Delhi Metro: ఈ మధ్య ఢిల్లీ మెట్రోకు సంబంధించిన వీడియోలు సోషల్ మీడియాలో తెగ వైరల్ అవుతున్నాయి. ప్రేమ జంటలు రొమాన్స్ చేసుకుంటున్న వీడియోలు, అమ్మాయి బికినీ వేసుకొని కూర్చోవడం, ఆడ వాళ్లు జుట్లు పట్టుకొని కొట్టుకోవడం, అమ్మాయిలు జిమ్నాస్టిక్స్ చేయడం వీటన్నింటికి సంబంధించిన వీడియోలు వైరల్ అవుతున్నాయి. ఇలాంటి పనులు మెట్రలో చెయ్యకూడదని చేస్తే చర్యలు తీసుకుంటామని ఢిల్లీ మెట్రో ఉన్నతాధికారులు ఎంతగా చెబుతన్నా ఇలాంటి ఘటనలు జరుగుతూనే ఉన్నాయి. తాజాగా ఢిల్లీ మెట్రోకు సంబంధించిన మరో వీడియో వైరల్ అవుతుంది. ఢిల్లీ మెట్రో నుంచి కొత్త వీడియో వచ్చింది అంటూ ప్రియా సింగ్ అనే యువతి ఈ వీడియోను ఎక్స్( ట్విటర్)లో పోస్ట్ చేసింది. ఇది అతి తక్కువ సమయంలోనే వైరల్ గా మారింది.
Also Read: Maharashtra: జర జాగ్రత్త బ్రో.. గొడుగు పట్టుకొని బస్సు నడుపుతున్న డ్రైవర్
ఇక వీడియోలో ఒక అబ్బాయి మొదట ఓ అమ్మాయితో గొడవపడుతూ తిడుతూ ఉంటాడు. ఆ అమ్మాయి కూడా ఎక్కడా తగ్గకుండా అతనితో కయ్యానికి కాలు దువ్వుతుంది. దీంతో వివాదం ముదురుతుంది. గొడవ పెద్దగా మారడంతో ఎవరో ఓ మహిళ వచ్చి ఆ అబ్బాయిని ఆపుతుంది. గొడవ ఆపాలని చెప్పి అతడిని శాంతింపజేస్తుంది. అయితే ఆ అబ్బాయి ఆ అమ్మాయితో గొడవపడటం ఆపగానే మరో అమ్మాయి నీదే తప్పు అంటూ ఆ అబ్బాయితో వాదిస్తుంది. అతనికి వ్యతిరేకంగా మాట్లాడుతుంది. దీంతో ఆ అబ్బాయి మరో మహిళతో కూడా గొడవపడతాడు. వివాదాలకు అడ్డాగా మారిన మెట్రో నుంచి మరో వీడియో కూడా రావడంతో నెటిజన్లు ఫన్నీగా రియాక్ట్ అవుతున్నారు. ఇక్కడ అన్నీ దొరుకుతాయి. రొమాన్స్, గొడవలు అన్నీ ఎంటర్ టైన్ మెంట్లు చూడొచ్చు అంటూ కామెంట్ చేస్తున్నారు. చాలా మంది ఆ అబ్బాయి మీద ఫైర్ అవుతున్నారు. అమ్మాయిలతో అలా గొడవపడటం కరెక్ట్ కాదని అభిప్రాయపడుతున్నారు. అతడిని పోలీసులకు అప్పగించాలని మరికొంతమంది డిమాండ్ చేస్తున్నారు.
दिल्ली मेट्रो का नया वीडियो आया है pic.twitter.com/u9P9Q3vPWq
— Priya singh (@priyarajputlive) August 25, 2023
