Ellamma : ఎల్లమ్మలో హీరోయిన్ ఎవరంటే ?

‘బలగం’ సినిమాతో తెలంగాణ సంస్కృతిని ప్రపంచానికి చాటిచెప్పిన దర్శకుడు వేణు ఎల్దండి, దాదాపు మూడేళ్ల గ్యాప్ తర్వాత తన తదుపరి ప్రాజెక్టును పట్టాలెక్కించడానికి సిద్ధమయ్యారు. ఈసారి ఆయన ఎంచుకున్న కథాంశం మరింత పవర్‌ఫుల్‌గా ఉండబోతోంది. ‘ఎల్లమ్మ’ అనే టైటిల్‌తో రాబోతున్న ఈ సినిమా ద్వారా మ్యూజిక్ డైరెక్టర్ దేవిశ్రీ ప్రసాద్‌ (DSP) ను హీరోగా పరిచయం చేస్తున్నారు వేణు. తెలంగాణలో అత్యంత భక్తిశ్రద్ధలతో కొలిచే ఎల్లమ్మ దేవత చుట్టూ ఈ కథ సాగనుంది. ఈ సినిమా కోసం వేణు ఏకంగా 8 గంటల పాటు కథను వివరించగా, అందులోని ఇంటెన్సిటీ నచ్చి డిఎస్పీ వెంటనే గ్రీన్ సిగ్నల్ ఇచ్చారట. తాజాగా విడుదలైన చిన్న టీజర్ గమనిస్తే, ఇందులో డిఎస్పీ ‘పర్శి’ అనే మాస్ క్యారెక్టర్‌లో అదరగొట్టేలా కనిపిస్తున్నారు.

Also Read : AR Rahman: తండ్రి కోసం రంగంలోకి అమీన్.. మోదీ ప్రశంసించిన వీడియోతో స్ట్రాంగ్ కౌంటర్!

ఈ సినిమాలో మరో ఇంట్రెస్టింగ్ అప్‌డేట్ ఏంటంటే, ఇందులో రెగ్యులర్ హీరోయిన్ అంటూ ఎవరూ ఉండరట. కథ మొత్తం అమ్మవారి పాత్ర చుట్టూనే తిరుగుతుందని సమాచారం. కానీ ఆ ‘ఎల్లమ్మ’ దేవత పాత్ర కోసం స్టార్ హీరోయిన్ కీర్తి సురేష్‌ను సంప్రదిస్తున్నట్లు తెలుస్తోంది. కీర్తి సురేష్ దేవతగా కనిపిస్తే, ఆమె భక్తుడిగా దేవిశ్రీ ప్రసాద్ పాత్ర ఉంటుందని ఇండస్ట్రీలో టాక్ నడుస్తోంది. ప్రస్తుతం కీర్తి సురేష్‌తో చర్చలు జరుగుతున్నాయి, ఆమె ఓకే చెబితే ఈ ప్రాజెక్ట్ పై అధికారిక ప్రకటన రానుంది. తెలంగాణ సెంటిమెంట్‌ను మాస్ ఎలిమెంట్స్‌తో కలిపి వేణు ఈ సినిమాను ఏ రేంజ్‌లో చూపిస్తారో అని ఫ్యాన్స్ ఆసక్తిగా ఎదురుచూస్తున్నారు.