CM Chandrababu Prakasam District Visit: నేడు ప్రకాశం జిల్లాలో సీఎం చంద్రబాబు పర్యటన..

CM Chandrababu Prakasam District Visit: ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు ఇవాళ ప్రకాశం జిల్లాలో పర్యటించనున్నారు. కొండపి నియోజకవర్గంలోని జరుగుమల్లి మండలం నర్సింగోలులో నిర్వహించనున్న ‘మీభూమి-మీహక్కు’ కార్యక్రమంలో సీఎం పాల్గొననున్నారు. ఈ పర్యటనలో భాగంగా రైతులతో ముఖాముఖి కార్యక్రమంలో పాల్గొని, అనంతరం గ్రామసభకు హాజరుకానున్నారు. గ్రామసభలో ఏర్పాటు చేసిన వివిధ స్టాళ్లను ముఖ్యమంత్రి సందర్శించనున్నారు. ఇక, సీఎం చంద్రబాబు నాయుడు పర్యటన నేపథ్యంలో అధికారులు విస్తృత ఏర్పాట్లు చేశారు. ముఖ్యమంత్రి చంద్రబాబు పర్యటనలో భాగంగా రైతులతో జరిగే ముఖాముఖి కార్యక్రమం, గ్రామసభకు ప్రాధాన్యత ఉంది. ఈ కార్యక్రమాల అనంతరం చంద్రబాబు పార్టీ క్యాడర్ సమావేశంలో పాల్గొననున్నారు. పర్యటన సజావుగా సాగేందుకు అధికారులు అవసరమైన ఏర్పాట్లు చేపట్టారు.

సీఎం చంద్రబాబు పర్యటన పూర్తి షెడ్యూల్
* ఉదయం 10:00 గంటలకు: ఉండవల్లిలోని తన నివాసం నుంచి హెలికాప్టర్‌లో బయలుదేరుతారు.
* ఉదయం 10:40 గంటలకు: ప్రకాశం జిల్లా నర్సింగోలు హెలిప్యాడ్‌కు చేరుకుంటారు.
* ఉదయం 11:00 గంటలకు: నర్సింగోలులో రైతులతో నిర్వహించే ముఖాముఖి కార్యక్రమంలో పాల్గొంటారు.
* ఉదయం 11:45 గంటలకు: గ్రామసభకు హాజరవుతారు.
* గ్రామసభ సందర్భంగా: అక్కడ ఏర్పాటు చేసిన వివిధ స్టాళ్లను ముఖ్యమంత్రి సందర్శిస్తారు.
* మధ్యాహ్నం 3:15 గంటలకు: పార్టీ క్యాడర్ సమావేశంలో పాల్గొంటారు.
* సాయంత్రం 4:45 గంటలకు: క్యాడర్ సమావేశం ముగించుకుని బయలుదేరుతారు.
* సాయంత్రం 4:55 గంటలకు: నర్సింగోలు హెలిప్యాడ్ నుంచి హెలికాప్టర్‌లో బయలుదేరుతారు.
* సాయంత్రం 5:35 గంటలకు: ఉండవల్లిలోని తన నివాసానికి చేరుకుంటారు.