Jharkhand: దిగొచ్చిన హేమంత్ సర్కార్.. విద్యార్థుల డిమాండ్లకు అంగీకారం!
- దిగొచ్చిన హేమంత్ సర్కార్
- విద్యార్థుల డిమాండ్లకు గ్రీన్సిగ్నల్!
- సీబీఐ దర్యాప్తుపై వెనక్కి తగ్గని ఆందోళనకారులు
- Follow Us :
-
-
Add as a preferred
source on google
జార్ఖండ్లో ఉద్యోగ నియామక పరీక్షల విషయంలో విద్యార్థుల ఆందోళనకు ప్రభుత్వం కీలక నిర్ణయం తీసుకుంది. లక్నోకు చెందిన టీడీపీఎల్ నిర్వహించిన అన్ని పరీక్షలు, నియామకాలను రద్దు చేస్తున్నట్లు ముఖ్యమంత్రి హేమంత్ సోరెన్ ప్రకటించారు. అయితే విద్యార్థులు మాత్రం సీబీఐ దర్యాప్తు చేపట్టాలన్న తమ డిమాండ్పై వెనక్కి తగ్గడం లేదు. వారాలుగా జార్ఖండ్లో విద్యార్థులు పరీక్షలు, నియామకాల్లో అక్రమాలు జరిగాయంటూ ఆందోళనలు చేస్తున్నారు. ఈ నేపథ్యంలో ముఖ్యమంత్రి హేమంత్ సోరెన్ విద్యార్థులతో సమావేశమై పలు కీలక నిర్ణయాలను వెల్లడించారు.
టీడీపీఎల్ నిర్వహించిన పరీక్షలు రద్దు
టీడీపీఎల్ నిర్వహించిన పరీక్షలకు సంబంధించిన ఫలితాలతో పాటు ఆ సంస్థ ద్వారా ఎంపికైన అభ్యర్థులు, పరీక్షల్లో పాల్గొన్న ప్రక్రియ, సంస్థ చేపట్టిన అన్ని కార్యకలాపాలను రద్దు చేస్తున్నట్లు సోరెన్ తెలిపారు. “టీడీపీఎల్ ప్రచురించిన ఫలితాలు, ఆ సంస్థ ద్వారా ఎంపికైన అభ్యర్థులు లేదా పరీక్షల్లో పాల్గొన్న అభ్యర్థులకు సంబంధించిన ప్రక్రియ.. ఇక్కడ టీడీపీఎల్ చేపట్టిన అన్ని కార్యకలాపాలను రద్దు చేయాలి” అని సీఎం స్పష్టం చేశారు.
Also Read
- CS Karnan Dies: సీజేఐ సహా సుప్రీంకోర్టు జడ్జీల అరెస్టుకే ఆదేశాలు.. వివాదాస్పద మాజీ హైకోర్టు న్యాయమూర్తి కర్ణన్ కన్నుమూత!
- Indian Sailors: కరాచీ పోర్టులో చిక్కుకున్న ఆరుగురు భారతీయులు.. పాక్తో భారత్ సంప్రదింపులు!
- Jharkhand: 14 ఏళ్ల గిరిజన బాలికపై అత్యాచారం ఆరోపణలు.. కాంగ్రెస్ ఎమ్మెల్యేపై కేసు
- Delimitation Bill: మహిళా కోటా కోసం డీలిమిటేషన్ బిల్లు.. 15-18 ఓట్లు అదనంగా వస్తాయని కేంద్రం ధీమా!
ఇదే సమయంలో జార్ఖండ్ పబ్లిక్ సర్వీస్ కమిషన్ (JPSC) నిర్వహించిన పరీక్షలు, జార్ఖండ్ స్టాఫ్ సెలక్షన్ కమిషన్ కంబైన్డ్ గ్రాడ్యుయేట్ లెవల్ (JSSC CGL) పరీక్షలను కూడా రద్దు చేయనున్నట్లు హేమంత్ సోరెన్ వెల్లడించారు. పరీక్షలు, నియామకాలకు సంబంధించి విద్యార్థులు చేస్తున్న ఆరోపణల నేపథ్యంలో ప్రభుత్వం ఈ నిర్ణయం తీసుకున్నట్లు తెలుస్తోంది.
2014 నుంచి జరిగిన పరీక్షలపై విచారణ
2014 నుంచి ఇప్పటి వరకు జరిగిన పరీక్షల్లో చోటుచేసుకున్న తప్పిదాలపై విచారణ చేపడతామని సోరెన్ తెలిపారు. చిన్నదైనా, పెద్దదైనా జరిగిన ప్రతి తప్పును పరిశీలిస్తామని చెప్పారు. “2014 నుంచి జరిగిన చిన్నా పెద్దా అన్ని తప్పిదాలపై దర్యాప్తు చేస్తాం. 2014 నుంచి జార్ఖండ్లో జరిగిన అన్ని పరీక్షలను సీఐడీ విచారిస్తుంది” అని ముఖ్యమంత్రి విద్యార్థులకు తెలిపారు.
సంస్కరణల కోసం ప్రత్యేక కమిటీ
పరీక్షలు, నియామక వ్యవస్థలో సంస్కరణలు తీసుకురావడానికి ప్రత్యేక కమిటీని ఏర్పాటు చేయనున్నట్లు కూడా హేమంత్ సోరెన్ ప్రకటించారు. ఐఏఎస్ అధికారి అమితాబ్ కౌశల్ అధ్యక్షతన ఈ కమిటీ పనిచేస్తుందని తెలిపారు. అయితే ప్రభుత్వం పరీక్షల రద్దు, సీఐడీ దర్యాప్తునకు అంగీకరించినప్పటికీ.. సీబీఐతో స్వతంత్ర దర్యాప్తు జరిపించాలన్న డిమాండ్పై విద్యార్థులు పట్టుదలగా ఉన్నారు. దీంతో జార్ఖండ్లో విద్యార్థుల ఆందోళనకు ఇప్పటికీ పూర్తిగా తెరపడలేదు.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!