ప్రస్తుతం మనం ఉన్న సమాజంలో తినే ఆహారం, నీరు చాలా వరకు కలిషితమవుతున్నాయి. మనం చేసే పనిలో ఒత్తిడి పెరిగి రకాల రకాల జబ్బలు వస్తున్నాయి. దీనిలో ముఖ్యంగా లివర్ సంబంధించిన వ్యాది ఒకటి. అయితే ఈ వ్యాధి లక్షణాలు స్పష్టంగా చూపించకపోవడంతో.. ఎంతో మంది ఈ కాలేయ సంబంధిత వ్యాదులతో ఇబ్బందులు పడుతున్నారు. పరిశోధకులు తీవ్రమైన కాలేయ వ్యాధి ప్రమాదాన్ని ముందుగానే కనిపెట్టేందుకు ఒక కొత్తరకమైన పరీక్షను కనుగొన్నారు.
పూర్తి వివరాల్లోకి వెళితే.. కాలేయ వ్యాధి తరచుగా నెమ్మదిగా అభివృద్ధి చెందుతుంది. కానీ ప్రారంభంలో ఎటువంటి స్పష్టమైన లక్షణాలు చూపించదు. దీంతో వ్యాధి ముదిరిన తర్వాత ట్రీట్మెంట్ చేయడం చాలా కష్టంగా మారుతోంది. అయితే.. స్వీడిష్ పరిశోధకులు తీవ్రమైన కాలేయ వ్యాధి ప్రమాదాన్ని సంవత్సరాల ముందుగానే అంచనా వేయగల కొత్త, సరళమైన రక్త పరీక్షను అభివృద్ధి చేశారు.ఈ పరీక్ష కాలేయ వ్యాధిని ముందుగానే గుర్తించడంలో సహాయపడటమే కాకుండా, వైద్యులు సకాలంలో చికిత్సను అందించడం సులభతరం చేస్తుంది. ఈ వార్తా కథనంలో, కొత్త పరీక్ష మరియు అది ఎలా పనిచేస్తుందో మనం అన్వేషిస్తాము. కాలేయం దెబ్బతిన్నప్పుడు శరీరం ఇచ్చే సంకేతాల గురించి కూడా మనం నేర్చుకుంటాము
స్వీడిష్ పరిశోధకులు సిర్రోసిస్ ( కాలేయంపై మచ్చలు), కాలేయ క్యాన్సర్ లేదా ఇతర తీవ్రమైన కాలేయ వ్యాధుల ప్రమాదాన్ని అంచనా వేయగల రక్త పరీక్షను అభివృద్ధి చేశారు . ఈ పరీక్ష మూడు సాధారణ బ్లెడ్ మెసర్మెంట్స్ ను ఉపయోగిస్తుంది . కాలేయ పనితీరులో చిన్న మార్పులను కూడా గుర్తిస్తుందని స్వీడన్ పరిశోధకులు వెల్లడించారు. కామెర్లు లేదా కాలేయ సంబంధిత కడుపు నొప్పి వంటి సమస్యలను ముందుగానే గుర్తించడానికి వీలు కల్పిస్తుంది. గతంలో కాలేయ పరీక్ష, FIB-4 ఉండేది. ఇది ప్రధానంగా ముందుగా ఉన్న కాలేయ వ్యాధి ఉన్న రోగులలో ఉపయోగించేవారని సైంటిస్ట్ లు తెలిపారు. అయితే, ఈ కొత్త పరీక్ష సాధారణ వ్యక్తులలో కూడా ఉపయోగపడుతుంది. ఇది కాలేయ వ్యాధిని ముందుగానే గుర్తించడంలో సహాయపడుతుంది. వైద్యులు ముందస్తు చికిత్స అందించడానికి, వ్యాధి పురోగతి చెందకుండా నిరోధించడానికి అనుమతిస్తుంది.
