Israel-Hamas War: ఇజ్రాయెల్‌- హమాస్ పోరు.. ఒక్క సారిగా ఎగిసిన ముడి చమురు ధరలు

Israel-Hamas War: గత వారాంతంలో ప్రపంచంలో రెండు దేశాల మధ్య మరో యుద్ధం మొదలైంది. తూర్పు యూరప్‌లో ఏడాదిన్నరగా సాగుతున్న యుద్ధం తర్వాత ఇప్పుడు పశ్చిమాసియాలో కొత్త యుద్ధం మొదలైంది. పశ్చిమాసియాలో ఉద్భవించిన ఈ ఉద్రిక్తత కారణంగా ఒక్కసారిగా 5 శాతం పెరిగిన ముడి చమురు ధరలకు నిప్పుపెట్టింది. పశ్చిమాసియా ప్రాంతం మొత్తం ప్రపంచానికి చాలా ముఖ్యమైనది. ఎందుకంటే ప్రపంచంలోని ముడి చమురు అవసరాలలో మూడింట ఒక వంతు ఈ ప్రాంతం నుండి సరఫరా చేయబడుతుంది. శనివారం ఉదయం ఇజ్రాయెల్‌పై హమాస్ దాడి చేసిన తర్వాత, పశ్చిమాసియాలో పరిస్థితి మళ్లీ అస్థిరంగా మారింది. ఎవరూ కలలో కూడా ఊహించని విధంగా ఇజ్రాయెల్‌పై హమాస్‌ తీవ్ర దాడి చేసింది. గత 50 ఏళ్లలో ఇజ్రాయెల్ చరిత్రలో ఇదే అత్యంత భయంకరమైన దాడిగా విశ్లేషకులు భావిస్తున్నారు.

Read Also:South Central Railway: 4 కొత్త రైల్వే సర్వీసులు.. జెండా ఊపి ప్రారంభించిన కిషన్ రెడ్డి..

హమాస్ దాడిలో పెద్ద సంఖ్యలో మహిళలు, పిల్లలు, వృద్ధులతో సహా వేలాది మంది మరణించగా, చాలా మంది బందీలుగా ఉన్నారు. ఆ తర్వాత ఇజ్రాయెల్ అధికారికంగా యుద్ధం ప్రకటించింది. ఈ యుద్ధానికి సంబంధించి ప్రపంచం కూడా రెండు శిబిరాలుగా విడిపోయినట్లు కనిపిస్తోంది. ప్రస్తుతం యుద్ధం త్వరగా ముగిసే సూచనలు కనిపించడం లేదు. పశ్చిమ ఆసియాలో యుద్ధం ప్రారంభమైన తర్వాత ఒక్కసారిగా ముడి చమురు ధర 5 శాతం వరకు పెరిగింది. వెస్ట్ టెక్సాస్ ఇంటర్మీడియట్ బ్యారెల్‌కు 87డాలర్లకి చేరుకుంది. బ్రెంట్ క్రూడ్‌లో 4.18డాలర్లు లేదా 4.99 శాతం పెరుగుదల గమనించబడింది. ఇది బ్యారెల్‌కు 88.76డాలర్లకు చేరుకుంది. డబ్ల్యూటీఐ బ్యారెల్‌కు 5.11 శాతం పెరిగి 87.02 డాలర్లకు చేరుకుంది.

Read Also:Shamshabad Airport : ఎలా వస్తాయి రా ఇలాంటి ఐడియాలు.. డిటర్జెంట్ సర్ఫ్‌లో బంగారం

వారం క్రితం క్రూడాయిల్ ధరలు భారీగా పతనమయ్యాయి. ఎప్పుడైతే యుద్ధం మొదలైందో మళ్లీ ధర ఎగిసింది. గత వారంలో బ్రెంట్ క్రూడ్ సుమారు 11 శాతం క్షీణించింది. మార్చి తర్వాత ఒక్క వారంలో ముడిచమురు ధరలు తగ్గడం ఇదే మొదటి సారి. ఇప్పుడు క్రూడ్ ఆయిల్‌లో పెరుగుతున్న ట్రెండ్ తిరిగి వచ్చింది. నిజానికి ఇజ్రాయెల్‌పై హమాస్ జరిపిన దాడికి ఇరాన్‌తో ముడిపడి ఉంది. ఈ దాడిలో ఇరాన్ ఇంటెలిజెన్స్ ప్రత్యక్ష ప్రమేయం ఉందనే ఆరోపణలున్నాయి. ఇరాన్ దాడికి పాల్పడిందని ఇజ్రాయెల్ ఆరోపించింది. ఇజ్రాయెల్‌పై దాడి తర్వాత ఇరాన్‌లో భారీ సంబరాలు జరిగాయి. ఈ దాడిపై ఇరాన్ హమాస్‌ను కూడా ప్రశంసించింది. ఇరాన్ సరఫరా మళ్లీ నిలిపివేయబడుతుందని మార్కెట్ భయపడుతోంది. దీంతో ముడి చమురు ధర మరింత పెరుగుతుంది.