Dulquer Salmaan: తెలుగులో.. మరో క్రేజీ ప్రాజెక్ట్‌కు గ్రీన్ సిగ్నల్ ఇచ్చిన దుల్కర్..?

మలయాళ స్టార్ దుల్కర్ సల్మాన్ తెలుగులో తనకంటూ ఒక ప్రత్యేకమైన ఇమేజ్‌ను క్రియేట్ చేసుకున్నారు. ‘మహానటి’, ‘సీతారామం’ నుంచి రీసెంట్ హిట్ ‘లక్కీ భాస్కర్’ వరకు ఆయన చేసిన ప్రతి ప్రయత్నం తెలుగు ప్రేక్షకులను విశేషంగా ఆకట్టుకుంది. ప్రస్తుతం ఆయన ‘ఆకాశంలో ఒక తార’ అనే సినిమాలో నటిస్తూ బిజీగా ఉన్నారు, ఈ చిత్రం 2026 వేసవిలో విడుదల కానుంది. ఇదిలా ఉండగా, దుల్కర్ ఖాతాలో ఇప్పుడు మరో క్రేజీ ప్రాజెక్ట్ చేరినట్లు ఫిల్మ్ నగర్ టాక్. పీపుల్ మీడియా ఫ్యాక్టరీ బ్యానర్‌పై నిర్మాత టీజీ విశ్వప్రసాద్ ఈ సినిమాను భారీ స్థాయిలో ప్లాన్ చేస్తున్నారు. మాస్ డైరెక్టర్ సంపత్ నంది చెప్పిన పవర్‌ఫుల్ కథకు దుల్కర్ గ్రీన్ సిగ్నల్ ఇచ్చారని, ఈ మేరకు ఆయనకు అడ్వాన్స్ కూడా అందినట్లు సమాచారం వినిపిస్తోంది.

సంపత్ నంది మార్కు కమర్షియల్ ఎలిమెంట్స్‌తో కూడిన ఈ కథ దుల్కర్‌కు బాగా నచ్చిందని సమాచారం. అయితే, ప్రస్తుతం చేతిలో ఉన్న ప్రాజెక్టుల వల్ల, 2026 మార్చిలో పూర్తి స్థాయి స్క్రిప్ట్ విన్న తర్వాతే ఈ సినిమాపై తుది నిర్ణయం తీసుకోనున్నట్లు తెలుస్తోంది. క్లాస్ సినిమాలతో మెప్పించే దుల్కర్, మాస్ చిత్రాల దర్శకుడైన సంపత్ నందితో కలిసి పనిచేయడం అనేది ఒక ఆసక్తికరమైన కాంబినేషన్ అని చెప్పాలి. ఒకవేళ అంతా సెట్ అయితే, ఈ సినిమాతో దుల్కర్ మరోసారి బాక్సాఫీస్ వద్ద తన సత్తా చాటడం ఖాయం. ఈ ప్రాజెక్ట్‌కు సంబంధించిన మరిన్ని వివరాలు మరియు అధికారిక ప్రకటన త్వరలోనే వెలువడే అవకాశం ఉంది, దీనికోసం దుల్కర్ అభిమానులు ఎంతో ఆత్రుతగా ఎదురుచూస్తున్నారు.