Pakistan : భయపడిన పాకిస్తాన్ షాబాజ్ ప్రభుత్వం..ఫేస్‌బుక్, ఇన్‌స్టాగ్రామ్‌లపై నిషేధం

Pakistan : పాకిస్థాన్‌లోని షాబాజ్ ప్రభుత్వం ప్రతి విషయంలోనూ విఫలమవుతున్నట్లు కనిపిస్తోంది. కొన్ని నెలల క్రితం జరిగిన ఎన్నికల్లో పీఎంఎల్-ఎన్ ఎలాగోలా ప్రభుత్వాన్ని ఏర్పాటు చేసినా ప్రజల విశ్వాసాన్ని పొందలేకపోయింది. మాజీ ప్రధాని ఇమ్రాన్ ఖాన్ పార్టీ పిటిఐ నాయకులు, మద్దతుదారులపై పాకిస్తాన్ ప్రభుత్వం నిరంతరం అణచివేత విధానాలను అవలంబిస్తోంది. ఇంతలో పాకిస్తాన్ ప్రభుత్వం కొత్త డిక్రీని జారీ చేసింది. దేశంలో సోషల్ మీడియా ఫేస్‌బుక్, ఇన్‌స్టాగ్రామ్‌లను కూడా నిషేధించింది. ట్విట్టర్ నిషేధం తర్వాత కొన్ని నెలల తర్వాత ఈ కొత్త నిషేధం విధించబడింది.

Read Also:Aadujeevitham OTT: ఓటీటీలో స్ట్రీమింగ్ అవుతోన్న బ్లాక్ బస్టర్ మూవీ ‘ఆడు జీవితం’!

బుధవారం నుండి విధించిన సోషల్ మీడియా ఆంక్షల తరువాత, పాకిస్తాన్ ప్రజలు ఫేస్‌బుక్, ఇన్‌స్టాగ్రామ్‌ను యాక్సెస్ చేయడం కష్టంగా మారింది. కొంతమంది ఇంటర్నెట్ వినియోగదారులు WhatsApp వంటి ఇతర Meta యాప్‌లను వాడడంలో సమస్యలను ఎదుర్కొంటున్నారు. ఫేస్‌బుక్, ఇన్‌స్టాగ్రామ్‌లపై విధించిన ఆంక్షలకు సంబంధించి పాకిస్తాన్ ప్రభుత్వం నుండి ఇంకా అధికారిక ప్రకటన రాలేదు. సుప్రీంకోర్టు, మాజీ ప్రధాని ఇమ్రాన్‌ఖాన్‌కు చెందిన పాకిస్థాన్ తెహ్రీక్-ఇ-ఇన్సాఫ్ (పీటీఐ), ప్రభుత్వం మధ్య కొనసాగుతున్న గొడవల మధ్య ఈ నిషేధం విధించబడింది.

Read Also:Heavy Rains: తెలంగాణలోని పలు జిల్లాలకు రెడ్ అలెర్ట్.. రాగల 24 గంటల్లో భారీ వర్షాలు..

టెలికమ్యూనికేషన్ కంపెనీ Naytel మాట్లాడుతూ, “గత రెండు రోజులుగా, దేశవ్యాప్తంగా అన్ని సర్వీస్ ప్రొవైడర్ల నెట్‌వర్క్‌లలో ఫేస్‌బుక్, ఇన్‌స్టాగ్రామ్ సేవలకు అంతరాయం ఏర్పడింది. ఇప్పటికే Twitter/X నిషేధం ఉంది. నెట్‌బ్లాక్స్, ప్రపంచవ్యాప్త ఇంటర్నెట్ మానిటరింగ్ ఏజెన్సీ, పాకిస్తాన్‌లోని అనేక నెట్‌వర్క్ ప్రొవైడర్ల నెట్‌వర్క్‌లలో Facebook , Instagram నిషేధించబడిందని ధృవీకరించింది. అంతకుముందు ఫిబ్రవరి 24న, ఇమ్రాన్ ఖాన్ పార్టీ మద్దతు ఉన్న అభ్యర్థులు ఎన్నికల్లో గెలిచినప్పటికీ, PML-N, PPP ప్రభుత్వం ఏర్పడిన తర్వాత X నిషేధించింది. పాకిస్థాన్ ఆర్మీ చీఫ్ అహ్మద్ మునీర్ ఇప్పటికే సోషల్ మీడియాను ప్రమాదకరమైన మీడియాగా, డిజిటల్ టెర్రరిజంగా అభివర్ణించారు. సోషల్ మీడియా ప్లాట్‌ఫారమ్‌లను నిషేధించిన తర్వాత, ప్రభుత్వంపై పాకిస్తాన్ ప్రజల్లో చాలా కోపం ఉంది.