Ragidi Laxma Reddy: కేపీహెచ్బీ కాలనీలో బీఆర్ఎస్ మల్కాజ్గిరి పార్లమెంట్ అభ్యర్థి ప్రచారం..
బీఆర్ఎస్ పార్టీ బలపరుస్తున్న మల్కాజ్గిరి పార్లమెంట్ అభ్యర్థి రాగిడి లక్ష్మారెడ్డికి మద్దతుగా కె.పి.హెచ్.బి కాలనీ డివిజన్లో కార్పొరేటర్ మందడి శ్రీనివాసరావు, కోఆర్డినేటర్ సతీష్ అరోరా ఆధ్వర్యంలో ఎమ్మెల్యే మాధవరం కృష్ణారావు రెండు వేల మందితో భారీ బైక్ ర్యాలీ నిర్వహించారు. కె.పి.హెచ్.బి కాలనీ రోడ్ నెంబర్ వన్ నుండి మొదలైన బైక్ ర్యాలీ 9వ ఫేస్ వరకు కొనసాగింది. ఈ బైక్ ర్యాలీలో ప్రజలకు అభివాదం చేస్తూ ఎమ్మెల్యే మాధవరం కృష్ణారావుకి మద్దతుగా నిలుస్తూ అడుగున అడుగున స్వాగతం పలికారు.
Read Also: CSK vs GT: సెంచరీలతో చెలరేగిన గిల్, సుదర్శన్.. గుజరాత్ భారీ స్కోరు
గత ఎన్నికల్లో అభివృద్ధిని చూసి బీఆర్ఎస్ పార్టీకి ఓట్లు వేసి గెలిపించిన ప్రజలందరి అభిమానం ఎప్పటికీ మరువలేమని ఎమ్మెల్యే మాధవరం కృష్ణారావు తెలిపారు. అదేవిధంగా.. రేపు జరగబోయే పార్లమెంట్ ఎన్నికల్లో బీఆర్ఎస్ పార్టీ అభ్యర్థి రాగిడి లక్ష్మారెడ్డికి ఓట్లు వేసి గెలిపించినట్లయితే.. కార్పోరేటర్ నుండి ఎమ్మెల్యే, ఎంపీ అందరూ బీఆర్ఎస్ పార్టీ వాళ్ళే ఉండడం వల్ల ఏ ప్రభుత్వం అధికారంలో ఉన్న నియోజకవర్గంలో తమకు కావలసిన అభివృద్ధి జరుగుతుందని తెలిపారు. ఎలాంటి ఆటంకాలు లేకుండా అభివృద్ధి జరగాలంటే మరోసారి బీఆర్ఎస్ పార్టీ అభ్యర్థి రాగిడి లక్ష్మారెడ్డి కారు గుర్తుకు పై ఓటువేసి గెలిపించాలని ఎమ్మెల్యే మాధవరం కృష్ణారావు కోరారు. ఈ కార్యక్రమంలో మాజీ కార్పొరేటర్ బాబురావు, డివిజన్ అధ్యక్షులు కృష్ణారెడ్డి, ప్రధాన కార్యదర్శి రాజేష్, యూత్ అధ్యక్షులు సాయి శ్రీనివాస్, గోపి, సురేష్ రెడ్డి, మహిళా నాయకురాలులు, కార్యకర్తలు పాల్గొన్నారు.
Read Also: PM Modi: తెలంగాణ రాజకీయాలు, హైదరాబాద్ అభివృద్ధిపై ప్రధాని మోడీ కీలక వ్యాఖ్యలు..