Ponguleti Srinivas Reddy: నా మామిడితోట ఎక్కడుందో చెప్పండి

బిఆర్ఎస్ పార్టీలో అసంతృప్తి వాది మాజీ ఎంపి పొంగులేటి శ్రీనివాస రెడ్డికి బిఆర్ఎస్ నేతలకు మధ్య మామిడి తోట వివాదం కొనసాగుతుంది. అయితే ఆ మామిడి తోట వివాదానికి పొంగులేటి పుల్ స్టాఫ్ పెట్టారు. మామిడి తోట ఎక్కడుందో చెప్పండి అంటూ సవాల్ కూడా విసిరారు. ఉమ్మడి ఖమ్మం జిల్లా వ్యాపితంగా మాజీ ఎంపి పొంగులేటి శ్రీనివాస రెడ్డి నియోజకవర్గాల వారీగా అసంతృప్తి సమావేశాలను ఆత్మీయ సమావేశాల పేరుతో పెడుతున్నారు. ఆయా నియోజకవర్గాల్లో తన వర్గం అభ్యర్ధులను కూడా ప్రకటించేస్తున్నారు. దీంతో పోటీ గా అన్నినియోజకవర్గాల్లో అభ్యర్ధులను పెడతారని స్పష్టం అయ్యింది.

Read Also: Suman: 16న మంగళూరులో హీరో సుమన్ కు ఘన సన్మానం!

అయితే భవిష్యత్ లో తాను ఏ పార్టీలో ఉన్నప్పటికి ఈ టీమ్ ఉంటుందని ఆయన చెబుతున్నారు. అయితే ఆత్మీయ సమావేశాల్లో పొంగులేటి శ్రీనివాస రెడ్డి ముఖ్యమంత్రి కెసిఆర్, తెలంగాణ ప్రభుత్వం పై విమర్శలు చేస్తున్నారు. తెలంగాణలో ఇప్పుడు ఎక్కడ 24 గంటల విద్యుత్ రావడం లేదని తెలంగాణ వచ్చినప్పటికి ఆశించిన ప్రయోజనాలు నెరవేరలేదని అంటున్నారు. ఈ సందర్బంగా పంటలు ఎండిపోయి రైతులు ఇక్కట్లు పడుతున్నారని ప్రభుత్వంపై విమర్శానాస్ర్టాలను ఎక్కుపెడుతున్నారు. అయితే కరెంటు ఎక్కడ రావడం లేదో చెప్పాలని బిఆర్ఎస్ నేతలు కూడ పొంగులేటికి ధీటుగా సమాదానాలను ఇస్తున్నారు. పంటలు ఎండిపోతున్నాయని పొంగులేటి అంటున్నారని ఆయన స్వంత గ్రామం నారాయణ పురంలో నలభై ఎకరాల మామిడి తోటలకు నీళ్లు అందుతున్నది నిజం కాదా అంటూ పదే పదే పొంగులేటిని ఉద్దేశించి బిఆర్ఎస్ నేతలు ప్రశ్నిస్తున్నారు.

అయితే వారికి ఈ రోజు పొంగులేటి సమాధానం కూడా చెప్పారు. తన గ్రామం నారాయణ పురంలో ప్రభుత్వానికి చెందిన వారితో ఈ నెల మొదటి వారంలో సర్వే చేశారని తనకు మామిడి తోట ఎక్కడుందని ప్రశ్నించారు. మామిడి తోటకు నీళ్లెక్కడ ఇస్తున్నారంటూ పొంగులేటి వైరాలో ఆత్మీయ సమావేశంలో సవాల్ విసిరారు. దీంతో ఇప్పుడు బిఆర్ఎస్ నేతలు చెబుతున్న మామిడి తోట వ్యవహారానికి సంబంధించి పొంగులేటి సవాల్ విసిరినట్లుగా మారింది. మరి బిఆర్ఎస్ నేతలు పొంగులేటి మామిడి తోట పై ఎలాంటి కామెంట్లు చేస్తారు. మళ్లీ ఎటువంటి ఆరోపణలు చేస్తారో చూడాల్సి ఉంది.

Read Also: INDWvsWIW: టాస్ గెలిచిన వెస్టిండీస్.. టీమిండియా బౌలింగ్