మోడీది…. ఆదానీ, అంబానీల ప్రభుత్వం : కడియం శ్రీహరి

కేసీఆర్ ఢిల్లీలో ధర్నా చేస్తామని హెచ్చరించడంతో సాగు చట్టాలను కేంద్రం వెనక్కి తీసుకుందని… మోదీది రైతు వ్యతిరేక, దళిత వ్యతిరేక ప్రభుత్వం, ఆదానీ, అంబానీల ప్రభుత్వం అని నిప్పులు చెరిగారు మాజీ ఉపముఖ్యమంత్రి కడియం శ్రీహరి. ఏడేళ్ల కాలంలో భారతదేశ జీడీపీ తగ్గితే… తెలంగాణ జీఎస్టీపీ పెరిగిందని… భారతదేశానికి ఎక్కువ ఆదాయం ఇస్తున్న రాష్ట్రాల్లో తెలంగాణ ఒకటి అని తెలిపారు.

రైతుల విషయంలో అన్నీ బాధ్యతల నుంచి కేంద్రం తప్పుకుని రైతులకు శఠగోపం పడుతోందని…. బడా పారిశ్రామిక వేత్తలకు 10లక్షల 60వేల కోట్ల రూపాయలు రుణమాఫీ చేసిన కేంద్రం రైతుల విషయంలో ఎందుకు మీనమేషాలు లెక్కిస్తోందని ఫైర్‌ అయ్యారు. దేశవ్యాప్తంగా రైతులు చేసిన ఉద్యమం సత్ఫలితాలు ఇచ్చిందని… ఉద్యోగాల కల్పన లేకపోగా… ప్రభుత్వ రంగ సంస్థలను తెగనమ్ముతున్నారని ఆగ్రహించారు.

ఒకవైపు ఆహారపు కొరత ఉందని నిపుణులు హెచ్చరిస్తుంటే మీరు ధాన్యాన్ని ఎందుకు కొనడం లేదని.. బీజేపీ నేతలకు దమ్ముంటే నా ప్రశ్నలకు సమాధానం చెప్పాలని సవాల్‌ విసిరారు. రైతులు ఎక్కడున్నా… రైతులే ఢిల్లీ రైతులతో పాటు తెలంగాణ రైతులనూ ఆదుకుంటామని… కేంద్రం లోని బిజెపి ప్రభుత్వం తెలంగాణ కి ఏమి ఇచ్చింది ..బీజేపీ నేతలు ఏమి తెచ్చారని నిలదీశారు. తెలంగాణ గురించి మాట్లాడే హక్కు బీజేపీకి లేదన్నారు మాజీ ఉపముఖ్యమంత్రి కడియం శ్రీహరి.