ISRO: 30 సంవత్సరాల రిమోట్ సెన్సింగ్ డేటాను పబ్లిక్‌ చేయనున్న ఇస్రో..

ISRO: భారత అంతరిక్ష పరిశోధనా సంస్థ ( ISRO ) జాతీయ అంతరిక్ష దినోత్సవం సందర్భంగా.. ఆగస్టు 23న 30 ఏళ్లకు పైగా రిమోట్ సెన్సింగ్ డేటాను సాధారణ ప్రజలకు విడుదల చేయాలని యోచిస్తోంది. ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్ (AICTI), ISpA ఏర్పాటు చేసిన కార్యక్రమంలో ఇస్రో ఛైర్మన్ S. సోమనాథ్ మాట్లాడుతూ.. మా దగ్గర 30 సంవత్సరాలకు పైగా నిల్వ ఉన్న డేటా అందుబాటులో ఉంది. ఈ డేటాను ప్రజలకు అందుబాటులో ఉంచాలనుకుంటున్నాము. గత 30 సంవత్సరాల డేటాతో పాటు, ఇస్రో తన ఉపగ్రహాలు, వివిధ అంతరిక్ష యాత్రల క్రింద సేకరించిన డేటాను భవిష్యత్తులో కూడా బహిరంగంగా అందుబాటులో ఉంచుతుందని ఇస్రో చీఫ్ తెలియజేశారు.

Mayawati: రిజర్వేషన్లను రద్దు చేసేందుకు బీజేపీ-కాంగ్రెస్ కుట్ర చేస్తున్నాయి..

ప్రజలు ఈ డేటాను ఉచితంగా డౌన్‌ లోడ్ చేసుకోవచ్చని, 5 మీటర్ల రిజల్యూషన్‌ లో రిమోట్ సెన్సింగ్ డేటా మొత్తాన్ని ఉపయోగించవచ్చని సోమనాథ్ చెప్పారు. సంగ్రహించిన డేటాను జాగ్రత్తగా పరిశీలిస్తే పర్యావరణ పరిస్థితులు, భూమిని ఎలా ఉపయోగిస్తున్నారు, ఖనిజాలు లేదా నీటి నిల్వలు ఇంకా కొనసాగుతున్న సంఘటనలతో సహా అనేక రకాల సమాచారాన్ని పొందవచ్చు. అటువంటి పరిస్థితిలో, డేటాను పబ్లిక్‌గా మార్చడానికి ఇస్రో ఎత్తుగడ అంతరిక్షం యొక్క వాణిజ్యీకరణను ప్రోత్సహిస్తుంది. అలాగే శాస్త్రవేత్తలు గ్రహాన్ని బాగా అర్థం చేసుకోవడానికి వీలు పడుతుంది. ఇది భవిష్యత్తులో చాలా సంవత్సరాల పాటు అన్వేషణలో సహాయపడుతుంది.

Viral Video: ఇదేందయ్యా ఇది.. ఖగోళంలో అద్భుతం..