Google warning: గూగుల్ యూజర్లకు వార్నింగ్.. అకౌంట్‌ డిలీట్ కావొద్దంటే..?

ప్రపంచ టెక్ దిగ్గజం గూగుల్ తమ యూజర్లకు వార్నింగ్ ఇచ్చింది. చాలా కాలంగా యాక్టివ్ గా లేని గూగుల్ అకౌంట్స్ అన్నింటినీ డిలీట్ చేయనున్నట్లు చెప్పింది. ఈ ఏడాది డిసెంబర్ 1 నుంచి అకౌంట్స్ తొలగింపు ప్రక్రియ స్టార్ట్ చేయనున్నట్లు పేర్కొంది. ఈ మేరకు తమ యూజర్లకు గూగుల్ మెయిల్ ద్వారా వార్నింగ్ మేసేజ్ ను పంపిస్తుంది. గూగుల్ ప్రొడక్ట్స్, సర్వీసెస్ కి సంబంధించిన అన్ని అకౌంట్స్ కు ఇన్ యాక్టివ్ పరిమితిని రెండు సంవత్సరాలకు పొడిగిస్తున్నట్లు గూగుల్ తెలిపింది. అంటే, వినియోగదారులు 2 ఏళ్ల పాటు గూగుల్ అకౌంట్స్ ఉపయోగించకపోతే.. లేదంటే యాక్టివ్ గా లేకపోతే.. వాటిని పర్మినెంట్ గా డిలీట్ చేస్తామని హెచ్చరించింది. అయితే, నేరుగా గూగుల్ అకౌంట్ కి లాగిన్ కాకుండా, గూగుల్ ప్రొడక్ట్స్, సర్వీసుల కోసం గూగుల్ అకౌంట్ ను ఉపయోగిస్తారో అలాంటి వాటిని తొలగించడం లేదని తెలిపింది.

Read Also: Bandi Sanjay: టీటీడీ ఛైర్మన్ ఎవరండీ..? ఆయనకు ‘పుష్ప’ సినిమా చూపించాలేమో..!

గూగుల్ యూజర్లు గూగుల్ అకౌంట్ లోకి లాగిన్ కాకుండా, గూగుల్ ప్రొడక్ట్స్, సర్వీసులను సైతం ఉపయోగించకుండా రెండు ఏళ్ల పాటు కొనసాగిస్తే.. అలాంటి అకౌంట్లను తొలగిస్తామని హెచ్చరించింది. అయితే, గూగుల్ అకౌంట్ డిలీట్ చేయడానికి సుమారు 8 నెలల ముందు నుంచే వార్నింగ్ మెయిల్స్ పంపిస్తున్నట్లు గూగుల్ తెలిపింది. ఈ హెచ్చరికల మెయిల్స్ ను కూడా పట్టించుకోకపోతే అప్పుడు సదరు అకౌంట్లను పర్మినెంట్ గా డిలీట్ చేస్తామని చెప్పింది. ఒకసారి గూగుల్ అకౌంట్ డిలీట్ చేస్తే, అదే పేరుతో మళ్లీ కొత్త అకౌంట్ ను క్రియేట్ చేసుకోవడం అసాధ్యమని పేర్కొనింది. అందుకే గూగుల్ అకౌంట్స్ డిలీట్ కాకుండా ఉండాలంటే అప్పుడప్పుడు లాగిన్ కావాలని తెలిపింది.

Read Also: Fraud: ఇస్రో రిక్రూట్‌మెంట్ టెస్ట్‌లో మోసం.. ఇద్దరు అరెస్ట్

అయితే, రీసెంట్ గా గూగుల్ ఇండియాలో గూగుల్ వన్ సబ్ స్క్రైబర్ల కోసం సరికొత్త ఫీచర్ ను తీసుకొచ్చింది. గూగుల్ డార్క్ వెబ్ రిపోర్ట్ పేరుతో ఈ ఫీచర్ అందుబాటులోకి తెచ్చింది. ఈ ఫీచర్ ద్వారా వినియోగదారులు తమ డేటాను సేఫ్ గా ఉంచుకోవచ్చు అని చెప్పుకొచ్చింది. బ్రౌజింగ్ డేటాను కూడా బయటకు లీక్ కాకుండా చూసుకోవచ్చని తెలిపింది. సదరు యూజర్ల వ్యక్తిగత వివరాలు యాంటీ సోషల్ ఎలిమెంట్స్ చేతికి చిక్కకుండా ఈ ఫీచర్ పని చేస్తుంది.

Read Also: Miss Shetty Mr Polishetty Trailer: పెళ్లి వద్దు.. ప్రెగ్నెంట్ కావాలి అంటున్న అనుష్క

గూగుల్‌ అకౌంట్‌ డిలీట్ కావొద్దంటే..?
సమయం దొరికిన్నప్పుడల్లా లాగిన్ కావాలి.
రెండు సంవత్సరాలకు ఒకసారైనా లాగిన్ కావాలి.
గూగుల్ డ్రైవ్ యూజ్ చేసిన ఫర్వాలేదు.
మెయిల్ పంపినా, చదివినా మీ అకౌంట్ డిలీట్ కాదు.
యూట్యూబ్‌లో వీడియోలు చూసినా ఓకే.
గూగుల్‌ యాప్‌ స్టోర్ నుంచి యాప్ డౌన్‌లోడ్‌ చేసినా మీ అకౌంట్ సేఫ్.
ఇతర యాప్స్ ను గూగుల్‌ అకౌంట్ ద్వారా సైన్ ఇన్ చేసిన మీ అకౌంట్ తొలగించబడదు.