Viral : ఫేమస్ అయ్యేందుకు కుక్కతో కరిపించుకుంటావా..!

సోషల్ మీడియాలో పాపులర్ అయ్యేందుకు రకరకాల ఫీట్స్ చేస్తున్నారు జనాలు. అవి వైరల్ అయితే లైక్స్, కామెంట్స్ వస్తాయని ఎలాంటి వీడియోనైనా చేయడానికి వెనుకాడడం లేదు. ప్రాణాలకు తెగించి మరి కొన్ని వీడియోలు, కొన్ని ఫన్నీ వీడియోలు, మరికొన్ని ఎమోషనల్ వీడియోలు ఇలా రకరకాలుగా వ్యూవర్స్ ను ఆకట్టుకుంటున్నారు. ఇక జంతువులకు సంబంధించిన వీడియోలైతే నెట్టింట రోజూ లక్షల్లో చక్కర్లు కొడుతుంటాయి. తాజాగా ఆ కోవకు చెందిన ఓ వీడియో సోషల్ మీడియాలో తెగ హల్చల్ చేస్తోంది. ఇందులో ఓ యువకుడికి శునకం(కుక్క) తన ప్రతాపాన్ని చూపించింది. దీన్ని చూశాక మీరూ కుక్కను ఊరుకనే టచ్ చేయడానికి కూడా భయపడతారు.

Read Also: Elderly man song: తాత నువ్వు సూపరేహే..ఒక్క పాటతో మనసుదోచుకున్నావు..

వీడియోలో ఉన్న ప్రకారం.. ఓ వ్యక్తి తన చేతిలో ఉన్న కొమ్మతో పక్కనే ఇంకో వ్యక్తి పట్టుకుని ఉన్న కుక్కను కొడతాడు. అంతే! ఆ శునకానికి చిర్రెత్తుకొస్తుంది. అతడిపై పడి, పరిగెత్తించి.. పరిగెత్తించి మరీ పిక్కలు లాగేస్తుంది. ఆ శునకం దగ్గర నుంచి సదరు వ్యక్తి తప్పించుకునేందుకు ప్రయత్నించినా ఏమాత్రం ప్రయోజనం లేకపోతుంది. యజమాని వెనక్కి తగ్గించేందుకు చూసినా.. ఆ కుక్క అస్సలు వెనక్కి తగ్గదు. ఆ వ్యక్తిని పరిగెత్తించి.. మరీ పిక్కలపై కరుస్తుంది. నన్నే కొడతావా అంటూ ఆ కుక్క మొత్తానికి ప్రాణం తీసేంత పనిచేసింది. సో జాగ్రత్త సోషల్ మీడియాలో వైరల్ వీడియోల కోసం వెళ్లి ప్రాణాల మీదకు తెచ్చుకోకండి.

Read Also: Rahul Gandhi: బీజేపీని ఓడించొచ్చు.. అమెరికాలో రాహుల్‌ గాంధీ కీలక వ్యాఖ్యలు

ప్రస్తుతం ఇందుకు సంబంధించిన వీడియో సోషల్ మీడియాలో వైరల్‌గా మారింది. దీన్ని ‘cctvidiots’ అనే ట్విట్టర్ యూజర్ ఇంటర్నెట్‌లో షేర్ చేశాడు. ఇప్పటివరకు ఈ వీడియోను 5.9 మిలియన్ మంది వీక్షించారు. లేట్ ఎందుకు మరీ మీరూ ఓసారి లుక్కేయండి.