Viral Video: సోషల్ మీడియా వచ్చాక ఎక్కడ ఏం జరిగినా క్షణాల్లో అది వైరల్ అయిపోతుంది. మంచైనా, చెడైనా నిమిషంలో అందరికీ చేరిపోతుంది. స్మార్ట్ ఫోన్ల వినియోగం ఎక్కువ అయ్యాక ఎక్కడ ఏది కనిపడిన వీడియో తీసి సోషల్ మీడియాలో అప్ లోడ్ చేస్తున్నారు. వీటిలో కొన్ని వీడియోలు ఫన్నీగా, కొన్ని చిరాకు తెప్పించేలా ఉంటాయి. మరికొన్ని ప్రేమకు ప్రతిరూపంలా ఉంటాయి. ఇంకొన్ని మానవత్వానికి అద్దం పట్టేలా ఉంటాయి. ఇలా మానవత్వానికి సంబంధించిన ఓ మహిళ వీడియో ప్రస్తుతం సోషల్ మీడియాలో వైరల్ అవుతుంది. ఆమె దయాగుణాన్ని చాలా మంది మెచ్చకుంటున్నారు.
Also Read: Delhi Metro: మెట్రోలో రెచ్చిపోయిన అబ్బాయి.. మొదట ఓ అమ్మాయితో తరువాత ఇంకో అమ్మాయితో
సాధారణంగా మన ఇళ్లలో పెంచుకునే కుక్కలకు అన్ని సౌకర్యాలు కల్పిస్తాం. వాటికి తిండికి, నీటికి కొదవలేకుండా చూస్తాం. అయితే వీధి కుక్కల పరిస్థితి దయనీయంగా ఉంటుంది. వాటికి తిండి పెట్టే వారు నీరు పోసే వాటి ఆలనా పాలనా చూసే వారు ఎవరు ఉండరు. అయితే దాహంతో బాధపడుతూ నీటిని తాగడానికి ప్రయత్నిస్తున్న ఓ కుక్కకు అటుగా వెళుతున్న ఓ మహిళసాయం చేసింది. వీడియోలో ఓ కుక్కకు దాహం వేసి నీరు తాగడం కోసం నీళ్ల కుళాయి దగ్గరకు వస్తుంది. అయితే దాని ట్యాప్ ను ఎలా తిప్పాలో తెలియక సతమతమవుతూ ఉంటుంది. ఇంతలో ఓ మహిళ వచ్చి ట్యాప్ ను ఓపెన్ చేస్తుంది. మొదట నీరు తాగటానికి భయపడిన కుక్క తరువాత కడుపునిండా నీరు తాగి అక్కడి నుంచి వెళుతుంది. ఎవరో దీనిని వీడియో తీసి సోషల్ మీడియాలో పెట్టడంతో వైరల్ గా మారింది. దయ చూపించడం అనేది గిఫ్ట్ లాంటిది దానిని ఎవరైనా ఖర్చు లేకుండా ఇవ్వొచ్చు అంటూ వీడియో క్యాప్షన్ పెట్టారు. నెటిజన్లు ఆమెపై ప్రశంసల వర్షం కురిపిస్తున్నారు. చాలా మంచి పని చేశావని కొందరు పొగుడుతుంటే.. దేవుడు నిన్ను తప్పకుండా ఆశీర్వదిస్తాడు అని మరికొందరు పేర్కొంటున్నారు. దయా గుణం అనేది చాలా గొప్పదని అనేక మంది కామెంట్ చేస్తున్నారు.
View this post on Instagram
