Etela Rajender: కాంగ్రెస్ దేశాన్ని క్యాన్సర్ లా పట్టిపీడించింది
సీఎం రేవంత్ రెడ్డి వ్యాఖ్యలపై మల్కాజిగిరి పార్లమెంట్ అభ్యర్థి ఈటల రాజేందర్ ఫైర్ అయ్యారు. కాంగ్రెస్ పార్టీపై తీవ్ర విమర్శలు చేశారు. సికింద్రాబాద్ లో ఆయన మాట్లాడుతూ.. కంటోన్మెంట్ లో ఓటుకు రూ. 2000 పంచుతూ ప్రజలను ప్రలోభపెడుతున్నారని ఆరోపించారు. దేశానికి క్యాన్సర్ పట్టిందంటూ రేవంత్ రెడ్డి మాట్లాడటంతో.. అతని మెంటల్ కండిషన్ ఎలా వుందో అర్ధం కావడం లేదన్నారు. క్యాన్సర్ లా దేశాన్ని పట్టి పీడించింది కాంగ్రెస్ పార్టీ అని విమర్శించారు. తన గెలుపును ఆపడం కోసం చాలా ప్రయత్నాలు చేస్తున్నారని పేర్కొన్నారు.
READ MORE: Jharkhand : జార్ఖండ్లో కుప్పకూలిన ఎన్నికల వేదిక.. తృటిలో తప్పిన పెను ప్రమాదం
ప్రజానికం అంత అర్థం చేసుకొని తగిన బుద్ధి చెబుతారని ఈటల రాజేందర్ అన్నారు. కేసీఆర్ పై విద్వేషంతో చచ్చి పోయిన పార్టీని బతికిస్తే నువ్వు సీఎం అయ్యావని ఆయన మండిపడ్డారు. 5 నెలలో పాలనలో రేవంత్ పాలనపై ప్రజలు ఆగ్రహం గా ఉన్నారని చెప్పారు. కాగా.. రాష్ట్రంలో ఎన్నికల ప్రచారం తుది దశకు చేరింది. కొన్ని గంటల్లో ప్రచార గడువు ముడియడంతో ప్రధాన పార్టీల నేతలు ప్రచారం ముమ్మరం చేశారు. విలేకర్ల సమావేశాలు నిర్వహిస్తూ.. తీవ్రంగా విమర్శలు చేసుకుంటున్నారు.