Budget 2024 : ఆర్థిక మంత్రి నిర్మలా సీతారామన్ ఈరోజు మోడీ ప్రభుత్వం రెండో దఫా మధ్యంతర బడ్జెట్ను ప్రవేశపెట్టారు. ఎన్నికల బడ్జెట్ కావడంతో దీనిపై భారీ అంచనాలు నెలకొన్నాయి. వైద్యరంగంలో జరుగుతున్న అభివృద్ధిని ఈ బడ్జెట్ సందర్భంగా దృష్టిలో ఉంచుకున్నారు. దీనికి సంబంధించి పలు కీలక నిర్ణయాలు కూడా తీసుకున్నారు.
Read Also:Malla Reddy: నేను.. రేవంత్ మిత్రులం.. కలిస్తే తప్పేంటి..!
బడ్జెట్ను సమర్పిస్తూ ఆర్థిక మంత్రి నిర్మలా సీతారామన్ మాట్లాడుతూ.. అర్హత కలిగిన డాక్టర్ కావాలనేది చాలా మంది యువత ఆశయం. మెరుగైన ఆరోగ్య సంరక్షణ సేవల ద్వారా మన ప్రజలకు సేవ చేయడమే వారి లక్ష్యం. వివిధ విభాగాల కింద ప్రస్తుతం ఉన్న హాస్పిటల్ ఇన్ఫ్రాస్ట్రక్చర్ని ఉపయోగించి మరిన్ని మెడికల్ కాలేజీలను స్థాపించాలని మా ప్రభుత్వం యోచిస్తోంది. ఈ ప్రయోజనం కోసం, కేసుల దర్యాప్తు, సంబంధిత సిఫార్సులు చేయడానికి ఒక కమిటీని కూడా ఏర్పాటు చేస్తామన్నారు.
Read Also:Paytm Ban : ఆర్బీఐ నిర్ణయంతో రూ.9700కోట్లు నష్టపోయిన పేటీఎం
కొత్త విద్యా విధానం వల్ల విద్యారంగంలో అనేక మార్పులు చోటు చేసుకున్నాయని ఆర్థిక మంత్రి నిర్మలా సీతారామన్ అన్నారు. పీఎం శ్రీ స్కూల్ పిల్లలకు నాణ్యమైన విద్యను అందిస్తోంది. ఉన్నత విద్యాసంస్థల గురించి మాట్లాడితే.. 7 ఐఐటీలు, 16 ఐఐఐటీలు, 7 ఐఐఎంలు, 16 ఎయిమ్స్, 390 యూనివర్సిటీలు ఏర్పాటయ్యాయి. వివిధ పథకాల ద్వారా యువతకు ఉపాధి రంగంలో కూడా తోడ్పాటు అందిస్తున్నామని ఆర్థిక మంత్రి తెలిపారు. స్టార్టప్ గ్యారెంటీ స్కీమ్, ఫండ్ ఆఫ్ ఫండ్స్, స్టార్టప్ ఇండియా కింద ఉపాధి పొందడంలో యువతకు చాలా సహాయపడింది.
