Thalapathy68: విజయ్ కు విలన్ గా ధోనీ.. ఇదెక్కడి మాస్ రా మావా.. ?
Thalapathy68: కోలీవుడ్ స్టార్ హీరో విజయ్ ప్రస్తుతం లియో సినిమాతో బిజీగా ఉన్న విషయం తెల్సిందే. ఈ సినిమా తరువాత Thalapathy68 ను సెట్స్ మీదకు తీసుకురానున్నారు. వెంకట్ ప్రభు దర్శకత్వంలో తెరకెక్కనున్న ఈ సినిమాపై అభిమానులు భారీ అంచనాలను పెట్టుకున్నారు. అందుకు కారణం.. విజయ్ చివరి సినిమా ఇదే అంటూ ప్రచారం జరుగుతుంది కాబట్టి. విజయ్ పొలిటికల్ ఎంట్రీ ఇవ్వనున్న విషయం తెల్సిందే. ఇప్పటికే అందుకు సంబంధించిన ఏర్పాట్లు కూడా జరుగుతున్నాయి. ఇక అప్పటిలోగా ఈ రెండు సినిమాలను పూర్తి చేయాలనీ విజయ్ అనుకుంటున్నాడట. ఈ నేపథ్యంలోనే లియో షూటింగ్ చివరి దశకు చేరుకోగా.. మరికొన్ని రోజుల్లో Thalapathy68 పట్టాలెక్కనుంది. ఇక ఈ సినిమాలో విజయ్ సరసన జ్యోతిక నటిస్తుందని వార్తలు వస్తున్నాయి. ఇప్పటికే వీరిద్దరి కాంబోలో ఖుషీ లాంటి భారీ బ్లాక్ బస్టర్ హిట్ వచ్చిన విషయం తెల్సిందే.
Harold Das: రూత్ లెస్ విలన్ గా అర్జున్.. రోలెక్స్ కనిపించాడు బ్రో
ఇక తాజగా అందుతున్న సమాచారం ప్రకారం.. ఈ సినిమాతో మాజీ క్రికెటర్ ధోనీ నటుడుగా ఎంట్రీ ఇవ్వబోతున్నాడట. అందులో కూడా విజయ్ ధీటుగా విలనిజాన్ని పండించబోతున్నాడంటూ సోషల్ మీడియా కోడై కూస్తోంది. ఈ మధ్యనే ధోని నిర్మాణ రంగంలోకి అడుగుపెట్టిన విషయం తెల్సిందే. LGM సినిమాతో ధోనీ భార్య సాక్షి నిర్మాతగా మారింది. ఆ సినిమా ప్రమోషన్స్ లోనే మంచి కథ ఉంటే ధోని ఖచ్చితంగా సినిమాల్లో నటిస్తారు అని చెప్పడంతో వెంకట్ ప్రభు.. ధోనీని విలన్ గా చూపించడానికి రెడీ అయ్యాడని వార్తలు వస్తున్నాయి. అయితే ఇందులో నిజం ఎంత అనేది తెలియాల్సి ఉంది. ఒకవేళ ఇదే కనుక నిజమైతే.. ఊర మాస్ కాంబినేషన్ అని అభిమానులు చెప్పుకొస్తున్నారు. మరి వెంకట్ ప్రభు ఎలాంటి క్యాస్టింగ్ తో వస్తాడో చూడాలి.