Etela Rajender : రాజకీయాలకు అతీతంగా ప్రజల బాధ్యతను తీసుకోవాలి..

Etela Rajender : తెలంగాణలో మూడో వంతు జనాభాను జీహెచ్‌ఎంసీ పాలిస్తుందని, రాజకీయాలకు అతీతంగా ప్రజల బాధ్యతను తీసుకోవాలన్నారు బీజేపీ ఎంపీ ఈటల రాజేందర్. జీహెచ్‌ఎంసీ కౌన్సిల్‌ సమావేశం రసాభాస మారింది. ఈ నేపథ్యంలో ఈటల రాజేందర్‌ మాట్లాడుతూ.. సంకుచితత్వానికి పోకుండా అవసరమైన చోట నిధులు ఇవ్వాలన్నారు. నగరంలోని కనీస సౌకర్యాలకు నోచుకొని ప్రాంతాలపై దృష్టి పెట్టాలన్నారు. బడ్జెట్ ఎంత, ఖర్చులు, రాబడి అనేది పక్కన పెట్టి సమస్యలపై దృష్టి పెట్టకపోతే నగరం మసకబారుతుందని ఆయన అన్నారు. జీహెచ్ఎంసీ బాధేంటో నాకు తెలుసు అని, పాత కాంట్రాక్టర్లకే బిల్లులు రాకపోతే కొత్త కాంట్రాక్టర్లు ఎలా వస్తారు..? అని ఆయన ప్రశ్నించారు. ఎమ్మెల్యేల కంటే కార్పొరేటర్లకు రీచ్ ఎక్కువగా ఉంటుందని, పేదల్లో నిరుపేదలను గుర్తించి ఇందిరమ్మ ఇళ్లు ఇతర సంక్షేమ పథకాలు ఇవ్వాలన్నారు. కొత్త ఉస్మానియా హాస్పిటల్ నిర్మాణానికి మేం వ్యతిరేకం కాదని, ఉస్మానియా హాస్పిటల్ ఉన్నచోటనే గొప్ప హాస్పిటల్ గా కట్టొచ్చన్నారు.

Vizag: శెభాష్.. 24 గంటల్లో మిస్సింగ్ కేసును చేధించిన విశాఖ సిటీ పోలీస్

అంతేకాకుండా..’ఉస్మానియా హాస్పిటల్ వద్ద ఉన్న ఆలయాన్ని తరలించి అక్కడే హాస్పిటల్ కట్టొచ్చు.. నగరంలో ఉన్న నీటి వనరులన్నీ మురికి కూపాలుగా మారాయి.. హైదరాబాద్ లో దుర్గందభరిత వాతావరణం లేకుండా చూడాలి.. నగరంలో నేను చూసిన అనుభవాలతో జీహెచ్ఎంసీ కి లేఖ రాస్తాను.. పాలక మండలిపై ప్రజల్లో విశ్వాసం లేకపోతే ఇబ్బందులు ఎదురవుతాయి.. జీహెచ్ఎంసీ పైసలు లేవని చెబితే పరువుపోతుంది..’ అని ఈటల రాజేందర్‌ అన్నారు.

YCP: వైసీపీ ఫీజు పోరు పోస్టర్ ఆవిష్కరణ.. ఫిబ్రవరి 5న ఆందోళనకు పిలుపు