Phone Tapping : ఫోన్ ట్యాపింగ్ కేసులో ఐదోసారి విచారణకు ప్రభాకర్ రావు
- ఐదోసారి విచారణకు హాజరైన ఎస్ఐబీ మాజీ చీఫ్ ప్రభాకర్ రావు
- ట్యాపింగ్ కేసులో సరైన సమాధానాలు ఇవ్వనన్న ప్రభాకర్‌రావు
- సుప్రీంకోర్టును ఆశ్రయించనున్న సిట్
- Follow Us :
-
-
Add as a preferred
source on google
Phone Tapping : ఫోన్ ట్యాపింగ్ కేసులో కేంద్ర బిందువుగా మారిన తెలంగాణ ప్రభుత్వ మాజీ ఉన్నతాధికారి ప్రభాకర్ రావు ఐదోసారి విచారణకు హాజరయ్యారు. బుధవారం (జూన్ 19) ఆయనను సిట్ అధికారులు సుమారు 9 గంటలపాటు విచారించారు. అయితే ఈ విచారణలో ప్రభాకర్ రావు పలు కీలక ప్రశ్నలకు సరైన సమాధానాలు ఇవ్వలేదని సమాచారం. దీంతో సిట్ ఆగ్రహం వ్యక్తం చేస్తోంది.
ఈ నేపథ్యంలో సిట్ సీరియస్‌గా ముందుకెళ్లాలని నిర్ణయించినట్టు తెలిసింది. ప్రభాకర్ రావుకు సుప్రీంకోర్టు ఇచ్చిన మధ్యంతర ఉపశమనాన్ని (ఇంటరిమ్ రిలీఫ్) రద్దు చేయాలంటూ సిట్ సుప్రీంకోర్టును ఆశ్రయించనుంది. ఈ ఉపశమనానికి ప్రకారం, ఆగస్టు 5 వరకు ప్రభాకర్ రావును అరెస్ట్ చేయరాదని ఉన్న నేపథ్యంలో, దాన్ని తొలగించేందుకు చట్టపరమైన చర్యలు ప్రారంభించబోతోంది.
సిట్ ఇప్పటికే అనేక ఆధారాలను సేకరించింది. ఫోన్ ట్యాపింగ్‌ను మావోయిస్టు సంబంధాల నెపంతో ఉపయోగించినట్టు, రాజకీయ నాయకులు, ఇతర ప్రముఖుల ఫోన్లను అసాధారణంగా నిఘా పెట్టినట్టు కొన్ని ఆధారాలు లభించినట్టు సమాచారం.
ఈ వ్యవహారంలో అప్పటి హోంశాఖ ముఖ్య కార్యదర్శి, ప్రస్తుత డీజీపీ జితేందర్, నాటి ఇంటెలిజెన్స్ చీఫ్ అనిల్ కుమార్ లిఖితపూర్వక వాంగ్మూలాలు ఇచ్చినట్టు తెలుస్తోంది. వాటి ఆధారంగా ప్రభాకర్ రావును ప్రశ్నించగా… ఆయన సమాధానాలను తప్పించుకునే విధంగా ఇచ్చినట్టు విచారణ వర్గాలు వెల్లడించాయి.
“మీ బృందం ఎవరిపైనా నిఘా పెట్టిందా? వాళ్లు మావోయిస్టులకు సహకరించారన్న ఆధారాలు ఏమిటి? సహకరించడమే నిజమైతే ఎందుకు కేసులు నమోదు కాలేదు?” వంటి ప్రశ్నలకు ప్రభాకర్ రావు గమనించదగ్గ సమాధానాలు ఇవ్వకపోవడంపై సిట్ తీవ్ర అసంతృప్తి వ్యక్తం చేసింది. ఈ వ్యవహారాన్ని త్వరలోనే సుప్రీం కోర్టు దృష్టికి తీసుకెళ్లి, వ్యవహారానికి తగిన పరిణామాలు తీసుకొచ్చేందుకు సిట్ కసరత్తు చేస్తోంది.
Two Wheeler ABS Rule: ఇకపై అన్ని బైకుల్లో ఆ సేఫ్టీ ఫీచర్.. ‘జారిపడతామనే’ భయమే ఉండదు..!