Off The Record: ఇప్పుడు ఎమ్మెల్సీ.. తర్వాత అసెంబ్లీ? బీఆర్ఎస్-లెఫ్ట్ కెమిస్ట్రీ కుదిరేనా..?
- గ్రాడ్యుయేట్ ఎమ్మెల్సీ ఓటరు నమోదుపై బీఆర్ఎస్ స్పెషల్ కేర్ మద్దతు కోసం లెఫ్ట్ పార్టీలను సంప్రదించాలని నిర్ణయం ఇప్పటికే కాంగ్రెస్తో కలిసి నడుస్తున్న సీపీఐ సీపీఎం, న్యూ డెమొక్రసీ లాంటి పార్టీల వైపు గులాబీ చూపు ఇప్పుడు కెమిస్ట్రీ కుదిరితే వచ్చే ఎన్నికల్లో కూడా కలిసే ముందుకు? ఎమ్మెల్యే పల్లా రాజేశ్వర్రెడ్డికి సంప్రదింపుల బాధ్యతలు? అభ్యర్థి కాకుండా పార్టీ ప్రాతిపదికన మద్దతు ప్రయత్నాలు
- Follow Us :
-
-
Add as a preferred
source on google
Off The Record: తెలంగాణలో రెండు గ్రాడ్యుయేట్ ఎమ్మెల్సీ స్థానాలకు ఎన్నికల ప్రక్రియ వేగం పుంజుకోవడంతో ప్రధాన పార్టీలన్నీ వ్యూహాలకు పదును పెడుతున్నాయి. మహబూబ్నగర్-రంగారెడ్డి-హైదరాబాద్, వరంగల్-ఖమ్మం-నల్గొండ నియోజకవర్గాల్లో ఎన్నికల కోసం ఓటర్ల నమోదు ప్రక్రియ కొనసాగుతోంది. విపక్షం బీఆర్ఎస్ ఇప్పటికే ఓటర్ల ఎన్రోల్మెంట్పై ప్రత్యేకంగా దృష్టి పెట్టింది. ఈ ఆరు ఉమ్మడి జిల్లాల నేతలతో సమావేశాలు నిర్వహించి.. అర్హులైన ప్రతి పట్టభద్రుడిని ఓటరుగా నమోదు చేయించడంపై దృష్టి పెట్టిందట గులాబీ అధిష్టానం. ఇదే సమయంలో రాజకీయ సమన్వయం ఎలా ఉండాలన్న అంశంపైనా… బీఆర్ఎస్లో చర్చ మొదలైంది. లెఫ్ట్ పార్టీలతో సంప్రదింపులు జరిపి.. కలిసి వచ్చేవారి మద్దతు తీసుకోవాలనే యాంగిల్లో కసరత్తు చేస్తున్నట్లు తెలుస్తోంది. సీపీఐ ఇప్పటికే కాంగ్రెస్ పార్టీతో కలిసి నడుస్తోంది. గత అసెంబ్లీ ఎన్నికల్లో కలిసి పోటీ చేసిన కాంగ్రెస్, లెఫ్ట్… అదే పొత్తును కొనసాగిస్తున్నాయి. దాంతో… కంకి కొడవలిని వదిలేస్తే.. ఇక సుత్తీ కొడవలి తమకు అనుకూలంగా ఉంటుందేమోనని ఆశగా చూస్తోందట బీఆర్ఎస్ నాయకత్వం.
ఇదే విషయమై సీపీఎం సీనియర్ నేత తమ్మినేని వీరభద్రం కూడా రియాక్ట్ అయ్యారు. బీఆర్ఎస్ తమను సంప్రదించినట్టు చెప్పుకొచ్చారాయన. ఆ విషయంలో ఇప్పటి వరకు ఎలాంటి నిర్ణయం తీసుకోలేదని, తమ పార్టీలో అంతర్గతంగా మాట్లాడుకుని నిర్ణయం తీసుకుంటామని చెబుతున్నారు సీపీఎం లీడర్స్. అలాగే… తెలంగాణలో అంతో ఇంతో ప్రభావం చూపగలిగే… న్యూ డెమోక్రసీ లాంటి ఇతర లెఫ్ట్ పార్టీల మద్దతు కూడా అడగాలని భావిస్తోందట బీఆర్ఎస్. గ్రాడ్యుయేట్ ఎమ్మెల్సీ ఎన్నికల్లో అవగాహన కుదిరితే.. దాన్ని అసెంబ్లీ ఎన్నికల్లో కూడా కొనసాగించాలన్న ఉద్దేశ్యం బీఆర్ఎస్ పెద్దలకు ఉన్నట్టు చెప్పుకుంటున్నారు. ముఖ్యంగా… లెఫ్ట్ పార్టీలకు స్టూడెంట్ వింగ్స్ బలంగా ఉంటాయి. పట్టభద్రుల ఎమ్మెల్సీ ఎన్నికల్లో వర్శిటీ స్థాయి స్టూడెంట్స్ కీలకం. అందుకే… విద్యార్థి విభాగాలు బలంగా ఉండే పార్టీల మద్దతు కోసం ప్లాన్ చేస్తోందట బీఆర్ఎస్. ప్రత్యేకించి ఎన్నికలు జరగబోయే రెండు ఎమ్మెల్సీ సీట్ల పరిధిలోని కొన్ని నియోజకవర్గాల్లో కమ్యూనిస్టు పార్టీలు చాలా బలంగా ఉన్నాయి.
Also Read
అందుకే… ఇప్పుడు లెఫ్ట్ మద్దతును చాలా కీలకంగా భావిస్తోందట బీఆర్ఎస్ అధిష్టానం. ఇప్పుడు మద్దతు పేరుతో కలిసి పని చేసి కెమిస్ట్రీ కుదిరితే… వచ్చే ఎన్నికల నాటికి పరిస్థితిని బట్టి పొత్తుతో వెళ్లే దిశగా ఆలోచించవచ్చని గులాబీ నేతలు అనుకుంటున్నట్టు తెలుస్తోంది. ఇలా కమ్యూనిస్టు పార్టీలతో చర్చలు జరిపే బాధ్యతను పార్టీ ఎమ్మెల్యే పల్లా రాజేశ్వర్ రెడ్డికి అప్పగించినట్టు సమాచారం. ఎన్నికల నోటిఫికేషన్ వచ్చే లోపు కమ్యూనిస్టుల మద్దతు పై పూర్తి సమాచారాన్ని అధిష్టానికి ఇచ్చే పనిలో ఉన్నారట పల్లా. గతంలో లెఫ్ట్ పార్టీలతో కలిసి పని చేసిన అనుభవం బీఆర్ఎస్ కు ఉంది. అందుకే ఈ ఎమ్మెల్సీ ఎన్నికల్లో కమ్యూనిస్టుల మద్దతు తీసుకుంటే కింది స్థాయి కేడర్లో కూడా సఖ్యత కుదురుతుందని అనుకుంటున్నారట. పట్టభద్రుల స్థానాల్లో ఎన్రోల్మెంట్ పూర్తయిన తర్వాతే అభ్యర్థిని ప్రకటిస్తామని చెబుతోంది బీఆర్ఎస్. ఆలోపే కలిసివచ్చే లెఫ్ట్ పార్టీల మద్దతు కూడగట్టుకునే ప్రయత్నాల్లో ఉందట. అభ్యర్థి ప్రాతిపదికన మద్దతు కాకుండా పార్టీకి ఇచ్చే విధంగా పావులు కదుపుతోందంటున్నారు. ఇలా…. ఇప్పుడు సెట్ అయితే… దీన్ని బేస్ చేసుకుని వచ్చే అసెంబ్లీ ఎన్నికలకు రూట్ క్లియర్ చేసుకోవాలన్నది కారు పార్టీ ప్లాన్ అంటున్నారు రాజకీయ విశ్లేషకులు.
తాజావార్తలు
-
SCO 2026: ‘చేతులు నరికేస్తాం’ అన్న పాక్ మంత్రి.. ఇప్పుడు భారత్కు రాక..!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
Araku Valley Weather: పడిపోయిన ఉష్ణోగ్రతలు!.. అరకు లోయలో మంచు అందాలు..
-
Asus ExpertBook A7: ఆసుస్ ఎక్స్పర్ట్బుక్ A7 లాంచ్.. 8GB RAM, OLED డిస్ప్లే, 24 గంటల బ్యాటరీ!
-
Kaaka Update: ‘కాకా’లో స్పెషల్ సాంగ్.. రితికాతో ‘మెగాస్టార్’ మాస్ స్టెప్పులు!
ట్రెండింగ్
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!
-
Tata Motors దూకుడు మాములుగా లేదుగా.. 10 నెలల్లోనే గతేడాది లెక్కలు తారుమారు.!
-
Oppo Reno 17 నుంచి Xiaomi 18 Pro వరకు.. ఈ వారం రాబోతున్న కొత్త స్మార్ట్ ఫోన్లు ఇవే..!
-
Jio యూజర్లకు బిగ్ షాక్.. ఇకపై ఆ వినియోగదారులకు సేవలు బంద్..? అలర్ట్ మెసేజ్లు షురూ..!
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు