Fuel Prices: లోక్సభ ఎన్నికలకు ముందు ఇంధన ధరలు తగ్గుతాయా?.. కేంద్ర మంత్రి ఏం అన్నారంటే?
Fuel Prices: ఇంధన ధరలపై కేంద్ర పెట్రోలియం మంత్రి హర్దీప్ సింగ్ పూరి స్పందించారు. ఎన్నికలకు ముందు ప్రజలకు ఉపశమనం కలిగించడానికి ఇంధన ధరలు తగ్గుతాయా అని మీడియా అడిగిన ప్రశ్నకు ఆయన సమాధానమిచ్చారు. ఇది మీడియా ప్రచారం అని, అయితే ఇందులో ఎలాంటి వాస్తవం లేదని అన్నారు. వచ్చే ఏడాది లోక్సభ ఎన్నికలకు ముందు ప్రభుత్వం ఇంధన ధరలను తగ్గిస్తారనడం అపోహ అని అన్నారు. అంతర్జాతీయ ధరలు, రవాణా ఖర్చులు, రిఫైనింగ్ ఖర్చులు, పన్నులు వంటి అనేక అంశాలు ఇంధన ధరలను నిర్దేశిస్తున్నాయని కేంద్ర మంత్రి వివరించారు. ఇలాంటి అంశాలను ప్రభుత్వం ఎలా నిర్వహిస్తుందనే దానిపైనే దేశంలో ఇంధన ధరలు నిర్ణయిస్తాయని అన్నారు.
Read Also: Madhyapradesh: ఖజురహో-ఉదయ్పూర్ ఇంటర్సిటీ రైలు ఇంజిన్లో మంటలు
కరోనా మహమ్మారి తర్వాత 2022లో చమురు ధరలు పెరిగాయని, చమురు సరఫరా చేసే దేశాలను తమ ధరలను తగ్గించమని భారతదేశం అడగలేదని అన్నారు. బదులుగా ధరలను తగ్గించడానికి ప్రభుత్వం ఇంధనంపై ఎక్సైజ్ సుంకాన్ని తగ్గించిందన్నారు. అంతేకాకుండా బీజెపి పాలిత రాష్ట్రాల్లో, ప్రభుత్వం ఇంధనంపై విలువ ఆధారిత పన్నును తగ్గించిందని, ధరలను రూ. 8 నుండి రూ. 11 వరకు తగ్గించిందని ఆయన చెప్పారు. కేంద్ర మంత్రిని ప్రతిపక్ష కూటమి ‘ఇండియా’ గురించి కూడా అడిగారు. ప్రతిస్పందనగా, ఢిల్లీ ముఖ్యమంత్రి అరవింద్ కేజ్రీవాల్తో జరిగిన సంభాషణను ఆయన గుర్తు చేసుకున్నారు. ఇందులో ఆప్ నాయకుడు రాజవంశ రాజకీయాలకు వ్యతిరేకమని అన్నారు.
Read Also: Boys Hostel: రేయ్ ఎవర్రా మీరంతా.. రష్మీ అందాన్ని పక్కన పెట్టి రక్తం అలా తాగేస్తున్నారు?
ప్రతిపక్ష కూటమిలో ఎందుకు భాగమయ్యారని కేజ్రీవాల్ను ప్రశ్నించగా, అది కేవలం రాజకీయం మాత్రమేనని ఆప్ నేత చెప్పారని కేంద్ర మంత్రి హర్దీప్ సింగ్ పూరీ అన్నారు. ఈ ఏడాది G20 సదస్సుకు భారత్ ఆతిథ్యం ఇవ్వడం గురించి పూరి మాట్లాడుతూ, “అభివృద్ధి చెందుతున్న దేశాలకు భారతదేశ అనుభవం చాలా ఔచిత్యాన్ని కలిగి ఉంది” అని అన్నారు. 2002లో అటల్ బిహారీ వాజ్పేయి హయాంలో ప్రారంభమైన మెట్రో రైలు వ్యవస్థ చైనా తర్వాత ప్రపంచంలోనే రెండో అతిపెద్ద మెట్రో వ్యవస్థగా అవతరించనుందని చెప్పారు.