Tomato Price: ఆకాశాన్నంటిన టమాటా ధరలు.. ఇప్పుడు పాతాళానికి పడిపోయాయి. హైదరాబాద్లో దిగిరానంటున్న టమాటా రేటు.. కర్నూలులో మాత్రం రైతుల కంట కన్నీళ్లు తెప్పిస్తోంది. వందకు పైగా పలికిన టమాటా.. ఇప్పుడు రూపాయి కూడా పలకకపోవడంతో రైతులు లబోదిబోమంటున్నారు. పంటను పారబోసి ఆందోళన చేస్తున్నారు. కర్నూలు జిల్లా పత్తికొండ మార్కెట్లో టమాటా ధర దారుణంగా పతనమైంది. కిలో రూపాయి కూడా పలకడం లేదని రైతులు ఆవేదన వ్యక్తం చేస్తున్నారు. జత బాక్సులు 40 రూపాయలకు కూడా కొనడం లేదని రైతులు వాపోతున్నారు. గిట్టుబాటు ధర కాదు కదా.. కోత ధరలు కూడా రావడం లేదంటున్నారు రైతులు. మార్కెట్ బయటే పంటను పారబోశారు అన్నదాతలు. దీంతో, పెట్టుబడు, కిరాయిలు.. ఇలా ఏవీ దక్కకపోవడంతో రైతుల్లో ఆందోళన మొదలైంది. కూలీలు, రవాణా ఖర్చులు కూడా రావడం లేదని రైతులు ఆవేదన వ్యక్తం చేస్తున్నారు. రోడ్డుపై బైఠాయించి నిరసన వ్యక్తం చేశారు. దీంతో మార్కెట్ బయట రోడ్డుపై అరగంట పాటు వాహనాలు నిలిచిపోయాయి.
Read Also: CM Chandrababu: మద్యం అమ్మకాలలో డిజిటల్ పేమెంట్లు తప్పనిసరి
అయితే, హైదరాబాద్ మార్కెట్లో డిమాండ్ లేకపోవడంతోనే టమోటా ధర తగ్గిందంటున్నారు వ్యాపారులు.. కానీ, మద్దతు ధర లేదని రైతుల ఆవేదన చెందున్నారు.. నిన్నటి దాకా బయటి మార్కెట్ లో కిలో టమోటా రూ.30 వరకు పలికింది.. కానీ, ఉన్నట్టుండి రూపాయికి పతనం కావడంతో.. ఎంతో కష్టపడి టమోటా పండించి.. మార్కెట్కి చేర్చితే.. కనీసం కూలీ డబ్బులు కూడా రావడం లేదు.. టమోటాను మార్కెట్కి తరలించే రవాణా ఖర్చులు కూడా రావడం లేదంటూ రైతులు కన్నీరు పెట్టాల్సిన పరిస్థితి వచ్చింది. నిన్న మొన్నటిదాకా కిలో పది రూపాయలు నుండి 20 రూపాయలు పలికిన టమోటా ధర ఒక్కసారిగా కుప్పకూలడంతో టమోటా రైతులు లబోదిబోమంటున్నారు. గత కొద్ది రోజుల కిందట జత బాక్స్ 1500 నుండి 2000 పలికిన టమోటా ధర ప్రస్తుతం జత బాక్సు 40 కూడా ధర లేకపోవడంతో రైతులు ఆవేదన వ్యక్తం చేస్తున్నారు. టమోటా రైతుల దుస్థితి లాటరీ లాగా తయారయిందని కనీస రవాణా ఖర్చులు కూడా రావడంలేదని టమోటా తెంచిన కూలీలు కూడా రావడంలేదని రైతులు మండిపడుతున్నారు. హైదరాబాద్ టమోటా రావడంతో పత్తికొండ టమాటాకు ధర పలకడం లేదని మార్కెట్ వర్గాలు చెబుతున్నాయి. మరో వారం రోజుల్లో టమోటా ధర లేకపోతే మార్కెట్ బంద్ పరిస్థితి ఉందని మార్కెట్ వ్యాపారులు అంటున్నారు.
