హర్యానాలో చైన్స్నాచర్లు రెచ్చిపోయారు. ఇద్దరు అగంతకులు చైన్ చోరీకి ప్లాన్ వేశారు. అంతే రోడ్డు ప్రక్కన ఆగిఉన్న మహిళ మెడలోంచి చైన్ లాక్కుని.. బైక్ ఎక్కి పారిపోతుండగా.. దూరం నుంచి గమనిస్తున్న ఓ బస్సు డ్రైవర్ సాహసం చేసి వారిద్దరిని ఢీకొట్టాడు. దీంతో వారిద్దరు కిందపడిపోయారు. అనంతరం లేచి పరారయ్యారు. ఇందుకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతోంది.
ఇది కూడా చదవండి: Team India : ప్రపంచకప్ లో కోహ్లి, జైస్వాల్ ఓపెనింగ్ చేయాలి.. మాజీ ప్లేయర్ ఆసక్తికరమైన వ్యాఖ్యలు..
హర్యానాలోని కర్నాల్లో పగటిపూట ఇద్దరు దుండగులు రెచ్చిపోయారు. మహిళ మెడలో ఉన్న ఆభరణాన్ని తెంపుకెళ్లారు. ఒకరు చైన్ తెంపితే.. ఇంకొకరు బైక్తో రెడీగా ఉన్నాడు. చైన్ లాక్కుని బైక్పై తప్పించుకునేందుకు ప్రయత్నించగా బస్సు డ్రైవర్ ఆ ప్రయత్నాన్ని అడ్డుకున్నాడు. దుండగులు బైక్ వదిలిపారిపోయారు. ఈ ఘటన సీసీ కెమెరాలో రికార్డ్ అయింది.
ఇది కూడా చదవండి: Walnut side Effects : వేసవిలో వాల్ నట్స్ తింటే కలిగే అనర్థాలేంటో తెలుసుకోండి?
ఆటోలో ప్రయాణిస్తున్న మహిళను దుండగులు టార్గెట్ చేశారు. దొంగల్లో ఒకరు ఆటోలో ఆమెతో పాటు కూర్చొని ఉండగా.. రెండో వ్యక్తి బైక్పై వారిని వెంబడించాడు. ఓ ప్రాంతంలో ఆమె దిగగానే దొంగ దోపిడీకి పాల్పడ్డాడు. రెండో వ్యక్తి దోపిడీ ప్రయత్నాన్ని నిశితంగా గమనిస్తూ.. ప్రయత్నం సఫలం కాగానే పారిపోయేందుకు ప్రయత్నించారు. చోరీని గమనించిన డ్రైవర్.. బస్సుతో బైక్ను ఢీకొట్టాడు. ఇద్దరు హడావుడిగా లేచి బైక్ను వదిలి పరుగెత్తారు. బైక్ను స్వాధీనం చేసుకున్న పోలీసులు సీసీటీవీ ఫుటేజీని పరిశీలిస్తున్నారు. కేసు నమోదు చేసుకుని దర్యాప్తు చేస్తున్నారు. ఇక ఇందుకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతోంది.
