Karthi : తెలుగు హీరోయిన్ తో రొమాన్స్ చేయబోతున్న కార్తీ..

తమిళ హీరో కార్తీ గురించి ప్రత్యేక పరిచయాలు అవసరం లేదు.. తమిళ్లో వరుస సినిమాల్లో నటిస్తున్నాడు.. ఆయన సినిమాలు తెలుగులో కూడా విడుదల అయ్యాయి.. దాంతో తెలుగు ప్రేక్షకులకు కూడా కార్తీ పేరు సుపరిచితమే.. ఇటీవల వచ్చిన సినిమాలు ఓ మాదిరిగా ఆకట్టుకున్నాయి.. ఇప్పుడు మరో సినిమాను లైన్లో పెట్టాడు.. 96వ చిత్రంగా తెరకేక్కుతున్న సినిమాలో తెలుగు హీరోయిన్ తో రొమాన్స్ చేయబోతున్నాడు.. ఇంతకీ ఆ హీరోయిన్ ఎవరంటే..

శ్రీదివ్యకు మరో లక్కీచాన్స్‌ తలుపు తట్టింది. శివకార్తికేయన్‌కు జంటగా వరుత్తపడాద వాలిబర్‌ సంఘం చిత్రం ద్వారా కొలీవుడ్ లోకి ఎంట్రీ ఇచ్చింది. ఆ సినిమాతో నటిగా మంచి మార్కులు వేయించుకుంది.. తెలుగులోనూ నటిగా పరిచయమైన ఈ బ్యూటీ ఇక్కడ తొలి చిత్రంతోనే విజయాన్ని అందుకోవడంతో వరుసగా అవకాశాలు వరించాయి. అలా ఈమె ఇక్కడ నటించిన చిత్రాలన్నీ హిట్‌ అయ్యాయి కూడా.. ఈ మధ్య ఏమైందో కానీ సినిమా అవకాశాలు రాలేదని తెలుస్తుంది..

చాలా కాలంలో తర్వాత విక్రమ్‌ప్రభు సరసన నటించిన రైడ్‌ చిత్రం ఇటీవల తెరపైకి వచ్చింది. అలా మళ్లీ వార్తల్లోకి వచ్చిన శ్రీదివ్య అవకాశాలపై దృష్టిపెట్టింది. మొత్తం మీద తాజాగా లక్కీచాన్స్‌ ఈ అమ్మడిని వరించింది. కార్తీతో రొమాన్స్‌ చేయబోతోంది. 96 చిత్రం ఫేమ్‌ ప్రేమ్‌కుమార్‌ దర్శకత్వంలో కార్తీ హీరోగా నటిస్తున్నారు.. తాజాగా గురువారం శ్రీదివ్య పేరును అధికారికంగా యూనిట్‌ వర్గాలు ప్రకటించాయి. ఈ అమ్మడు ఇంతకుముందు కార్తీ సరసన కాశ్మోరా చిత్రంలో నటించిన విషయం తెలిసిందే.. ఈ జంట మరోసారి స్క్రీన్ ను షేర్ చేసుకుంటున్నారన్నమాట..