Man Hulchul at Wine Shop: మద్యం దుకాణం వద్ద వ్యక్తి వీరంగం.. నచ్చిన బ్రాండ్ ఇవ్వలేదని మనస్తాపం

Man Hulchul at Wine Shop: విశాఖపట్నం జిల్లా మధురవాడ కొమ్మాది ప్రభుత్వ మద్యం దుకాణం వద్ద ఓ వ్యక్తి వీరంగం సృష్టించాడు. మద్యం దుకాణంలో పెట్రోల్‌ పోసి నిప్పంటించాడు. తనకు నచ్చిన బ్రాండ్ ఇవ్వలేదని మనస్థాపంతో ఈ విధంగా వీరంగం సృష్టించినట్లు తెలిసింది. ఈ ఘటనలో సుమారు 15 మద్యం కేసులు, ప్రింటర్, కంప్యూటర్ ధ్వంసం అయ్యాయి.

Also Read: Siddipet: వృద్ధురాలి దారుణ హత్య.. నోట్లో యాసిడ్, గుడ్డలు కుక్కి మరీ..

అసలేం జరిగిందంటే.. మధురవాడ కొమ్మాది ప్రభుత్వ మద్యం దుకాణానికి మద్యం కోసం ఓ వ్యక్తి వచ్చాడు. అక్కడ కౌంటర్‌లో ఉన్న వ్యక్తి ఓ మద్యం బాటిల్‌ పేరు చెప్పి ఇవ్వాలన్నాడు. మద్యం దుకాణంలోని సిబ్బంది అతను అడిగిన బ్రాండ్‌ లేదని చెప్పారు. నాకు ఆ బ్రాండ్‌ కావాల్సిందేనని ఆ వ్యక్తి అక్కడ వాగ్వాదానికి దిగాడు. అక్కడి వారు ఎంత చెప్పినా పట్టించుకోకుండా రచ్చరచ్చ చేశాడు. ఆ కోపంలోనే తన బండిలోని పెట్రోల్‌ తీసి నిప్పంటించాడు. దీంతో సిబ్బంది పోలీసులకు ఫిర్యాదు చేశారు. వారు కేసు నమోదు చేసుకుని విచారణ చేపట్టారు.