Janasena First List: 2 కార్పొరేషన్లు, 12 మున్సిపాలిటీల జనసేన అభ్యర్థులు ఖరారు.. తొలి జాబితా పూర్తి వివరాలు ఇవే

Janasena First List: ఆంధ్రప్రదేశ్‌లో స్థానిక సంస్థల ఎన్నికలు హీట్‌ పెంచుతున్నాయి.. ఓవైపు విపక్షం.. మరోవైపు అధికార కూటమి అభ్యర్థులను ప్రకటిస్తుంది.. ఇప్పటికే కూటమి నుంచి టీడీపీ తొలి అభ్యర్థుల జాబితా విడుదల చేయగా.. ఇప్పుడు కూటమిలో భాగస్వామిగా ఉన్న జనసేన కూడా తొలి జాబితాను విడుదల చేసింది.. మున్సిపల్ కార్పొరేషన్లు, మున్సిపాలిటీలు, నగర పంచాయతీ ఎన్నికలకు సంబంధించి జనసేన పార్టీ తొలి జాబితాను ప్రకటించింది. ఈ జాబితాలోని అభ్యర్థులకు పార్టీ అధ్యక్షుడు, ఉప ముఖ్యమంత్రి పవన్ కల్యాణ్ ఆమోదం తెలిపారు. తొలి జాబితాలో రెండు కార్పొరేషన్లతో పాటు 12 మున్సిపాలిటీలకు పోటీ చేయనున్న అభ్యర్థుల పేర్లను వెల్లడించారు.

రెండు కార్పొరేషన్లకు అభ్యర్థులు వీరే
కార్పొరేషన్ల విభాగంలో ఏలూరు నుంచి రెడ్డి అప్పలనాయుడు, విజయవాడ నుంచి వంగవీటి రాధాకృష్ణను జనసేన పార్టీ ఎంపిక చేసింది. వీరి అభ్యర్థిత్వాలకు పార్టీ అధ్యక్షుడు పవన్ కల్యాణ్ ఆమోదం తెలిపినట్లు పార్టీ వెల్లడించింది.

12 మున్సిపాలిటీలకు అభ్యర్థుల ప్రకటన
మున్సిపాలిటీలకు సంబంధించి అమలాపురం నుంచి నల్లా శ్రీధర్, చిలకలూరిపేట నుంచి తోట రాజరాజేశ్వరి, గొల్లప్రోలు నుంచి కడారి తమ్మయ్య నాయుడును జనసేన బరిలోకి దించుతోంది. నరసాపురం నుంచి కొత్తపల్లి శైలజ, నిడదవోలు నుంచి కల్లం జ్యోతి, పెడన నుంచి మట్టా శివపావనిని అభ్యర్థులుగా ఎంపిక చేసింది. అలాగే పిఠాపురం నుంచి డాక్టర్ బీరా విజయ్ శేఖర్, పుత్తూరు నుంచి డి. ఏలుమలై, సాలూరు నుంచి గొర్లె విజయకుమారిని అభ్యర్థులుగా ప్రకటించింది.. సామర్లకోట నుంచి పిట్టా జానకి రామారావు, తెనాలి నుంచి తోటకూర వెంకట రమణారావు, తిరువూరు నుంచి పి. మాధవికి జనసేన పార్టీ అవకాశం కల్పించింది.

తొలి జాబితాలో మొత్తం 14 మంది
జనసేన ప్రకటించిన తొలి జాబితాలో మొత్తం 14 మంది అభ్యర్థులు ఉన్నారు. వీరిలో ఇద్దరు కార్పొరేషన్లకు, 12 మంది మున్సిపాలిటీలకు ప్రాతినిధ్యం వహించనున్నారు. పార్టీ అధ్యక్షుడు, ఏపీ ఉప ముఖ్యమంత్రి పవన్ కల్యాణ్ ఆమోదంతో అభ్యర్థుల పేర్లను వెల్లడించారు. మున్సిపల్ ఎన్నికల నేపథ్యంలో పార్టీ ప్రకటించిన ఈ తొలి జాబితాపై రాజకీయ వర్గాల్లో ఆసక్తి నెలకొంది. కాగా, ఇప్పటికే కూటమి పార్టీల మధ్య సీట్ల పంపకం పూర్తి అయ్యింది.. ఇక, వేర్వేరుగా తమ అభ్యర్థుల జాబితాను ప్రకటిస్తున్నాయి..

జనసేన పార్టీ మున్సిపల్ అభ్యర్ధుల తొలి జాబితా

కార్పొరేషన్లు
1.ఏలూరు: శ్రీ రెడ్డి అప్పలనాయుడు
2.విజయవాడ: శ్రీ వంగవీటి రాధాకృష్ణ

మున్సిపాలిటీలు
1. అమలాపురం: శ్రీ నల్లా శ్రీధర్
2. ⁠చిలకలూరిపేట: శ్రీమతి తోట రాజరాజేశ్వరి
3. ⁠గొల్లప్రోలు: శ్రీ కడారి తమ్మయ్య నాయుడు
4. ⁠నరసాపురం: శ్రీమతి కొత్తపల్లి శైలజ
5.నిడదవోలు: శ్రీమతి కల్లం జ్యోతి
6.పెడన: శ్రీమతి మట్టా శివపావని
7.పిఠాపురం: డాక్టర్ బీరా విజయ్ శేఖర్
8.పుత్తూరు: శ్రీ డి. ఏలుమలై
9.సాలూరు: శ్రీమతి గొర్లె విజయకుమారి
10.సామర్లకోట: శ్రీ పిట్టా జానకి రామారావు
11.తెనాలి: శ్రీ తోటకూర వెంకట రమణారావు
12.తిరువూరు: శ్రీమతి పి. మాధవి