిక్ గ్యాస్ సిలిండర్ ధర రూ.905.00 వద్ద కొనసాగుతోంది. విజయవాడ, గుంటూరులో రూ.877.50గా ఉంది. విశాఖపట్నంలో రూ.861.00గా ఉండగా.. వరంగల్‌లో రూ.924.00గా కొనసాగుతోంది. కోల్ కత్తాలో రూ.879, ముంబైలో రూ.852.50, చెన్నైలో రూ.868.50 వద్ద ఉన్నాయి.

కోల్‌కతాలో 19 కిలోల వాణిజ్య సిలిండర్ ధర ఇప్పుడు రూ.1875.50. గతంలో దీని ధర రూ.1844.50గా ఉండేది. ఢిల్లీలో 19 కిలోల ఎల్‌పిజి సిలిండర్ ధర నేటి నుండి రూ.1768.50కి పెరిగింది. గతంలో ఇది రూ.1740.50కి అందుబాటులో ఉండేది. ముంబైలో ఈరోజు నుండి రూ.1692కి బదులుగా రూ.1720కి వాణిజ్య సిలిండర్ అందుబాటులో ఉంటుంది. చెన్నైలో ఈరోజు నుండి రూ.1929కి వాణిజ్య సిలిండర్ అందుబాటులో ఉంటుంది. గతంలో దీని ధర రూ.1899.50గా ఉండేది.

14 కిలోల గృహ LPG రేటు ఎంత?

ఇండియన్ ఆయిల్ వెబ్‌సైట్ ప్రకారం, 14.2 కిలోల దేశీయ LPG (లిక్విఫైడ్ పెట్రోలియం గ్యాస్) సిలిండర్ ధర నేడు ఢిల్లీలో రూ. 853. పాట్నాలో దీని ధర రూ. 951, ముంబైలో రూ.852.50, లక్నోలో రూ. 890.50.

Also Read:Ayatollah Ali Khamenei: ఇరాన్‌లో ఖమేనీ శకం క్లోజ్.. అమెరికా-ఇజ్రాయెల్ ఉమ్మడి ఆపరేషన్‌లో సుప్రీం లీడర్ మృతి

పెరిగిన ఏటీఎఫ్ ధరలు

విమానాల్లో ఉపయోగించే ఇంధనం అయిన ATF ధరలు కూడా మార్చి 1, 2026 నుండి పెరిగాయి. ఢిల్లీలో ఒక కిలోలీటర్ ATF ధర ఇప్పుడు $816.91కి చేరుకుంది. అంటే ఈరోజు ముందు రూ. 91,393.39గా ఉన్న 1,000 లీటర్ల ATF ధర ఇప్పుడు రూ. 96,638.14 అవుతుంది. ఇప్పుడు, ఒక కిలోలీటర్ ATF ధర ముంబైలో $816.62 లేదా రూ. 90,451.87, కోల్‌కతాలో $855.25 లేదా రూ. 99,587.14, చెన్నైలో $812.32 లేదా రూ. 1,00,280.49గా ఉంది.