Anand Mahindra: రోబోలా మారిన కారు…చూస్తే ఆశ్చర్యపోవాల్సిందే!

తన మనసుకు నచ్చిన విషయాలను సోషల్ మీడియా ద్వారా పంచుకుంటూ ఉంటారు ప్రముఖ వ్యాపారవేత్త ‘ఆనంద్ మహీంద్రా’. ఎన్నో ఆసక్తికరమైన వీడియోలను ట్విటర్ ద్వారా షేర్ చేస్తుంటారు. అలాంటి వీడియోనే ఒకటి తాజాగా ఆయన షేర్ చేయగా చూసిన వారు ఆశ్చర్యపోతున్నారు. ఈ వీడియోలో అంతగా ఆశ్చర్యపోవాల్సిన విషయం ఏముందా అని అనుకుంటున్నారా? అయితే వీడియో గురించి తప్పకుండా తెలుసుకోవాల్సిందే. మనం కొన్ని హలీవుడ్ సినిమాల్లో చూసినట్లయితే ఒక కారు రోడ్డు మీద రయ్యిమంటూ వెళ్తూ సడెన్ గా రోబోలా మారిపోతూ ఉంటుంది. ఆనంద్ మహీంద్రా షేర్ చేసిన వీడియోలో కూడా ఏకంగా ఒక బీఎమ్ డబ్య్లూ కారు ఇలానే రోబోలా మారిపోయింది.

Also Read: MS Dhoni: ఆ విషయంలో ఇబ్బంది పడిన ధోనీ, సాయం చేసిన అభిమాని… వీడియో వైరల్

ఈ ప్రయోగాన్ని 2016 లో టర్కీ దేశానికి చెందిన ఓ కార్ల కంపెనీ చేసినట్లుగా తెలుస్తోంది. దీనిని చూడగానే అక్కడ ఉన్నవారందరూ తమ ఫోన్లలో  వీడియోను తీసుకున్నారు. పిల్లలు, పెద్దవారు కూడా ఆశ్చర్యంతో చప్పట్లు కొట్టారు. ఇక ఈ వీడియో ఆనంద్ మహీంద్రాను కూడా ఫిదా చేయడంతో దానిని షేర్ చేస్తూ టర్కిష్ ఆర్ అండ్ డీ కంపెనీ రూపొందించి, ప్రదర్శించిన ట్రాన్స్ ఫార్మర్, మన ఆర్ అండ్ డీలో కూడా ఇలాంటి ఫన్ ఉండాలంటూ మహీంద్రా అండ్ మహీంద్రా ఆటోమోటివ్ టెక్నాలజీ ప్రెసిడెంట్ ‘వేలు మహీంద్రా’ను ఆనంద్ మహీంద్రా ట్యాగ్ చేశారు.

ఈ వీడియోను ఇప్పటికి వరకు లక్షల మంది చూశారు. చూసిన వారిలో చాలా మంది తమదైన శైలిలో కామెంట్స్ చేస్తున్నారు. ఇలాంటి ఆవిష్కరణలు మన ఇండియన్ కంపెనీలు కూడా చేయాలని కొంతమంది నెటిజన్లు ఆనంద్ మహీంద్రాతో ఏకీభవిస్తూ కామెంట్ చేస్తున్నారు.

A real-life ‘transformer’ developed & showcased by a Turkish R&D company. We should be having such fun at our R&D too! @Velu_Mahindra ? https://t.co/Ru1uK01RaA

— anand mahindra (@anandmahindra) August 7, 2023